କଟକରେ ଦଳୀୟ ମିଶ୍ରଣ ପର୍ବରେ କେନ୍ଦ୍ରମନ୍ତ୍ରୀ : ବିଜେପିରେ ଯୋଗଦେଲେ ବିଜୁ ଛାତ୍ର ଜନତା ଦଳର ପୂର୍ବତନ ସଭାପତି ରାଣା ପ୍ରତାପ ପାତ୍ର, ଓଡ଼ିଶା ଗଣ ପରିଷଦ(ଯୁବ) ସଭାପତି ଶୁଭେନ୍ଦୁ ମହାନ୍ତି, ରେଭେନ୍ସା ବିଶ୍ୱବିଦ୍ୟାଳୟର ପୂର୍ବତନ ଛାତ୍ର ସଂସଦ ସଭାପତି ଜ୍ୟୋତି ପ୍ରକାଶ ନାଏକ
• କଟକ-ଚୌଦ୍ୱାର ନିର୍ବାଚନମଣ୍ଡଳୀରେ ରୋଡ’ଶୋରେ ସାମିଲ ହେଲେ କେନ୍ଦ୍ରମନ୍ତ୍ରୀ
• ଓଡ଼ିଆ ଅସ୍ମିତା ଆମର ନାର୍ଯ୍ୟ ଅଧିକାର, ଭଡାଟିଆ ଲୋକମାନଙ୍କୁ ଲଗାଇ ମୋତେ ଯେତେ ଗାଳି ଦେଇପାରନ୍ତି କିନ୍ତୁ ଓଡ଼ିଆ ଲୋକଙ୍କୁ ଉତ୍ତର ଦେବା ପାଇଁ ପଡିବ
• କଟକ ଓଡ଼ିଆ ଅସ୍ମିତାର ପ୍ରୟୋଗଶାଳା ଓ ପ୍ରେରଣାର ଅନ୍ୟତମ ଉତ୍ସ
• ଏସ୍ସିବି ମେଡିକାଲ କଲେଜ ଓ ହସପିଟାଲ ଓଡ଼ିଶାବାସୀଙ୍କ ଆସ୍ଥାର କେନ୍ଦ୍ର
• କେବଳ ବଡ ବଡ କୋଠା ନିର୍ମାଣ କରିଦେଲେ ହେଲେ ସ୍ୱାସ୍ଥ୍ୟସେବା ହୋଇଯାଏନାହିଁ
• କଟକ ସହରର ପଟ୍ଟାପୋଲର ସ୍ଥିତି ସରକାରଙ୍କ ୨୫ ବର୍ଷର ରୂପାନ୍ତରଣ କି?
• ନବୀନ ବାବୁ ଭିଡିଓରେ ଆସୁଛନ୍ତି, ରିମୋର୍ଟ ଗୁମାସ୍ତା ହାତରେ, ଅନ୍ୟ କିଛି ଲୋକ କ୍ରୀତଦାସ ହେବା କଥା କହୁଛନ୍ତି
• ଓଡ଼ିଆ ଭାଷା ଓ ଅସ୍ମିତାକୁ ବୁଝୁନଥିବା ଲୋକଙ୍କୁ ବଦଳାଇବାର ସମୟ ଆସିଛି
କେନ୍ଦ୍ରମନ୍ତ୍ରୀ କହିଛନ୍ତି, ହଜାର ହଜାର ବର୍ଷର ପୁରାତନ ସହର କଟକର ଇତିହାସ, ସଂସ୍କୃତି, ଐତିହ୍ୟ ଓ ପରମ୍ପରା ଓଡ଼ିଆଙ୍କୁ ଗର୍ବିତ କରିବା ପାଇଁ ବାଧ୍ୟ କରେ । କଟକ ଓଡ଼ିଆ ଅସ୍ମିତାର ପ୍ରୟୋଗଶାଳା ଓ ପ୍ରେରଣାର ଅନ୍ୟତମ ଉତ୍ସ । ସ୍ୱାଧୀନତା ସଂଗ୍ରାମର ବହ୍ନି ଜଳୁଥବା ବେଳେ ଏହି ଅଞ୍ଚଳର ଯୁବ ସଂଗ୍ରାମୀମାନେ ଇଂରେଜଙ୍କ ବିରୋଧରେ ସାଲିସ ବୀହିନ ସଂଘର୍ଷ କରିବା ସହ ବ୍ରିଟିଶ ଶକ୍ତିର ଆଧିପତ୍ୟ ଆଗରେ ମୁଣ୍ଡ ନୂଆଇଁ ନଥିଲେ । ସେହି ଗୌରବର ସହରରେ ପ୍ରତିଷ୍ଠା ହୋଇଥିବା କଟକ ଏସସିବି ମେଡିକାଲରେ ସ୍ୱାସ୍ଥ୍ୟସେବାର ଚିତ୍ର ଚିନ୍ତାଜନକ। ଗରିବ ଲୋକଙ୍କ ପାଇଁ ସ୍ୱାସ୍ଥ୍ୟସେବା ଉପଲବ୍ଧ ନ କରାଇ ଓଡ଼ିଶାର ରୂପାନ୍ତରଣ କରିବା କଥା କୁହାଯାଉଛି । କଟକ ଜିଲ୍ଲାର ପିଏଚସି, ସିଏଚସିରେ ଡାକ୍ତର ନାହାନ୍ତି । ଏଥିରୁ ରାଜ୍ୟର ସ୍ୱାସ୍ଥ୍ୟସେବାର ସ୍ଥିତି ସମ୍ପର୍କରେ ଅନୁମାନ କରାଯାଇପାରେ ।
ରାଜ୍ୟ ସରକାର କଟକ ବାସିନ୍ଦାଙ୍କୁ ଶୁଦ୍ଧ ପାଣି ମୁନ୍ଦିଏ ମଧ୍ୟ ଦେଇପାରୁନାହାନ୍ତି । ଓଡ଼ିଆଙ୍କ ମୁଣ୍ଡ ଉପରେ ଋଣ ଭାର ପକାଇ ଜାପାନର ଜାଇକା ବ୍ୟାଙ୍କରୁ ଋଣ ଆଣି କଟକର ନାଳ ନର୍ଦ୍ଦମା ରୋଡକୁ ନୂଆ କରିବାର ପ୍ରୟାସ ହୋଇଥିଲା ବେଳେ ଏଯାଏ କାମ ସରିନି । ନବୀନ ସରକାରଙ୍କ କଟକ ସହରର ପଟ୍ଟାପୋଲର ସ୍ଥିତି ୨୫ ବର୍ଷର ରୂପାନ୍ତରଣ କି ବୋଲି ଶ୍ରୀ ପ୍ରଧାନ ପ୍ରଶ୍ନ କରିଛନ୍ତି । ଏହି ସରକାର ରାଜ୍ୟ ବାହାରର ଠିକାଦାରଙ୍କୁ ପୋଷିବା ସହ ଓଡ଼ିଆକୁ ଦାଦନ ପଠାଇବା କାମ ହିଁ କରନ୍ତି ।
