ଖାଦ୍ୟ ବଣ୍ଟନ ସହ ଜେଜେବାପା-ଜେଜେମା’ଙ୍କ ସହ କିଛି ଖୁସିର ମୁହୂର୍ତ୍ତ
ବାଣପୁର:(ସେକ୍ କୌସର): ସୋମବାର ଦିନ ହିନ୍ଦୁସ୍ତାନ ସୋସିଆଲିଷ୍ଟ ୟୁଥ୍ ଆସୋସିଏସନ୍ ଏବଂ ଜୟ ହିନ୍ଦ ସେବା ଫାଉଣ୍ଡେସନ୍ ଚାରିଟେବଲ୍ ଟ୍ରଷ୍ଟର ମିଳିତ ଉଦ୍ୟମରେ ଏକ ଅଭିନବ ଓ ମାନବିକ ସାମାଜିକ କାର୍ଯ୍ୟକ୍ରମ ଆୟୋଜିତ ହୋଇଯାଇଛି।ଏହି କାର୍ଯ୍ୟକ୍ରମଟି ହିନ୍ଦୁସ୍ତାନ ସୋସିଆଲିଷ୍ଟ ୟୁଥ୍ ଆସୋସିଏସନ୍ର ଷ୍ଟେଟ୍ କନଭେନର୍ ଶ୍ରୀ SK Sartaj ଏବଂ ଚେୟାରମ୍ୟାନ୍ ଶ୍ରୀ Abhinash Ransinghଙ୍କ ନେତୃତ୍ୱରେ ଆୟୋଜିତ ହୋଇଥିଲା।ଏଥିରେ HSYA ଏବଂ ଜୟ ହିନ୍ଦ ସେବା ଫାଉଣ୍ଡେସନ୍ର ସଦସ୍ୟମାନେ ଯୋଗଦେଇ କାର୍ଯ୍ୟକ୍ରମକୁ ସଫଳ କରିଥିଲେ।ଏହି ଅବସରରେ ଆବଶ୍ୟକତା ଥିବା ବୟସ୍କମାନଙ୍କୁ ଖାଦ୍ୟ ବଣ୍ଟନ କରାଯିବା ସହିତ, ଜେଜେବାପା ଓ ଜେଜେମା’ଙ୍କ ସହ ଯୁବକମାନେ କିଛି ସୁନ୍ଦର ଏବଂ ଖୁସିର ମୁହୂର୍ତ୍ତ ବିତାଇଥିଲେ।ବ୍ୟସ୍ତବହୁଳ ଜୀବନ ମଧ୍ୟରେ ବୟସ୍କମାନଙ୍କ ପାଇଁ ସମୟ ବାହାର କରି ସେମାନଙ୍କ ସହ କଥାବାର୍ତ୍ତା କରିବା, ହସଖୁସି ବାଣ୍ଟିବା ଏବଂ ସେମାନଙ୍କ ଜୀବନର ଅନୁଭୂତି ଶୁଣିବାର ଏହି ପ୍ରୟାସ ସମସ୍ତଙ୍କ ମନ ଜିତିଥିଲା।ବୟସରେ ଛୋଟ ହେଲେ ମଧ୍ୟ, ଏହି ଯୁବକମାନଙ୍କ ଭାବନା ଓ ହୃଦୟ ବହୁତ ବଡ଼। ନିଜ ବୟସର ସାଙ୍ଗସାଥୀଙ୍କ ସହ ସମୟ ବିତାଇବା ପରିବର୍ତ୍ତେ, ସେମାନେ ବୟସ୍କ ଜେଜେବାପା ଓ ଜେଜେମା’ଙ୍କ ମୁହଁରେ ହସ ଫୁଟାଇବା ପାଇଁ ନିଜର ସମୟ ଦେଇଛନ୍ତି।ଏହା କେବଳ ଏକ ଖାଦ୍ୟ ବଣ୍ଟନ କାର୍ଯ୍ୟକ୍ରମ ନୁହେଁ, ବରଂ ସ୍ନେହ, ସମ୍ମାନ, ଭଲପାଇବା ଓ ମାନବିକତା ବାଣ୍ଟିବାର ଏକ ନିଆରା ପ୍ରୟାସ।
ଏହି ସମୟରେ ଜେଜେବାପା ଓ ଜେଜେମା’ମାନେ ଯୁବକମାନଙ୍କୁ ନିଜର ସ୍ନେହ ଓ ଆଶୀର୍ବାଦ ଦେଇଥିଲେ। ସେମାନଙ୍କ ଆଶୀର୍ବାଦରେ ଭାବବିହ୍ୱଳ ହୋଇଥିଲେ ଉପସ୍ଥିତ ସମସ୍ତେ।ତେବେ ଏହି ଖୁସିର ମୁହୂର୍ତ୍ତ ମଧ୍ୟରେ ଛାତ୍ର ବିଶ୍ୱଜିତ ବେହେରାଙ୍କ ସହ ଘଟିଥିବା ଦୁର୍ଘଟଣା ଖବର ସମସ୍ତଙ୍କୁ ଦୁଃଖିତ କରିଥିଲା।ବିଶ୍ୱଜିତଙ୍କ ଶୀଘ୍ର ସୁସ୍ଥତା କାମନା କରି ଭଗବତୀ ମା’ ଏବଂ ପ୍ରଭୁ ଶ୍ରୀଗଣେଶଙ୍କ ନିକଟରେ ସମସ୍ତେ ପ୍ରାର୍ଥନା କରିଥିଲେ।“ବିଶ୍ୱଜିତ ଖୁବ୍ ଶୀଘ୍ର ସୁସ୍ଥ ହୋଇ ଆମ ମଧ୍ୟକୁ ଫେରନ୍ତୁ” — ଏହି କାମନା ସହ ତାଙ୍କ ପାଇଁ ଆଶୀର୍ବାଦ ଓ ପ୍ରାର୍ଥନା କରିଥିଲେ ସମସ୍ତେ।ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା ସେବା, ମାନବିକତା ଏବଂ ବୟସ୍କମାନଙ୍କ ପ୍ରତି ସମ୍ମାନର ଭାବନାକୁ ଆହୁରି ମଜବୁତ କରିବା।କାରଣ, ଜୀବନରେ ଅନେକ ସମୟରେ ବଡ଼ ବଡ଼ ଉପହାରଠାରୁ କିଛି ସମୟର ସାଥୀ, ଦୁଇ ପଦ କଥା ଏବଂ ଏକ ଛୋଟ ହସ ଅଧିକ ମୂଲ୍ୟବାନ ହୋଇଥାଏ।ଏହି ଯୁବକମାନେ ଆଜି ପ୍ରମାଣ କରିଛନ୍ତି—“ବୟସରେ ଛୋଟ ହୋଇପାରନ୍ତି, କିନ୍ତୁ ମନରେ ସେମାନେ ବହୁତ ବଡ଼।”ଅନ୍ୟର ମୁହଁରେ ହସ ଦେଖିବାର ଇଚ୍ଛା, ଦୁଃଖରେ ସାଥୀ ହେବାର ମନୋଭାବ ଏବଂ ସମାଜ ପାଇଁ କିଛି କରିବାର ଚିନ୍ତା ହିଁ ସେମାନଙ୍କ ସବୁଠାରୁ ବଡ଼ ପରିଚୟ।
ହିନ୍ଦୁସ୍ତାନ ସୋସିଆଲିଷ୍ଟ ୟୁଥ୍ ଆସୋସିଏସନ୍ ଏବଂ ଜୟ ହିନ୍ଦ ସେବା ଫାଉଣ୍ଡେସନ୍ ଚାରିଟେବଲ୍ ଟ୍ରଷ୍ଟର ଏହି ମାନବିକ ପ୍ରୟାସ ସମାଜକୁ ଦେଇଛି ଏକ ସୁନ୍ଦର ବାର୍ତ୍ତl**“ସେବା ହିଁ ସର୍ବଶ୍ରେଷ୍ଠ ଧର୍ମ,ମାନବିକତା ହିଁ ଆମର ପରିଚୟ,ଆଉ ଭଲପାଇବା ହିଁ ଆମର ସବୁଠାରୁ ବଡ଼ ଶକ୍ତି।”