ପରିବହନ କ୍ଷେତ୍ରରେ ପୁଣି ଥରେ ରେକର୍ଡ କରିଛି ପାରାଦ୍ବୀପ ବନ୍ଦର

ଜଗତସିଂହପୁର,ତା-୨୨.୧୨.୨୦୨୩/ସୁମନ୍ତ କୁମାର ଦାସ: ଚଳିତ ଆର୍ଥିକ ବର୍ଷର ଢେର ଆଗରୁ 100 ମିଲିୟନ ମେଟ୍ରିକ ଟନପଣ୍ୟ କାରବାର କରି ଆଉ ଏକ ରେକର୍ଡ ସୃଷ୍ଟି କଲା ପାରାଦୀପ ବନ୍ଦର | ଗତବର୍ଷ ଏହା ଜାନୁଆରୀ ୯ ତାରିଖ ରେ ହୋଇଥିଲା ବେଳେ ଚଳିତ ବର୍ଷ ଏହା ଡିସେମ୍ବର ୧୮ ତାରିଖରେ ହୋଇ ପାରିଛି | ଅର୍ଥାତ ଗତବର୍ଷ ତୁଳନାରେ ଚଳିତ ବର୍ଷ ୨୨ ଦିନ ପୂର୍ବରୁ ପାରାଦୀପ ବନ୍ଦର ନିଜର ୧୦୦ ମିଲିୟନ ମେଟ୍ରିକ ଟନ ପଣ୍ୟ କାରବାର କ୍ଷମତା ହାସଲ କରି ଆଉ ଏକ କିର୍ତ୍ତୀମାନ ସ୍ରୁଷ୍ଟି କରିବାରେ ସକ୍ଷମ ହୋଇ ପାରିଛି l ଆଜି ବନ୍ଦର ପ୍ରାଶାସନିକ ଭବନ ରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ବନ୍ଦର ଅଧ୍ୟକ୍ଷ ପିଏଲ ହାରନାଦ ଏହି ସୂଚନା ଦେଇଥିବା ବେଳେ ଚଳିତ ଆର୍ଥିକ ବର୍ଷରେ 145 ମିଲିୟନ ରୁ ଅଧିକ କାର୍ଗୋ ହ୍ୟାଣ୍ଡଲିଂ ନିୟନ୍ତ୍ରଣ କରିବାକୁ ବନ୍ଦର ପ୍ରସ୍ତୁତ ଅଛି ବୋଲି ପ୍ରକାଶ କରିଛନ୍ତି | ପୂର୍ବ ଆର୍ଥିକ ବର୍ଷ ତୁଳନାରେ ଆଇରନ୍ ଓର ଏବଂ ପେଲେଟ ଗୁଲିରେ ଉଲ୍ଲେଖନୀୟ 69.03% ଅଭିବୃଦ୍ଧି ପ୍ରଦର୍ଶନ କରିଛି | ଯାହା ଗତ ଆର୍ଥିକ ବର୍ଷରେ ସମାନ ସମୟ ମଧ୍ୟରେ ଏହା 10.56 MMT ଥିଲା | ଉପରୋକ୍ତ କୃତିତ୍ଵ ପାଇଁ, ପିପିଏର ଅଧ୍ୟକ୍ଷ ଶ୍ରୀ ହରାନାଦ, ମାନ୍ୟବର ମନ୍ତ୍ରୀ ଶ୍ରୀ ସରବାନନ୍ଦ ସୋନୋୱାଲ ଜୀଙ୍କୁ କୃତଜ୍ଞତା ଜଣାଇଛନ୍ତି, ଯାହାର ପ୍ରେରଣା, ଗତିଶୀଳ ନେତୃତ୍ୱ ଏବଂ ମାର୍ଗଦର୍ଶନ, ପିପିଏ ଅବିଶ୍ୱସନୀୟ ସଫଳତା ହାସଲ କରିପାରିବ। ବନ୍ଦରର ଏପରି ସଫଳତା ପାଇଁ ସମସ୍ତ ଅଧିକାରୀ / କର୍ମଚାରୀ, ଉପଭୋକ୍ତା ଶିଳ୍ପ, ଷ୍ଟିଭେଡୋରସ୍, ଷ୍ଟିମର ଏଜେଣ୍ଟ, ଟ୍ରେଡ ୟୁନିଅନ, ପିପିପି ଅପରେଟରମାନଙ୍କୁ ଅଭିନନ୍ଦନ ଜଣାଇଛନ୍ତି।