ସିଆରପିଏଫ ପକ୍ଷରୁ ସାମାଜିକ କଲ୍ୟାଣ କାର୍ଯ୍ୟକ୍ରମ

ଧର୍ମଗଡ ସୁଶାନ୍ତ ରାଉତ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ର ୬୪ ବଟାଲିୟନ୍ ସିଆରପିଏଫ  କେଗାଁ ତରଫରୁ କେନ୍ଦ୍ର ସରକାରଙ୍କ ନିର୍ଦ୍ଦେଶ କ୍ରମେ ଆଇଜିପି ସିଆରପିଏଫ ଭୁବନେଶ୍ଵର ସେକ୍ଟର ମାର୍ଗଦର୍ଶନରେ କେଗାଁ ଠାରେ ଏକ ସାମାଜିକ କଲ୍ୟାଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହାକୁ ୬୪ ବାଟାଲୀୟନ ସିଆରପିଏଫ୍ କମାଣ୍ଡେଣ୍ଡ ବିପ୍ଳବ ସରକାର ଉଦଘାଟନ କରି ଅଞ୍ଚଳର ଶତାଧିକ ଗରିବ ଓ ନିରୀହ ଲୋକ ମାନଙ୍କୁ କମ୍ବଳ , ଶାଢ଼ୀ , ଲୁଙ୍ଗି, ଛତା, ଚପଳ ଇତ୍ୟାଦି ବଣ୍ଟନ କରିଥିଲେ। ଏହି ଅବସରରେ ୬୪ ବାଟାଲୀୟାନ କମାଣ୍ଡେଣ୍ଡ  ଶ୍ରୀ ସରକାର ଆଗାମୀ  ଦିନରେ ଜିଲ୍ଲାର ଦୁର୍ଗମ ଅଞ୍ଚଳରେ ଉକ୍ତ କାର୍ଯ୍ୟକ୍ରମ ଜାରି ରହିବ ବୋଲି ମତ ପ୍ରକାଶ କରିଥିଲେ।