କୁରୁକ୍ଷେତ୍ର ଲୋକସଭା ଅସନରୁ ନବୀନ ଜିନ୍ଦଲଙ୍କ ବିଜୟ

ଭୁବନେଶ୍ୱର : ଜିନ୍ଦଲ ଷ୍ଟିଲ ଆଣ୍ଡ ପାୱାର (ଜେଏସପି)ର ଚେୟାରମ୍ୟାନ୍ତ ଥା ବିଜେପି ନେତା ଶ୍ରୀ ନବୀନ ଜିନ୍ଦଲ ହରିୟାଣାର କୁରୁକ୍ଷେତ୍ର ଲୋକସଭା ଆସନରୁ ନିର୍ବାଚିତ ହୋଇଛନ୍ତି।ଭାରତର ନିର୍ବାଚନ ଆୟୋଗଙ୍କ ଅନୁଯାୟୀ ସେ ୫୪୨୧୭୫ ଭୋଟ୍ପା ଇ ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ଇଣ୍ଡିମେଣ୍ଟର ପ୍ରାର୍ଥୀଙ୍କୁ ପରାସ୍ତ କରିଛନ୍ତି।
ନବନିର୍ବାଚିତ ସାଂସଦ ଶ୍ରୀଜିନ୍ଦଲ କୁରୁକ୍ଷେତ୍ର ଲୋକସଭା ନିର୍ବାଚନମଣ୍ଡଳୀର ଜନସାଧାରଣ, ବିଜେପିର ବରିଷ୍ଠ ନେତୃତ୍ୱ ଏବଂ ଦଳୀୟ କର୍ମୀଙ୍କୁ କୃତଜ୍ଞତା ଜଣାଇଛନ୍ତି। ସେ କହିଛନ୍ତି ଯେ ଆମେ ସମସ୍ତେ ଏକାଠି କାମକରି ଲୋକଙ୍କ ଆଶାପୂରଣ କରିବାକୁ ଯଥାସମ୍ଭବ ଚେଷ୍ଟା କରିବୁ।
ଭାରତର ଜଣେ ଉଦ୍ୟୋଗପତି, ଦେଶପ୍ରେମୀ ଏବଂ ପରୋପକାରୀ ବ୍ୟକ୍ତି ଭାବରେ ଶ୍ରୀ ଜିନ୍ଦଲ ଜଣାଶୁଣା।ସେ ଏକ ଦଶନ୍ଧି ଧରି ଚାଲିଥିବା ଏକ ଆଇନଗତ ଯୁଦ୍ଧରେ ଜିତିଥିଲେ ଯାହା ସମସ୍ତ ଭାରତୀୟଙ୍କୁ ସବୁଦିନ ନିଜଘର, କାର୍ଯ୍ୟାଳୟ ଏବଂ କାରଖାନାଗୁଡ଼ିକରେ ସମ୍ମାନ ଏବଂ ଗର୍ବର ସହିତ ଜାତୀୟ ପତାକା ଉଡାଇବାର ଅଧିକାର ପ୍ରଦାନ କରିଥିଲା |
ସେ ଗତ ଚତୁର୍ଦ୍ଦଶ ଏବଂ ପଞ୍ଚଦଶ ଲୋକସଭାରେ ସାଂସଦ ଭାବରେ ହରିୟାଣାର କୁରୁକ୍ଷେତ୍ରର ପ୍ରତିନିଧିତ୍ବ କରିଥିଲେ।ଏହି ବିଜୟ ପରେ ସେ ତୃତୀୟ ଥର ପାଇଁ ସଂସଦ (ଲୋକସଭା) ରେ କୁରୁକ୍ଷେତ୍ରର ପ୍ରତିନିଧିତ୍ୱ କରିବେ।
ସାଂସଦ ଭାବରେ କାର୍ଯ୍ୟ କରିବା ସମୟରେ ସେ ଗୃହବ୍ୟାପାର ଓ ପ୍ରତିରକ୍ଷା ଷ୍ଟାଣ୍ଡିଂ କମିଟିର ସଦସ୍ୟ ଏବଂ ଭାରତୀୟ ସଂସଦ ଗୋଷ୍ଠୀର କାର୍ଯ୍ୟନିର୍ବାହୀ ସଦସ୍ୟ ଭାବରେ କାର୍ଯ୍ୟ କରିଥିଲେ।ସମ୍ପ୍ରତି ସେ ଓପିଜିନ୍ଦଲ ଗ୍ଲୋବାଲ ୟୁନିଭରସିଟିର ପ୍ରତିଷ୍ଠାତା କୁଳପତି ମଧ୍ୟ ଅଛନ୍ତି।ଟେକ୍ସାସ୍ ବିଶ୍ୱ ବିଦ୍ୟାଳୟ ଦ୍ୱାରା ଶ୍ରୀ ଜିନ୍ଦଲଙ୍କୁ ଲାଇଫ୍ଟାଇମ୍ଆଚିଭମେଣ୍ଟ ଆୱାର୍ଡରେ ସମ୍ମାନିତ କରାଯାଇଛି।