ତାଳ ବରଡା ତଳେ ବିତୁଛି ଜୀବନ, ଫାଇଲ ଗଦା ଚାପରେ ଚେପା ଦବି ଯାଇଛି ଅରକ୍ଷିତଙ୍କ ଭାଗ୍ୟ

ରେଢାଖୋଲ ପ୍ରତିନିଧି ଯଶୋବନ୍ତ ନାରାୟଣ ସାହୁ 

 ସରକାର ଗରୀବ ଶ୍ରେଣୀର ଲୋକମାନଙ୍କର ଉନ୍ନତି ପାଇଁ ନାନା ପ୍ରକାର ଯୋଜନା କାର୍ଯ୍ୟକାରୀ କରିଛନ୍ତି । ଯାହାର ରହିବା ପାଇଁ ବାସଗୃହ ନାହିଁ ସେମାନଙ୍କ ପାଇଁ ସରକାର ପ୍ରଧାନମନ୍ତ୍ରୀ ଆବାସ ଯୋଜନା , ବିଜୁ ପକ୍କାଘର ଯୋଜନା ରେ ଘର ଯୋଗାଇ ଦେଉଛନ୍ତି । ଏଥିପାଇଁ ସରକାର ପ୍ରତିବର୍ଷ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ହେଲେ ପ୍ରକୃତ ହିତାଧିକାରୀ ଏହି ଯୋଜନାର ।ଇଦା ପାଇ ପାରୁ ନାହାନ୍ତି । କିଛି କୁଜୀନେତାଙ୍କ ପ୍ରଲୋଭନରେ ସରକାରୀବାବୁମାନେ ଧନୀକ ଲୋକ ମାନଙ୍କ ଠାରୁ ମୋଟା ଅଙ୍କର ଫାଇଦା ପାଇ ଆବାସ ଘର ଦେଉଥିବା ନଜିର ରହିଛି । ସଠିକ୍ ସର୍ଭେ ହେଉ ନ ଥିବାରୁ ଯୋଗ୍ୟ ହିତାଧିକାରୀ ଏଇ ସବୁ ଯୋଜନାର ସୁଳ ପାଇ ପାରୁନାହାନ୍ତି । ଏପରିକି ଗୋଟିଏ ଘରୁ ଦୁଇ ଦୁଇ ଟି ଘର ହାତେଇବାର ମଧ୍ୟ ନଜିର ରହିଛି ।  ଯାହାକି ଅନୁସନ୍ଧାନ କଲେ ସମସ୍ତ ତଥ୍ୟ ମିଳିପାରିବ ।

    ସରକାରଙ୍କ ଏଇ ଆବାସ ଯୋଜନାରେ ଫାଇଦା ନ ପାଇ ତାଳ ବରଡା ତଳେ ଜୀବନ ବିତାଉଛନ୍ତି ରେଢାଖୋଲ ବ୍ଲକ୍ କଦଳୀଗଡ ପଂଚାୟତର ମହୁଲମୁଣ୍ଡା ଗ୍ରାମର ଅରକ୍ଷିତ ମୁଣ୍ଡା ।(୪୮) । ୩ ବର୍ଷ ହେଲା ତାଙ୍କ ପତ୍ନୀ ଗୋଲାପୀ ମୁଣ୍ଡାଙ୍କ ବିୟୋଗ ଘଟିଛି । ତାଙ୍କର ୨ ଟି ଝିଅ ଏବଂ ଜଣେ ପୁଅ  । ବଡ ଝିଅ ଅଞଳୀ (୧୨) ୭ ମଶ୍ରେଣୀରେ ପଢୁଥିବା ବେଳେ , ସଂଯୁକ୍ତା(୧୦) ୫ମ ଶ୍ରେଣୀ ,ଏବଂ ଏକ ମାତ୍ର ପୁଅ ବିଦେଶୀ (୬) ୧ମ ଶ୍ରେଣୀରେ ସ୍ଥାନୀୟ ସାମସିଂହା  ଆଶ୍ରମ ବିଦ୍ୟାଳୟରେ ପାଠ ପଢୁଛନ୍ତି । ତାଙ୍କର ଜମିବାଡି କିଛି ନାଇଁ । କେବଳ ରାସନ୍ କାର୍ଡ ମିଳିଛି । ଅସହାୟ ଅବସ୍ଥାରେ ଅରକ୍ଷିତଙ୍କ ଜୀବନ ବିତୁଛି । ମୂଲ ମଜୁରୀ କରି ପେଟ ପୋଷନ୍ତି ସେ । ମଜୁରୀ ନ କଲେ ସେ ଦିନ ଭୋକରେ ଦିନ କାଟିବାକୁ ପଡୁଛି ତାଙ୍କୁ । ଘର ମରାମତି ପାଇଁ ଆବଶ୍ୟକ ସମ୍ବଳ ଅଭାବରୁ ବର୍ଷା ଦିନରେ ଘର ଭିତରେ ପାଣି ପଶିଯାଉଛି । ସରକାରୀ ସହାୟତା ପାଇଁ ଦାରିଦ୍ର୍ୟ ସୀମାରେଖାର ମାନଦଣ୍ଡ ଅରକ୍ଷିତ ପାଇଁ ଅବୁଝା ହୋଇରହିଛି । କଦଳୀଗଡର ସରପଂଚଙ୍କୁ ଏ ସଂପର୍କରେ ଜଣାଇଥିଲେ ମଧ୍ୟ ଫାଇଲ ଭିତରେ ହଜିଯାଇଛି ଅରକ୍ଷିତଙ୍କ ଭାଗ୍ୟ । ସରକାରୀ ସହାୟତା ତାଙ୍କ ପାଇଁ ଅପହଂଚ ହୋଇ ରହିଛି । ଭଙ୍ଗାଘର ଓ ତାଳ ବରଡା ତଳେ ଜୀବନ ବିତାଉଥିବା  ଏକ ବେସାହାରା ପରିବାର ପାଇଁ ସରକାରୀ ସହାୟତା ଉପହାସ ସଦୃଶ ହୋଇଛି । ପୀଡିତ ପରିବାରକୁ ବିଭାଗୀୟ ଉଚ୍ଚ କତୃପକ୍ଷ ଘଟଣାର ତଦନ୍ତ ପାଇଁ ସହାୟତା ଯୋଗାଇ ଦେବାକୁ ସାଧାରଣରେ ଦାବି ହେଉଛି ।