ପାଟଣାଗଡ ଏନଏସି ରେ ପ୍ରଥମ କରୋନା ପଜିଟିଭ ଚିହ୍ନଟ

ପାଟଣାଗଡ଼( ବିମଳ କୁମାର ବାଗ): ଆଜି ପାଟଣାଗଡ଼ ସହରର ଗଡ଼ଭିତରେ ଜଣେ ୨୩ ବର୍ଷର ଯୁବକ କରୋନା ପଜିଟିଭ ଚିହ୍ନଟ ହୋଇଛି। ଖବରରୁ ପ୍ରକାଶ ଯେ ଏକ ନମ୍ବର ୱାର୍ଡର ୨୩ ବର୍ଷୀୟ ଯୁବକ ଜଣଙ୍କ ନିକଟରେ କିରିଗିଜସ୍ଥାନରୁ ଗତ ୪ ତାରିଖରେ ପାଟଣାଗଡ଼ ଆସି ହୋମ କ୍ୱାରେଣ୍ଟାଇନରେ ଥିଲେ। ତେବେ ଆଜି ତାର କରୋନା ଟେଷ୍ଟ ରିପୋର୍ଟ ପଜିଟିଭ ବାହାରିବାରୁ ତାକୁ ବଲାଙ୍ଗିର କୋଭିଡ଼ ହସ୍ପିଟାଲକୁ ନିଆଯାଇଛି। ସେହିପରି ପାଟଣାଗଡ଼ ପ୍ରଶାସନ ପକ୍ଷରୁ କରୋନା ସଂକ୍ରମଣ ରୋକିବା ପାଇଁ ଉକ୍ତ ୧ ନମ୍ବର ୱାର୍ଡକୁ ଆଜିଠାରୁ ଆସନ୍ତା ୧୪ ତାରିଖ ସକାଳ ୭ଟା ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ ଭାବେ ଘୋଷଣା କରାଯାଇଛି। ଏହି ସମୟରେ ଜନସାଧାରଣଙ୍କୁ ଚଳପ୍ରଚଳ ନକରିବା ପାଇଁ ପାଟଣାଗଡ଼ ଉପଜିଲ୍ଲାପାଳ ସୋମନାଥ ପ୍ରଧାନ ନିବେଦନ କରିଛନ୍ତି।