ରାଉରକେଲା ପ୍ଲାଣ୍ଟସାଇଟ ପୋଲିସ କବଜାରେ ୬ ଜଣ ନିଶା ବେପାରୀ।

ରାଉରକେଲା(ବସନ୍ତ କୁମାର ଜେନା): ରାଉରକେଲା ପ୍ଲାଣ୍ଟସାଇଟ ପୋଲିସ ଦୁଇଟି ପୃଥକ ମାମଲାରେ ୬ ଜଣ ନିଶା ଦ୍ରବ୍ୟ କାରବାର କରୁଥିବା ବ୍ୟବସାୟୀଙ୍କୁ ଗିରଫ କରିଛନ୍ତି। ସେମାନଙ୍କ ନିକଟରୁ ପ୍ରାୟ ୧୦ ଲକ୍ଷ ଟଙ୍କାର ବ୍ରାଉନ ସୁଗର , ୨ ଟି ପିସ୍ତଲ , ୭ ରାଉଣ୍ଡ ଗୁଳି , ୩ ଟି ଦୁଇ ଚକିଆ ଯାନ , ନଗଦ ୧ ଲକ୍ଷ ୨୬ ହଜାର ଟଙ୍କା , ୨୫ ଲକ୍ଷ ଟଙ୍କାର ଦୁଇଟି ବଣ୍ଡ , ୧୩ ଲକ୍ଷ ଟଙ୍କା ପାସ ବୁକ ଡିପୋଜିଟ ଜବତ କରିଛନ୍ତି।
ରବିବାର ସନ୍ଧ୍ୟାରେ ଟ୍ରାଫିକ ଗେଟ୍ ପାର୍କିଙ୍ଗ ସ୍ଥାନ ନିକଟରେ ୩ ଜଣ ସନ୍ଦେହ ଜନକ ଭାବେ ସ୍କୁଟିରେ ଯାଉଥିବା ବେଳେ ଡ୍ୟୁଟି ରେ ଥିବା ପ୍ଲାଣ୍ଟସାଇଟ ପୋଲିସ ସେମାନଙ୍କୁ ଧରି ପଚରା ଉଚୁରା କରିଥିଲେ। ପରେ ସ୍କୁଟିରୁ ପ୍ରାୟ ୮ ଲକ୍ଷ ଟଙ୍କାର ବ୍ରାଉନ ସୁଗର ଜବତ କରିଥିଲେ। ଏହା ସହ ପିସ୍ତଲ , ଗୁଳି ଆଦି ମଧ୍ୟ ଜବତ କରିଥିଲେ। ଅନ୍ୟ ଏକ ମାମଲାରେ ପୋଲିସ ଆଜି ସକାଳେ ମିନାପଡ଼ା ନିକଟରୁ ୩ ଜଣଙ୍କୁ ଗିରଫ କରିବା ସହ ୨ ଲକ୍ଷ ଟଙ୍କା ର ବ୍ରାଉନ ସୁଗର ଜବତ କରିଥିଲେ । ଦୁଇ ଜଣ ନିଶା ବେପାରୀ ଫେରାର ହୋଇ ଯାଇଥିବାରୁ ପୋଲିସ ସେମାନଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଢ଼ାଉ କରୁଛନ୍ତି। ଏହି ମାମଲାର ଅଧିକ ତଦନ୍ତ ଜାରି ରହିଥିବା ଅତିରିକ୍ତ ଏସ ପି ବିକ୍ରମ କେଶରୀ ଭୋଇ କହିଛିନ୍ତି।