ଝାରସୁଗୁଡ଼ା ଜିଲ୍ଲାର ରାମପୁର ଆଉଟପୋଷ୍ଟ ଅନ୍ତର୍ଗତ ବୁନ୍ଦିଆ ଅଞ୍ଚଳରେ ଏକ ୨୦ ବର୍ଷର ନବଯୁବକ ନିଜ ଘରେ ସିଲିଂ ଫ୍ୟାନରେ ଆତ୍ମହତ୍ୟା କରିଥିବା ଖବର ଆସିଛି। ନୀତିଶ କୁମାର ନାମକ ଏହି ଯୁବକ ନିଜର ଏକ ଝିଅ ସାଙ୍ଗ ସହ ସଂପର୍କ ତିକ୍ତ ହୋଇଯାଇଥିବା ଯୋଗୁଁ ଭିଡିଓ କଲ କରିବା ସମୟରେ ଏହି ଦୁଃଖଦ ପଦକ୍ଷେପ ନେଇଥିବା ଜଣା ଯାଇଛି।
ମିଳିଥିବା ସୂଚନାନୁସାରେ ନୀତିଶର ଭାଇ ପାଖକୁ ଏକ ଫୋନ କଲ୍ ଆସିଥିଲା। ଏହି ଫୋନ କଲରୁ ସେ ଯେତେବେଳେ ଜାଣିଲେ ନିଜକୁ ଫାଶୀ ଲଗାଇ ଆତ୍ମହତ୍ୟା କରିବାକୁ ଯାଉଛି, ପରିବାରର ସମସ୍ତ ସଦସ୍ୟ କୋଠରୀକୁ ଧାଇଁ ଯାଇଥିଲେ। ମାତ୍ର ସେ ସମୟରେ କୋଠରୀ ଭିତରୁ ବନ୍ଦ ଥିଲା।ଦରଜା ଭାଙ୍ଗି ଭିତରକୁ ପ୍ରବେଶ କଲାବେଳକୁ ସେମାନେ ତାକୁ ସିଲିଂ ଫ୍ୟାନରେ ଝୁଲୁଥିବା ଦେଖିବାକୁ ପାଇଥିଲେ।
ଖବର ପାଇ ରାମପୁର ଆଉଟ ପୋଷ୍ଟରୁ କର୍ମଚାରୀ ଗାଁ’କୁ ପହଞ୍ଚି ତୁରନ୍ତ ପୋଷ୍ଟମର୍ଟମ ପାଇଁ ମୃତଦେହକୁ ଜବତ କରିଥିବା ଜଣାଯାଇଛି।