ଆର୍ଟିଫିସିଆଲ ଇଣ୍ଟେଲିଜେନ୍ସ ଓ ହାଇ ପରଫରମାନ୍ସ କଂପୁଟିଙ୍ଗ କ୍ଷେତ୍ରରେ ଗବେଷଣା ପାଇଁ ଆଇଆଇଟି ଭୁବନେଶ୍ୱର ଓ ରବିସନ୍ସ ଫାଉଣ୍ଡେସନ ମଧ୍ୟରେ ବୁଝାମଣା

ଭୁବନେଶ୍ୱର, ୧୭ ଜୁନ୍ ୨୦୨୪: ଭାରତୀୟ ପ୍ରଯୁକ୍ତିବିଦ୍ୟା ପ୍ରତିଷ୍ଠାନ (ଆଇଆଇଟି) ଭୁବନେଶ୍ୱର ଏବଂ କେନ୍ଦୁଝର ସ୍ଥିତ ଚାରିଟେବୁଲ୍ ଟ୍ରଷ୍ଟ ରବିସନ୍ସ ଫାଉଣ୍ଡେସନ୍ ମଧ୍ୟରେ ଏକ ବୁଝାମଣାପତ୍ର ସ୍ୱାକ୍ଷରିତ ହୋଇଛି। ଏହି ଚୁକ୍ତି, ବିଭିନ୍ନ କ୍ଷେତ୍ରରେ କୃତ୍ରିମ ଇଣ୍ଟେଲିଜେନ୍ସ, ହାଇ ପରଫରମାନ୍ସ କମ୍ପ୍ୟୁଟିଂ (ଏଚପିସି) ଏବଂ ଅନ୍ୟାନ୍ୟ ଟେକ୍ନୋଲୋଜିର ବ୍ୟବହାରକୁ ପ୍ରୋତ୍ସାହିତ କରିବାକୁ ଲକ୍ଷ୍ୟ ରଖିଛି ଯାହା ସମାଜ ପାଇଁ ଲାଭଦାୟକ ହେବ ଏବଂ ସ୍କଲାରସିପ୍ ପାଣ୍ଠି ପ୍ରତିଷ୍ଠା କରିବାରେ ସହାୟତା କରିବ | ଏହି କାର୍ଯ୍ୟକଳାପଗୁଡିକ ଆଇଆଇଟି ଭୁବନେଶ୍ୱରର ଏଆଇ ଏବଂ ଏଚପିସି ରିସର୍ଚ୍ଚ ସେଣ୍ଟର (ଇଏଚଆରସି) ମାଧ୍ୟମରେ କାର୍ଯ୍ୟକାରୀ ହେବ।
ଏହି ଅବସରରେ, ରବିସନ୍ସ ଫାଉଣ୍ଡେସନର ଟ୍ରଷ୍ଟି ତଥା ଡୋନର୍ ଶ୍ରୀ ସରୋଜ କୁମାର ପଟ୍ଟନାୟକ ତଥା ଏହି ସହବନ୍ଧନକୁ ସୁଗମ କରିଥିବା ଆଇଆଇଟିର ବୋର୍ଡ ଅଫ ଗଭର୍ନରସ ସଦସ୍ୟ ଶ୍ରୀ ସତ୍ୟବ୍ରତ ପଣ୍ଡା ଏବଂ ନିର୍ଦ୍ଦେଶକ ପ୍ରଫେସର ଶ୍ରୀପଦ କରମଲକର ଏବଂ ଏଏଚଆରସିର କେନ୍ଦ୍ର-ନିର୍ଦ୍ଦେଶକ ପ୍ରଫେସର ଅଶ୍ୱିନୀ ନନ୍ଦ ପ୍ରମୁଖ ଉପସ୍ଥିତ ଥିଲେ। ଏହି ଏମଓୟୁ ଅନୁଯାୟୀ ରବିସନ୍ସ ଫାଉଣ୍ଡେସନ୍ ଏଏଚଆରସିକୁ ୨୦୨୪-୨୫ ଆର୍ଥିକ ବର୍ଷରେ ସମୁଦାୟ ୨୫ କୋଟି ତାଙ୍କ ପ୍ରଦାନ କରିବା।
ଏହି ଅବସରରେ ଶ୍ରୀ ପଟ୍ଟନାୟକ ଆଶା ପ୍ରକଟ କରିଛନ୍ତି ଯେ ଏହି ପାଣ୍ଠି ଟେକ୍ନୋଲୋଜି ଅନୁସନ୍ଧାନର ଲାଭ ସମାଜକୁ ଆଣିବାରେ ସାହାଯ୍ୟ କରିବ ଏବଂ ସମାଜର ଅବହେଳିତ ବର୍ଗକୁ ଉନ୍ନତ କରିବା ପାଇଁ ଶିକ୍ଷା ତଥା ଅନୁସନ୍ଧାନକୁ ପ୍ରୋତ୍ସାହିତ କରିବ। ଶ୍ରୀ ପଣ୍ଡା କହିଛନ୍ତି ଯେ ଏହା କେବଳ ଏକ ଆରମ୍ଭ ମାତ୍ର ଏବଂ ଆଗାମୀ ଦିନରେ ଆଇଆଇଟି ଭୁବନେଶ୍ୱର ବିଶ୍ୱର ସର୍ବୋତ୍ତମ ଅନୁଷ୍ଠାନ ମଧ୍ୟରେ ସ୍ଥାନିତ ହେବ ବୋଲି ଆମର ଦୃଢ ବିଶ୍ୱାସ। ପ୍ରଫେସର କାରମଲକର ଉଲ୍ଲେଖ କରିଛନ୍ତି ଯେ ଆଇଆଇଟି ଭୁବନେଶ୍ୱର ସମସ୍ତ ଶୀକୟର କ୍ଷେତ୍ର ଯଥା ଜ୍ଞାନ ସୃଷ୍ଟି, ଜ୍ଞାନର ପ୍ରସାର ଏବଂ ପ୍ରୟୋଗ, ସାଧନ ଉତ୍ପାଦନ ଏବଂ ବିଶିଷ୍ଟ ଶିକ୍ଷକଙ୍କ ବିକାଶ ପାଇଁ ବିଭିନ୍ନ ପଦକ୍ଷେପ ଗ୍ରହଣ କରୁଛି। ପ୍ରଫେସର ନନ୍ଦ ଏଏଚଆରସିର କାର୍ଯ୍ୟକଳାପ ବିଷୟରେ ଉଲ୍ଲେଖ କରିଥିଲେ।
ଏଏଚଆରସିରେ ରବିସନ୍ସ ଫାଉଣ୍ଡେସନ୍ ଦ୍ୱାରା ସମର୍ଥିତ ନିମ୍ନଲିଖିତ କାର୍ଯ୍ୟର ଏହି ବୁଝାମଣାପତ୍ର ପରିସର ଅନ୍ତର୍ଭୁକ୍ତ ହେବ:
୧. ଅନୁସନ୍ଧାନ ଏବଂ ବିକାଶ, ନବସୃଜନ, ଉଦ୍ୟୋଗୀତା, ସେବା ଏବଂ ଉତ୍ପାଦଗୁଡ଼ିକରେ ଏଆଇ, ଏଚପିସି ଏବଂ ଅନ୍ୟାନ୍ୟ ପ୍ରଯୁକ୍ତିବିଦ୍ୟା ସହିତ ଜଡିତ ଉନ୍ନତି। ଧ୍ୟାର୍ଯ୍ୟ ପ୍ରୟୋଗ କ୍ଷେତ୍ର ମଧ୍ୟରେ ସ୍ୱାସ୍ଥ୍ୟସେବା, କୃଷି, ସହାୟକ ପ୍ରଯୁକ୍ତିବିଦ୍ୟା, ସ୍ମାର୍ଟ ସହର, ସବୁଜ ଶକ୍ତି, କଳା / ସଂସ୍କୃତି / ଐତିହ୍ୟ, ଭିତ୍ତିଭୂମି, ବ୍ୟବସାୟ, ଅର୍ଥ ଏବଂ ସାମାଜିକ କିମ୍ବା ଅର୍ଥନୈତିକ ଗୁରୁତ୍ୱ ଭିତ୍ତିକ ବିଭିନ୍ନ କ୍ଷେତ୍ର ଅନ୍ତର୍ଭୂକ୍ତ ହେବ।
୨. ଏକ ସ୍ଥାୟୀ ପାଣ୍ଠି ପ୍ରତିଷ୍ଠା କରିବା ଯଥା ‘ରବିସନ୍ସ ଫାଉଣ୍ଡେସନ୍ – ଏଏଚଆରସି ସ୍କଲାରସିପ୍’ ଯାହାର ସୁଧରୁ ବିଭିନ୍ନ ସ୍ରୋତରେ ଆଇଆଇଟି ଭୁବନେଶ୍ୱରର ୮ ରୁ ୧୦ ଅର୍ଥନୈତିକ ଭାବେ ସମସ୍ୟାଗ୍ରସ୍ତ ଶ୍ରେଣୀର ନିୟମିତ ତଥା ମେଧାବୀ ଛାତ୍ରଙ୍କୁ ଛାତ୍ରବୃତ୍ତି ପ୍ରଦାନରେ ବ୍ୟବହୃତ ହେବ।
ସୂଚନାଯୋଗ୍ୟ ଯେ ଏଚଆରସି ହେଉଛି ଏକ ଆନ୍ତଃବିଭାଗୀୟ ତଥା ସହଯୋଗୀ ଅନୁସନ୍ଧାନ କେନ୍ଦ୍ର ଯାହାକି ମଇ ୨୦୨୩ରେ ଆଇଆଇଟି ଭୁବନେଶ୍ୱରରେ ପ୍ରତିଷ୍ଠିତ ହୋଇଥିଲା ଯେଉଁଠାରେ ଇଞ୍ଜିନିୟରିଂ, କମ୍ପ୍ୟୁଟର ସାଇନ୍ସ, ମେଡିସିନ୍, କୃଷି, ମୌଳିକବିଜ୍ଞାନ, ଅର୍ଥ, ଅର୍ଥନୀତି ଏବଂ ଅନ୍ୟାନ୍ୟ କ୍ଷେତ୍ରର ଅନୁସନ୍ଧାନକାରୀମାନେ ଏକତ୍ର ଭାବେ ଶିଳ୍ପ ଏବଂ ସମାଜ ସମ୍ମୁଖୀନ ହେଉଥିବା ସମସ୍ୟାର ସମନ୍ୱିତ ଏବଂ ବିସ୍ତୃତ ସମାଧାନ ଖୋଜିବା ପାଇଁ କାର୍ଯ୍ୟ କରୁଛନ୍ତି।