ପଦ୍ମପୁର/ Nila Deep : ମାଡିଆସୁଛି ଗ୍ରୀଷ୍ମ ଋତୁ , ସବୁଆଡେ ଦେଖାଦେବ ଜଳାଭାବ । ମୁଖ୍ୟତଃ ସହରାଞ୍ଚଳରେ ଅଧିକ ଜନସଂଖ୍ୟା ହେତୁ ପାଣିର ଅଧିକ ପରିମାଣରେ ବ୍ୟବହାର ହୋଇଥାଏ । ପଦ୍ମପୁର ସହରରେ ଆଗରୁ ଜଳାଭାବ ଦେଖାଦେଇଛି। ଏହାର ସମାଧାନ ପାଇଁ ପଦ୍ମପୁର ସହରର ଜନସାଧାରଣ ଗରା ବାଲଟି ମାଠିଆ ଧରି ରାଜରାସ୍ତାକୁ ମଧ୍ୟ ଓହ୍ଲାଇଛନ୍ତି । ପଦ୍ମପୁର ସହରର ଶାସ୍ତ୍ରୀ ଛକଠାରେ ବିଗତ ତିନି ମାସ ହେବ ପିଇବା ପାଣି ପାଇପ ଫାଟି ଯାଇଛି । ଯାହାଦ୍ୱାରା ପାଣିର ଅବକ୍ଷୟ ହେଉଛି । ଘଣ୍ଟା ଘଣ୍ଟା ଧରି ପାଣି ରାସ୍ତା ଉପରେ ଜାମ ହେଇ ରହିଛି  । ଯଦ୍ବାରା ଯାତାୟତରେ ମଧ୍ୟ ବାଧା ଉପୁଜୁଛି  ଏବଂ ପାଣି ରାସ୍ତା କଡ଼ରେ ଥିବା ନର୍ଦମା ରେ ମୁଶୁଛି ।

ଏହା ଦ୍ବାରା ଲୋକମାନେ ରୋଗଗ୍ରସ୍ତ ହେବାର ସମ୍ଭାବନା ରହିଛି ।ଲୋକଙ୍କ କହିବା ଅନୁସାରେ ବିଭାଗୀୟ ଅଧିକାରୀଙ୍କୁ ଏ ବିଷୟରେ ଜଣାଇଲେ ମଧ୍ୟ ତିନି ମାସ ବିତିଗଲେ ମଧ୍ୟ କିଛି ପଦକ୍ଷେପ ନିଆଯାଇନାହିଁ ।ତେଣୁ ଗ୍ରୀଷ୍ମ ଋତୁ ମାଡି ଆସୁଥିବାରୁ ଯଥାଶୀଘ୍ର ଏହାର ସମାଧାନ କରିବା ପାଇଁ ଦାବୀ ହୁଏ ।