ଭିଡିଓ କନଫରେନସିଂ ଦ୍ୱାରା ଆରମ୍ଭ ହେଲା “ଆମ ଗାଁ ଆମ ବିକାଶ”

 ଭଲମନ୍ଦ ପଚାଲିଲେ, ୨କୋଟି ଟଙ୍କାର ପ୍ରକଳ୍ପ ମଂଜୁର କଲେ

: ଆପଣ ମାନେ କେମିତି ଅଛନ୍ତି ? ଆପଣମାନଙ୍କ ଉନ୍ନତି ପାଇଁ ଭଲ ଭଲ ପ୍ରସ୍ତାବ ଦିଆନ୍ତୁ |

ସେ ସବୁକୁ ତୁରନ୍ତ ମଂଜୁର କରାଯିବ | ଆପଣଙ୍କ ମୁଖ୍ୟମନ୍ତ୍ରୀ ଆପଣଙ୍କ ଗାଁ ରେ ! ଆପଣମାନଙ୍କ ସୁବିଧା ଅସୁବିଧା ବୁଝିବା ପାଇଁ ଆପଣଙ୍କ ଗାଁରେ ଆପଣଙ୍କୁ ଭେଟିବେ | ଆଜି ହେଉଛି ବିଜୁ ବାବୁଙ୍କ ଜନ୍ମ ଦିନ | ପଂଚାୟତି ରାଜ ବ୍ୟବସ୍ଥାକୁ ସୁଦୃଢ କରିବା ଆଉ ଗାଁର ବିକାଶ କୁ ତ୍ୱରାନ୍ୱିତ କରିବା ଦିଗରେ ବିଜୁ ବାବୁଙ୍କ ଅବଦାନକୁ କୁ ଆପେ ଭୁଲି ପରିବା ନାହିଁ | ଆମ ଗାଁ  ଆମ ବିକାଶ କାର୍ଯ୍ୟକ୍ରମ ଆପଣମାନଙ୍କ କାର୍ଯ୍ୟ କ୍ରମ | ଓଡିଶାବାସୀଙ୍କ ପଇସାରେ ଏହି କାର୍ଯ୍ୟକ୍ରମ ଚାଲିବ ବୋଲି କହି ରାଜ୍ୟର ବିଭିନ୍ନ ଅଂଚଳର ଗ୍ରାମର ଲୋକାଙ୍କ ସହ କଥା ହୋଇ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସଚିବାଳୟ ଠାରେ ଭିଡିଓ କନ୍‌ଫରେନ୍ସିଂ ଜରିଆରେ ‘ଆମ ଗାଁ ,ଆମ ବିକାଶ’ ଯୋଜନାର ଶୁଭାରମ୍ଭ କରିଛନ୍ତି। କେବଳ ସେତିକି ନୁହେଁ, ଲୋକଙ୍କ ପ୍ରସ୍ତାବ କ୍ରମେ ତୁରନ୍ତ ମଂଜୁର କରିଥିଲେ ୨ କୋଟି ଟଙ୍କାର ପ୍ରକଳ୍ପ |

 ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଭିଡିଓ କନ୍‌ଫରେନ୍ସିଂ ଜରିଆରେ ବିଭିନ୍ନ ଜିଲ୍ଲାର ସରପଞ୍ଚଙ୍କ ସହିତ ଆଲୋଚନା କରି ସେମାନଙ୍କ ସମସ୍ୟା ଓ ଗାଁ ଲୋକଙ୍କୁ ଅଧିକ ସୁଯୋଗ ଦେବା ପାଇଁ ଅଧିକ କଣ କରାଯାଇ ପାରିବ ସେ ସମ୍ପର୍କରେ ଆଲୋଚନା କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଯାଜପୁର ଜିଲ୍ଲାର ଖଇରାବାଦ ପଞ୍ଚାୟତ, ସମ୍ବଲପୁର ଜିଲ୍ଲାର ଶାସନ ପଞ୍ଚାୟତ, ଗଞ୍ଜାମର ସାନକୁଦ ଓ କୋରାପୁଟର ନାରାୟଣପାଟଣା ପଞ୍ଚାୟତର ୩୨ ପ୍ରକଳ୍ପ ଅନୁମୋଦନ ଦେଇ ଟୁରନ୍ତ ୨ କୋଟି ଟଙ୍କା ମଞ୍ଜୁର କରିଥିଲେ । ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକଙ୍କ ସହିତ ପଞ୍ଚାୟତରାଜ ମନ୍ତ୍ରୀ ପ୍ରଦୀପ ମହାରଥୀ, ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀ ମଧ୍ୟ ଉପସ୍ଥିତ ରହି ଲୋକମାନଙ୍କ ବିଭିନ୍ନ ପ୍ରଶ୍ନର ଉତ୍ତର ଦେଇଥଲେ ।