ଏଟିଏମରୁ ଟଙ୍କା ଉଠାଇବା ନିୟମରେ ସୁରକ୍ଷାମୂଳକ ପରିବର୍ତ୍ତନ !

ମୁମ୍ବାଇ :ବ୍ୟାଙ୍କ ସେବାରେ ବୃଦ୍ଧି ପାଉଥିବା ଜାଲିଆତିକୁ ଦୃଷ୍ଟିରେ ରଖି ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ସୁରକ୍ଷା ନିୟମକୁ କଡାକଡି କରିବାକୁ ନିର୍ଦ୍ଦେଶ ଦେଇଛି | ଯେଉଁ କାରଣରୁ 2022 ର ଶେଷ ମାସ ଆରମ୍ଭରୁ ଏକ ନୂତନ ନିୟମ ଲାଗୁ ହୋଇଛି। ଏହି ନିୟମ ଅନୁଯାୟୀ, ଯଦି ଆପଣ ଏଟିଏମରୁ ନଗଦ ଟଙ୍କା ଉଠାଇବାକୁ ଚେଷ୍ଟା କରୁଛନ୍ତି, ତେବେ ବର୍ତ୍ତମାନ ଆପଣଙ୍କୁ ଆପଣଙ୍କୁ ଏକ ୱାନ ଟାଇମ ପାସୱାର୍ଡ ମଧ୍ୟ ଏଣ୍ଟର କରିବାକୁ ପଡିବ ଯାହା ଆପଣଙ୍କର ପଞ୍ଜୀକୃତ ମୋବାଇଲ୍ ନମ୍ବରରେ ହିଁ ଉପଲବ୍ଧ ହେବ |
ପ୍ରସ୍ତାବିତ ନିୟମ ଅନୁଯାୟୀ ଯଦି ଏଟିଏମ୍ ଧାରକ ଏଟିଏମ/ ବ୍ୟାଙ୍କରୁ ଟଙ୍କା ଉଠାଇବାକୁ ଚାହାଁନ୍ତି, ତେବେ କାର୍ଡ ଭର୍ତ୍ତି କରିବା ପରେ ଏକ ମୋବାଇଲରେ ଏକ ଓଟିପି ମଧ୍ୟ ଆସିବ | କେବଳ ଓଟିପି ଭର୍ତ୍ତି କରିବା ପରେ ଏହା, ଏଟିଏମଧାରକ ଟଙ୍କା ଉଠାଇପାରିବେ | ପଞ୍ଜାବ ନ୍ୟାସନାଲ ବ୍ୟାଙ୍କ ଆଜିଠାରୁ ଏହି ସେବାକୁ କାର୍ଯ୍ୟକାରୀ କରିବାକୁ ଯାଉଥିବାବେଳେ ଅନ୍ୟ ବ୍ୟାଙ୍କଗୁଡ଼ିକ ଏହାକୁ ଧୀରେ ଧୀରେ ଆରମ୍ଭ କରିପାରିବେ ବୋଲି ଜାତୀୟ ଗଣମାଧ୍ୟମ ସୂତ୍ରରୁ ଜଣାପଡିଛି |
ଉଲ୍ଲେଖନୀୟ ବିଷୟ ହେଉଛି, କରୋନା ଅବଧି ପରେ ଅନଲାଇନ୍ ଏବଂ ବ୍ୟାଙ୍କ ଠକେଇ ମାମଲାରେ କ୍ରମାଗତ ବୃଦ୍ଧି ଘଟିଥିଲା, ଯାହାକୁ ଦୃଷ୍ଟିରେ ରଖି ଆରବିଆଇ ଏହି ନିର୍ଦ୍ଦେଶାବଳୀ ଜାରି କରିଥିଲା। ଏହି ପ୍ରକ୍ରିୟାକୁ କାର୍ଯ୍ୟକାରୀ କରିବା ପାଇଁ ଗାଇଡଲାଇନ ଅକ୍ଟୋବରରେ ଜାରି କରାଯାଇଥିଲା, ଯାହା ବ୍ୟାଙ୍କଗୁଡ଼ିକ ଧୀରେ ଧୀରେ କାର୍ଯ୍ୟକାରୀ କରୁଛନ୍ତି।