ଓରମାସ୍, ଜଗତସିଂହପୁର ପକ୍ଷରୁ ଦୀପାବଳି ଉତ୍ସବ ଷ୍ଟଲ୍ ଉଦ୍ଘାଟିତ
ଜଗତସିଂହପୁର, ତା ୭/୧୧/୨୬:ଜଗତସିଂହପୁର ପୌରପାଳିକା କାର୍ଯ୍ୟାଳୟ ସମ୍ମୁଖରେ ଗତକାଲି ଓରମାସ୍, ଜଗତସିଂହପୁର ପକ୍ଷରୁ ସ୍ଥାପିତ ଦୀପାବଳି ଉତ୍ସବ ଷ୍ଟଲ୍କୁ ଶ୍ରୀ ଅକ୍ଷୟ ପିଲ୍ଲେ, IAS, ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ, ଜିଲ୍ଲା ପରିଷଦ, ଜଗତସିଂହପୁର ଙ୍କ ଦ୍ୱାରା ଉଦ୍ଘାଟନ କରାଯାଇଥିଲା। ଏହି ଅବସରରେ ଶ୍ରୀମତୀ ମଧୁସ୍ମିତା ସାହୁ, ଉପମୁଖ୍ୟ ନିର୍ବାହୀ ଅଧିକାରୀ, ଓରମାସ୍, ଜଗତସିଂହପୁର ଏବଂ ଅନ୍ୟାନ୍ୟ ଓରମାସ୍ ଅଧିକାରୀ ଉପସ୍ଥିତ ଥିଲେ।
ଏହି ଅବସରରେ ମୁଖ୍ୟ ଉନ୍ନୟନ ଅଧିକାରୀ ଷ୍ଟଲ୍ରେ ଅଂଶଗ୍ରହଣ କରିଥିବା ଗୋଷ୍ଠୀର ସଦସ୍ୟମାନଙ୍କ ଉଦ୍ୟମ, ପରିଶ୍ରମ ଓ ଉତ୍ସାହକୁ ଉଚ୍ଚ ପ୍ରଶଂସା କରିଥିଲେ। ସ୍ଥାନୀୟ ଉତ୍ପାଦର ପ୍ରଚାରପ୍ରସାର ଏବଂ ଗ୍ରାମୀଣ ଉଦ୍ୟୋଗୀମାନଙ୍କୁ ଉତ୍ତମ ବଜାର ସୁଯୋଗ ପ୍ରଦାନ ଦିଗରେ ଏହି ପଦକ୍ଷେପକୁ ସେ ପ୍ରଶଂସା କରିଥିଲେ।
ଏହି ଷ୍ଟଲ୍ରେ ଗୋଷ୍ଠୀର ସଦସ୍ୟମାନଙ୍କ ଦ୍ୱାରା ପ୍ରସ୍ତୁତ ବିଭିନ୍ନ ପ୍ରକାରର ଟେରାକୋଟା ସାମଗ୍ରୀ, ପାରମ୍ପରିକ ଦୀପ, ମହମବତୀ, ଝାଡ଼ୁ ଏବଂ ଅନ୍ୟାନ୍ୟ ହସ୍ତଶିଳ୍ପ ସାମଗ୍ରୀ ପ୍ରଦର୍ଶନ ଓ ବିକ୍ରୟ କରାଯାଉଛି। ଏହି ଷ୍ଟଲ୍ ସ୍ଥାନୀୟ କାରିଗର, ମହିଳା ସ୍ୱୟଂ ସହାୟକ ଗୋଷ୍ଠୀ ଓ ଉତ୍ପାଦକ ଗୋଷ୍ଠୀର ସଦସ୍ୟମାନଙ୍କ ପାଇଁ ନିଜ ଉତ୍ପାଦର ବଜାର ସମ୍ପ୍ରସାରଣ ଓ ଆୟ ବୃଦ୍ଧି ନିମନ୍ତେ ଏକ ଉତ୍ତମ ମଞ୍ଚ ପ୍ରଦାନ କରୁଛି।
ଓରମାସ୍ର ଏହି ପଦକ୍ଷେପ ଗ୍ରାମୀଣ ଉତ୍ପାଦର ବଜାର ସୃଷ୍ଟି, ମହିଳା ଉଦ୍ୟୋଗୀଙ୍କୁ ପ୍ରୋତ୍ସାହନ, ଗ୍ରାମୀଣ ଜୀବିକାର ମାନ ବୃଦ୍ଧି ଏବଂ “ଭୋକାଲ୍ ଫର୍ ଲୋକାଲ୍” ଅଭିଯାନକୁ ଆଗକୁ ନେବାରେ ଏକ ଗୁରୁତ୍ୱପୂର୍ଣ୍ଣ ପ୍ରୟାସ।