ମହାତ୍ମାଗାନ୍ଧୀଙ୍କ ଓଡ଼ିଶା ଗସ୍ତର ସ୍ମାରକୀ ମାର୍ଚ୍ଚ ୨୩ : ଓଡିଶା ମାଟିରେ ପାଦ ଦେଇଥିଲେ  ସତ୍ୟ ଓ ଅହିଂସାର ଦେବଦୂତ

 ଭୁବନେଶ୍ୱର : ଜାତିର ଜନକ ମହାତ୍ମାଗାନ୍ଧୀ ତାଙ୍କ ପ୍ରଥମ ଓଡ଼ିଶା ଗସ୍ତରେ ଆସିଥିଲେ ୧୯୨୧ ମାର୍ଚ୍ଚ ୨୩ ତାରିଖ ଦୋଳପୂର୍ଣ୍ଣିମା ଦିନ ପ୍ରତ୍ୟୁଷରେ  । ଏହି ପ୍ରଥମ ଗସ୍ତରେ ତାଙ୍କ ସହ ଥିଲେ  ପତ୍ନୀ କସ୍ତୁରବା, ପୁତ୍ର ଦେବଦାସ ଓ ସେ ସମୟର ଅନ୍ୟତମ ନେତା  ରାଜେନ୍ଦ୍ର ପ୍ରସାଦ । ଓଡ଼ିଶାରେ ତାଙ୍କର ଏହି ପ୍ରଥମ ଗସ୍ତ କାର୍ଯ୍ୟକ୍ରମର ଆୟୋଜନ  କରିଥିଲେ  ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ । 

ଗାନ୍ଧୀଜୀଙ୍କ ଏହି ପ୍ରଥମ ଓଡ଼ିଶା ଗସ୍ତ କାର୍ଯ୍ୟକ୍ରମ ସପ୍ତାହବ୍ୟାପୀ ଥିଲା । ପୁରୀ ଏକ୍ସପ୍ରେସ୍ ଯୋଗେ ସେ କଲିକତାରୁ ଆସି କଟକ ଷ୍ଟେସ[ରେ ମାର୍ଚ୍ଚ ୨୩ ଭୋର୍ ସମୟରେ ପହଞ୍ଚିଥିଲେ । ସେତେବେଳେ ୩୦ ହଜାରରୁ ଅଧିକ ଲୋକ ପୂର୍ବ ରାତ୍ରିରୁ ଆସି ତାଙ୍କୁ ସ୍ୱାଗତ କରିବା ଲାଗି ରେଳ ଷ୍ଟେସ[ ଓ ଆଖପାଖ ଅଞ୍ଚଳରେ ଅପେକ୍ଷା କରି ରହିଥିଲେ । ଏହି ଗସ୍ତ ସମୟରେ ଗାନ୍ଧୀଜୀ ସ୍ୱରାଜ ଆଶ୍ରମରେ ଅବସ୍ଥାନ  କରିବା ସଙ୍ଗେ ସଙ୍ଗେ କଟକ କାଠଯୋଡ଼ି ନଦୀ ଶଯ୍ୟାରେ ପ୍ରଥମ ସାଧାରଣ ସଭାରେ ଉଦ୍ବୋଧନ [ ଦେଇଥିଲେ । ଏଥିରେ ନବଗଠିତ ଉତ୍କଳ ପ୍ରଦେଶ କଂଗ୍ରେସ କମିଟିର ପ୍ରଥମ ସଭାପତି ଉତ୍କଳମଣି ଗୋପବନ୍ଧୁ ଦାସ ଅଧ୍ୟକ୍ଷତା କରିଥିଲେ । ସତ୍ୟବାଦୀ ବନ ବିଦ୍ୟାଳୟର ଶିକ୍ଷକ ଓ ଛାତ୍ରମା[ଙ୍କ ସହିତ ସ୍ବେଛାସେବୀମାନେ  ଏହି କାର୍ଯ୍ୟକ୍ରମକୁ ସଞ୍ଚାଳିତ କରିଥ#ଲେ । କଟକରେ ଗାନ୍ଧୀଜୀ ମାର୍ଚ୍ଚ ୨୪ରେ ଗୁଜୁରାତିମା[ଙ୍କ ଏକ ସଭାରେ ଯୋଗଦେବା ପରେ କଦମ୍ ରସୁଲ୍ ଠାରେ  ମୁସଲମାନ ମାନଙ୍କ ଅନ୍ୟ  ଏକ ସଭାରେ ବକ୍ତବ୍ୟ ରଖିଥିଲେ । ସେଦିନ  ବିନୋଦ ବିହାରୀଠାରେ ଏକ ମହିଳା ସଭା ମଧ୍ୟ ହୋଇଥିଲା  ବୋଲି ଇତିହାସର ଦସ୍ତାବିଜ୍ ଆଧାରରେ ଏହି ତଥ୍ୟ ପ୍ରକାଶ କରିଛନ୍ତି ଗାନ୍ଧୀ ବିଚାର ମଞ୍ଚର ସଭାପତି ପ୍ରହଲାଦ କୁମାର ସିଂହ ।

ଏକ ପାସେଞ୍ଜର ଟ୍ରେନ  ଯୋଗେ ମାର୍ଚ୍ଚ ୨୪ ରାତିରେ କଟକରୁ ବାହାରି ୨୫ ତାରିଖ ସକାଳେ ଭଦ୍ରକରେ ପହଞ୍ଚିଥିଲେ । ଭଦ୍ରକରେ ବି ଗାନ୍ଧୀଜୀ ୨୦ ହଜାରରୁ  ଅଧିକ ଲୋକଙ୍କ ସଭାରେ ଉଦ୍ବୋଧନ  ଦେବା ପରେ ରାତିରେ ପୁଣି ରେଳ ଯୋଗେ ଆସି ୨୬ ତାରିଖ ସକାଳେ ସାକ୍ଷୀଗୋପାଳରେ ପହଞ୍ଚିଥିଲେ । ସତ୍ୟବାଦୀ ବନ  ବିଦ୍ୟାଳୟ ପରିଦର୍ଶନ  ସହ ସେଠାରେ ଛାତ୍ର ଓ ଶିକ୍ଷକଙ୍କ ସଙ୍ଗେ ଭାବ ବିନିମୟ କରିବା ପରେ ଅପରାହଣ ରେ ଅନ୍ୟ  ଏକ ସାଧାରଣ ସଭାରେ ଯୋଗ ଦେଇଥିଲେ । ୧୯୨୧ ମାର୍ଚ୍ଚ ୨୬ ସନ୍ଧ୍ୟାରେ ସାକ୍ଷୀଗୋପାଳରୁ ରେଳ ଯୋଗେ ଆସି ସେ ପୁରୀରେ ପହଞ୍ଚି ସେଠାରେ ୨୯ ତାରିଖ ପର୍ଯ୍ୟନ୍ତ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥିଲେ । ପୁରୀରେ ତାଙ୍କୁ ସ୍ୱାଗତ ଜଣାଇବାକୁ ୫୦ ହଜାରରୁ ଅଧିକ ଜନ  ସମାଗମ ହୋଇଥିଲେ  । ୨୯ ରାତିରେ ଗାନ୍ଧୀଜୀ ପୁରୀରୁ ରେଳ ଯୋଗେ ବାହାରି ୩୦ ତାରିଖରେ ବ୍ରହ୍ମପୁରରେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହାପରେ ୧୯୨୫, ୧୯୨୭, ୧୯୨୮, ୧୯୩୪, ୧୯୩୮ ଓ ୧୯୪୬ରେ ବିଭିନ୍ନ ପର୍ଯ୍ୟାୟରେ ଗାନ୍ଧୀଜୀ ଓଡ଼ିଶା ଆସିଥିଲେ । ୧୯୩୪ରେ ସେ ଓଡ଼ିଶାରେ ଦୁଇଟି ପର୍ଯ୍ୟାୟରେ ପ୍ରାୟ ମାସେ ବ୍ୟାପୀ ପଦଯାତ୍ରା କରିଥିବା ବେଳେ ୧୯୩୮ରେ ପୁରୀ ଜିଲ୍ଲାର ଡେଲାଙ୍ଗ ନିକଟବର୍ତ୍ତୀ ବେରବୋଇ ଗାଁ ଗହିରରେ ଚାଞ୍ଚଡ଼ା କୁଡ଼ିଆରେ ୭ ଦିନ  କଟାଇଥିଲେ । 

ଦେଶ ବିଦେଶରେ ମହାତ୍ମାଗାନ୍ଧୀଙ୍କ ୧୫୦ତମ ଜନ୍ମ  ବାର୍ଷିକୀ ୨୦୧୯ ମସିହାରେ ପାଳିତ ହେବାକୁ ଯାଉଥିବା ବେଳେ ଓଡ଼ିଶାରେ ଗାନ୍ଧୀଜୀଙ୍କ ସ୍ମୃତି ବିଜଡ଼ିତ ସ୍ଥାନମାନଙ୍କରେ  ସରକାରୀ ଓ ବେସରକାରୀ ସ୍ତରରେ ବ୍ୟାପକ କାର୍ଯ୍ୟକ୍ରମ ଆୟୋଜନ  କରିବାକୁ ଶ୍ରୀ ସିଂହ ନିବେଦନ କରିଛନ୍ତି ।