ଏଫ୍୩୫ ସିରିଜ୍ ବଜାର ପ୍ରବେଶ ସହିତ ଭାରତରେ ଏଫ୍ ସିରିଜର ୧୦ ବର୍ଷ ପୂର୍ତ୍ତି ପାଳନ କଲା ଓପୋ
ନୂଆ ପିଢ଼ି ପାଇଁ ଆଣିଲା ‘ଗ୍ରୁପ୍ ସେଲ୍ଫି ଏକ୍ସପର୍ଟ’
ଭୁବନେଶ୍ୱର, ୭ ଅକ୍ଟୋବର, ୨୦୨୬: ଭାରତରେ ଓପୋ ତାର ଏଫ୍ ସିରିଜର ୧୦ ବର୍ଷ ପୂରଣ କରିବା ଅବସରରେ, ଆଜି ବ୍ରାଣ୍ଡ୍ ପକ୍ଷରୁ ଓପୋ ଏଫ୍୩୫ ପ୍ରୋ ଏବଂ ଓପୋ ଏଫ୍୩୫କୁ ନେଇ ଗଠିତ ‘ଓପୋ ଏଫ୍୩୫ ସିରିଜ୍’ର ଶୁଭାରମ୍ଭ ଘୋଷଣା କରାଯାଇଛି । ବିଗତ ଦଶନ୍ଧି ମଧ୍ୟରେ, ପ୍ରଥମ ପିଢ଼ିର ଏଫ୍୧ ସହିତ ‘ସେଲ୍ଫି ଏକ୍ସପର୍ଟ’ ପରିଚୟ ଦେଇଥିବା ଏଫ୍ ସିରିଜ୍ ଏବେ ନୂଆ ଏଫ୍୩୫ ସିରିଜ୍ ସହିତ ‘ଗ୍ରୁପ୍ ସେଲ୍ଫି ଏକ୍ସପର୍ଟ’ ଭାବେ ବିକଶିତ ହୋଇଛି – ଯାହା ଗ୍ରାହକମାନେ ନିଜର ମୁହୂର୍ତ୍ତଗୁଡ଼ିକୁ କ୍ୟାମେରାରେ କଏଦ କରିବା, ବାଣ୍ଟିବା ଏବଂ ଅନୁଭବ କରିବାର ବଦଳୁଥିବା ଶୈଳୀକୁ ପ୍ରତିଫଳିତ କରୁଛି ।
ଏଫ୍୧ ଠାରୁ ଏଫ୍୩୫ ସିରିଜ୍ ପର୍ଯ୍ୟନ୍ତ, ଏହି ଏଫ୍ ସିରିଜ୍ ନିଜର ଫଟୋଗ୍ରାଫି ଐତିହ୍ୟକୁ ଆଗକୁ ବଢ଼ାଇବା ସହିତ ଭାରତର ଯୁବ ତଥା ଡିଜିଟାଲ୍ ସହିତ ଯୋଡ଼ି ହୋଇଥିବା କର୍ମଜୀବୀଙ୍କ ଆଶା ଓ ଜୀବନଶୈଳୀ ସହ ତାଳ ମିଳାଇ ଚାଲିଆସିଛି । ବିଗତ ୧୦ ବର୍ଷ ମଧ୍ୟରେ ଭାରତରେ ୩ କୋଟିରୁ ଅଧିକ ଏଫ୍ ସିରିଜ୍ ସ୍ମାର୍ଟଫୋନ୍ ବିକ୍ରି ସହିତ, ଏହି ସିରିଜ୍ ଏପରି ଏକ ପିଢ଼ି ସହ ଆଗକୁ ବଢ଼ିଛି ଯେଉଁମାନେ ସ୍ମାର୍ଟଫୋନକୁ କେବଳ ନିଜର ବ୍ୟକ୍ତିଗତ ମୁହୂର୍ତ୍ତ ଉଠାଇବା ପାଇଁ ନୁହେଁ, ବରଂ ନିଜ ଆଖପାଖର ଲୋକଙ୍କ ସହ ନୂଆ ଅନୁଭୂତି ଗଢ଼ିବା, ଯୋଡ଼ିହେବା ଏବଂ ବାଣ୍ଟିବା ପାଇଁ ବ୍ୟବହାର କରୁଛନ୍ତି । ଏଫ୍୩୫ ସିରିଜ୍ ନିଜର ୫୦ ମେଗାପିକ୍ସେଲ୍ ଅଲ୍ଟ୍ରା-ୱାଇଡ୍ ନ୍ୟାଚୁରାଲ୍ ସେଲ୍ଫି କ୍ୟାମେରା (୧୦୦ ଡିଗ୍ରୀ ଫିଲ୍ଡ ଅଫ୍ ଭ୍ୟୁ ସହିତ) ମାଧ୍ୟମରେ ଏହି ଯାତ୍ରାକୁ ଆହୁରି ଆଗକୁ ନେଉଛି, ଯାହା ପ୍ରତ୍ୟେକଟି ଫ୍ରେମରେ ଅଧିକ ଲୋକଙ୍କୁ ଏବଂ ମୁହୂର୍ତ୍ତର ଅଧିକ ଅଂଶକୁ ସାମିଲ କରିପାରିବ ।
ଓପୋ ଏଫ୍୩୫ ସିରିଜ୍ – ଓପୋ ଏଫ୍୩୫ ପ୍ରୋ ୫ଜିର ୬ ଜିବି + ୧୨୮ ଜିବି ଭାରିଆଣ୍ଟର ମୂଲ୍ୟ ୪୫,୯୯୯ ଟଙ୍କା, ୮ ଜିବି + ୧୨୮ ଜିବି ଭାରିଆଣ୍ଟର ମୂଲ୍ୟ ୪୯,୯୯୯ ଟଙ୍କା ଏବଂ ୮ ଜିବି + ୨୫୬ ଜିବି ଭାରିଆଣ୍ଟର ମୂଲ୍ୟ ୫୪,୯୯୯ ଟଙ୍କା ରଖାଯାଇଛି; ସେହିପରି ଓପୋ ଏଫ୍୩୫ ୫ଜିର ୬ ଜିବି + ୧୨୮ ଜିବି ଭାରିଆଣ୍ଟର ମୂଲ୍ୟ ୩୮,୯୯୯ ଟଙ୍କା ଏବଂ ୮ ଜିବି + ୧୨୮ ଜିବି ଭାରିଆଣ୍ଟର ମୂଲ୍ୟ ୪୨,୯୯୯ ଟଙ୍କା ରହିଛି। ଓପୋ ଏଫ୍୩୫ ସିରିଜ୍ ଆସନ୍ତା ୧୧ ଅକ୍ଟୋବର ୨୦୨୬ରୁ ପ୍ରମୁଖ ଖୁଚୁରା ଦୋକାନ, ଓପୋ ଇଣ୍ଡିଆ ଇ-ଷ୍ଟୋର୍, ଫ୍ଲିପକାର୍ଟ ଏବଂ ଆମାଜନରେ ବିକ୍ରି ପାଇଁ ଉପଲବ୍ଧ ହେବ । ଓପୋ ଏଫ୍୩୫ ପ୍ରୋ ୫ଜି ତିନୋଟି ରଙ୍ଗରେ ମିଳିବ: ସନରାଇଜ୍ ଅରେଞ୍ଜ, ୱେଭ୍ ବ୍ଲୁ ଏବଂ ଟ୍ୱାଇଲାଇଟ୍ ବ୍ରାଉନ୍; ସେହିପରି ଓପୋ ଏଫ୍୩୫ ୫ଜି ୱେଭ୍ ବ୍ଲୁ, ଟାଇଟାନିୟମ୍ ଗ୍ରେ ଏବଂ ମିଷ୍ଟ ପିଙ୍କ୍ ରଙ୍ଗରେ ଉପଲବ୍ଧ ହେବ । ଗ୍ରାହକମାନେ ୧୦% ପର୍ଯ୍ୟନ୍ତ ତତକ୍ଷଣାତ୍ କ୍ୟାସବ୍ୟାକ୍, ବିନା ସୁଧରେ ଇଏମଆଇ ସୁବିଧା, ୧୦% ପର୍ଯ୍ୟନ୍ତ ଏକ୍ସଚେଞ୍ଜ ବୋନସ୍ ଏବଂ ଜିରୋ ଡାଉନ୍ ପେମେଣ୍ଟ ଯୋଜନା ସହିତ କିଛି ନିର୍ଦ୍ଦିଷ୍ଟ ଓପୋ ଉତ୍ପାଦ ଓ ସେବା ଉପରେ ଅତିରିକ୍ତ ପାର୍ବଣ ଅଫରର ଲାଭ ମଧ୍ୟ ଉଠାଇପାରିବେ ।
ଏହି ଶୁଭାରମ୍ଭ ଅବସରରେ ଓପୋ ଇଣ୍ଡିଆର କମ୍ୟୁନିକେସନ୍ସ ମୁଖ୍ୟ ଶ୍ରୀ ଗୋଲ୍ଡି ପଟ୍ଟନାୟକ କହିଛନ୍ତି: “ଗତ ୧୦ ବର୍ଷ ମଧ୍ୟରେ, ଭାରତର ଗ୍ରାହକମାନେ ନିଜ ଜୀବନର ମୁହୂର୍ତ୍ତଗୁଡ଼ିକୁ କଏଦ କରିବା, ଯୋଡ଼ିହେବା ଏବଂ ବାଣ୍ଟିବାର ବଦଳୁଥିବା ଧାରା ସହିତ ଏଫ୍ ସିରିଜ୍ ବିକଶିତ ହୋଇଆସିଛି। ଭାରତ ଭଳି ଏକ ବିବିଧତାପୂର୍ଣ୍ଣ ବଜାରରେ, ପ୍ରତ୍ୟେକ ଅଞ୍ଚଳର ଏକାଠି ହେବା ଏବଂ ଉତ୍ସବ ପାଳନ କରିବାର ନିଜସ୍ୱ ଶୈଳୀ ରହିଛି; ଆଉ ପରିବାର, ପର୍ବପର୍ବାଣି ତଥା ମିଳିମିଶି ଖୁସି ବାଣ୍ଟିବାର ସମୃଦ୍ଧ ସଂସ୍କୃତି ଥିବା ଓଡ଼ିଶା ହେଉଛି ଏହି ଭାବନାର ଏକ ଉତ୍କୃଷ୍ଟ ଉଦାହରଣ। ଏଫ୍୩୫ ସିରିଜ୍ ଏହି ବିକାଶ ଧାରାକୁ ନିଜର ୫୦ ମେଗାପିକ୍ସେଲ୍ ଅଲ୍ଟ୍ରା-ୱାଇଡ୍ ନ୍ୟାଚୁରାଲ୍ ସେଲ୍ଫି କ୍ୟାମେରା ଏବଂ ୧୦୦ ଡିଗ୍ରୀ ଫିଲ୍ଡ ଅଫ୍ ଭ୍ୟୁ ସହିତ ଆଗକୁ ନେଉଛି, ଯାହା ପ୍ରତିଟି ଫ୍ରେମରେ ଅଧିକ ଲୋକଙ୍କୁ ଏବଂ ସେହି ମୁହୂର୍ତ୍ତର ଅଧିକ ଅଂଶକୁ ସାମିଲ କରେ। ଗ୍ରୁପ୍ ସେଲ୍ଫି ଏକ୍ସପର୍ଟ ସହିତ, ଆମେ ଏଫ୍ ସିରିଜର ଏହି ଦଶନ୍ଧି ଧରି ଚାଲିଆସିଥିବା କ୍ୟାମେରା ପରମ୍ପରାକୁ ଏପରି ଭାବରେ ଆଗକୁ ବଢ଼ାଉଛୁ, ଯାହା ଆଜିର ଗ୍ରାହକମାନେ କିପରି ଏକାଠି ହେଉଛନ୍ତି, ଉତ୍ସବ ପାଳୁଛନ୍ତି ଏବଂ ସ୍ମୃତି ଗଢୁଛନ୍ତି ତାହାକୁ ପ୍ରତିଫଳିତ କରେ।”
ବଦଳୁଥିବା ଗ୍ରାହକଙ୍କ ଆବଶ୍ୟକତାକୁ ନେଇ ଗଢ଼ିଉଠିଛି ଏଫ୍ ସିରିଜର ଏକ ଦଶନ୍ଧି
ଭାରତରେ ଏଫ୍ ସିରିଜର ୧୦ ବର୍ଷର ଯାତ୍ରା ସ୍ମାର୍ଟଫୋନ୍ ଫଟୋଗ୍ରାଫିର କ୍ରମବିକାଶ ଏବଂ ଭାରତୀୟ ଗ୍ରାହକଙ୍କ ବଦଳୁଥିବା ଆକାଂକ୍ଷାକୁ ଦର୍ଶାଉଛି। ପ୍ରାରମ୍ଭିକ ପର୍ଯ୍ୟାୟରେ ସେଲ୍ଫି ଅନୁଭୂତି ଉପରେ ଗୁରୁତ୍ୱ ଦେବାଠାରୁ ଆରମ୍ଭ କରି କ୍ରମାଗତ ଭାବେ ଉନ୍ନତ କ୍ୟାମେରା କ୍ଷମତା, ସ୍ଥାୟୀତ୍ୱ ଏବଂ ଦୈନନ୍ଦିନ ବ୍ୟବହାର ଯୋଗ୍ୟତା ଯୋଗାଇବା ପର୍ଯ୍ୟନ୍ତ, ଏଫ୍ ସିରିଜ୍ ସମୟ ସହିତ ନିଜକୁ ବଦଳାଇ ଚାଲିଆସିଛି।
ଏଫ୍୩୫ ସିରିଜ୍ ଏହି ଯାତ୍ରାର ପରବର୍ତ୍ତୀ ଅଧ୍ୟାୟକୁ ସୂଚାଉଛି, ଯେଉଁଥିରେ ଆଜିର ଗ୍ରାହକ କିପରି ମୁହୂର୍ତ୍ତଗୁଡ଼ିକୁ କ୍ୟାମେରାରେ କଏଦ କରୁଛନ୍ତି ତାହା ଉପରେ ଆଧାରିତ କ୍ୟାମେରା ଅନୁଭୂତି ସହିତ ଦୀର୍ଘକାଳୀନ ଦୈନନ୍ଦିନ ବ୍ୟବହାର ପାଇଁ ଆବଶ୍ୟକୀୟ ଫିଚରଗୁଡ଼ିକୁ ଏକାଠି ଉପଲବ୍ଧ କରାଯାଇଛି। ଭାରତୀୟ ସ୍ମାର୍ଟଫୋନ୍ ବଜାରରେ ଓପୋର କ୍ରମାଗତ ସଫଳତା ମଧ୍ୟରେ ଏହି ନୂତନ ବିକାଶ ସାମ୍ନାକୁ ଆସିଛି। ଆଇଡିସିର ୱାର୍ଲ୍ଡୱାଇଡ୍ କ୍ୱାର୍ଟରଲି ମୋବାଇଲ୍ ଫୋନ୍ ଟ୍ରାକର୍ (୨୦୨୬ ପ୍ରଥମ ତ୍ରୈମାସିକ) ଅନୁସାରେ, ଓପୋ ବାର୍ଷିକ ଭିତ୍ତିରେ ୨୨% ଅଭିବୃଦ୍ଧି ହାସଲ କରିଛି, ଯାହା ଶୀର୍ଷ ପାଞ୍ଚଟି ବ୍ରାଣ୍ଡ୍ ମଧ୍ୟରେ ସର୍ବାଧିକ; ସେହିପରି ଏହାର ବଜାର ଅଂଶଧନ ଗତ ବର୍ଷର ୧୨.୦% ରୁ ବୃଦ୍ଧି ପାଇ ୧୫.୩% ରେ ପହଞ୍ଚିଛି। ନିକଟରେ ଆଇଡିସି ଇଣ୍ଡିଆ ସ୍ମାର୍ଟଫୋନ୍ ବଜାର ତଥ୍ୟ ଅନୁଯାୟୀ, ୨୦,୦୦୦ ଟଙ୍କାରୁ ଊର୍ଦ୍ଧ୍ୱ ସେଗମେଣ୍ଟରେ ବୃଦ୍ଧି ଯୋଗୁଁ ଓପୋ ୧୩.୮% ବଜାର ଅଂଶଧନ ସହିତ ତୃତୀୟ ସ୍ଥାନରେ ରହିଛି।
ଏହି ସମସ୍ତ ସଫଳତା ମିଳିତ ଭାବେ ଭାରତର ଦ୍ରୁତ ଗତିରେ ବିକଶିତ ହେଉଥିବା ସ୍ମାର୍ଟଫୋନ୍ ବଜାରରେ ଓପୋର ମଜଭୁତ ସ୍ଥିତିକୁ ସ୍ପଷ୍ଟ କରୁଛି।
ଓଡ଼ିଶାରେ ଓପୋର ଅନୁଭୂତିକୁ ଅଧିକ ସୁଦୃଢ଼ କରିବା
ଓଡ଼ିଶା ସର୍ବଦା ଓପୋ ପାଇଁ ଏକ ଗୁରୁତ୍ୱପୂର୍ଣ୍ଣ ବଜାର ହୋଇ ରହିଆସିଛି ଏବଂ କମ୍ପାନୀ ରାଜ୍ୟସାରା ନିଜର ଗ୍ରାହକ ସମ୍ପର୍କ କେନ୍ଦ୍ରଗୁଡ଼ିକୁ ନିରନ୍ତର ସୁଦୃଢ଼ କରିଚାଲିଛି। ଓପୋର ବର୍ତ୍ତମାନ ସମଗ୍ର ଓଡ଼ିଶାରେ ୨୪ଟି ସ୍ୱତନ୍ତ୍ର ସର୍ଭିସ୍ ସେଣ୍ଟର ରହିଛି, ଯାହା ଗ୍ରାହକମାନଙ୍କୁ ଘର ନିକଟରେ ବିକ୍ରି ପରବର୍ତ୍ତୀ ଉତ୍ସର୍ଗୀକୃତ ସେବା ଯୋଗାଉଛି। ଏହା ଓପୋ ଇଣ୍ଡିଆର ସମଗ୍ର ଦେଶରେ ଥିବା ବିସ୍ତୃତ ନେଟୱାର୍କର ଅଂଶବିଶେଷ, ଯେଉଁଥିରେ ୫୦୦ରୁ ଅଧିକ ସହରରେ ୬୨୦ରୁ ଅଧିକ ସର୍ଭିସ୍ ସେଣ୍ଟର ରହିଛି ଏବଂ ଏହା ୧୯ଟି ଭାଷାରେ ଗ୍ରାହକମାନଙ୍କୁ ସହାୟତା ପ୍ରଦାନ କରୁଛି।
ଗ୍ରାହକଙ୍କ ଅନୁଭୂତି ଉପରେ କ୍ରମାଗତ ଧ୍ୟାନ ଦେବାର ଅଂଶ ସ୍ୱରୂପ, ଓପୋ ସାରା ଭାରତରେ ନିଜର ପରବର୍ତ୍ତୀ ପିଢ଼ିର ‘ସର୍ଭିସ୍ ସେଣ୍ଟର ୩.୦ ପ୍ରୋ’ ନେଟୱାର୍କକୁ ମଧ୍ୟ ସମ୍ପ୍ରସାରିତ କରୁଛି। ୩.୦ ପ୍ରୋ ଅନୁଭୂତି ଅଧୀନରେ ୬୦ରୁ ଅଧିକ ପ୍ରିମିୟମ୍ ସର୍ଭିସ୍ ସେଣ୍ଟର ପୂର୍ବରୁ କାର୍ଯ୍ୟକ୍ଷମ ହୋଇସାରିଛି ଏବଂ ୨୦୨୬ ମଧ୍ୟରେ ସମଗ୍ର ଭାରତରେ ୧୫୦ରୁ ଅଧିକ ନୂଆ ସର୍ଭିସ୍ ସେଣ୍ଟର ୩.୦ ପ୍ରୋ କେନ୍ଦ୍ର ଖୋଲିବାକୁ ଯୋଜନା ରହିଛି। ଏହି ନୂତନ ସେବା ଢାଞ୍ଚା ଅଧିକ ସୁବିଧା ଏବଂ ସ୍ୱଚ୍ଛତା ଉପରେ ଆଧାରିତ, ଯେଉଁଥିରେ ଡିଜିଟାଲ୍ ଚେକ୍-ଇନ୍, ରିଅଲ୍-ଟାଇମ୍ ଲାଇନ୍ ଅପଡେଟ୍, ଡାଇନାମିକ୍ ଡିଜିଟାଲ୍ ସାଇନେଜ୍, ଉନ୍ନତ ବସିବା ବ୍ୟବସ୍ଥା ଏବଂ ଇଣ୍ଟରାକ୍ଟିଭ୍ ସେବା ଉପାଦାନଗୁଡ଼ିକ ସାମିଲ ରହିଛି।
ଓଡ଼ିଶାର ଗ୍ରାହକମାନଙ୍କ ପାଇଁ, ଏହି ବୃଦ୍ଧି ପାଉଥିବା ସେବା ବ୍ୟବସ୍ଥା ଓପୋର ବିସ୍ତାରିତ ଉତ୍ପାଦ ଶ୍ରେଣୀକୁ ଆହୁରି ସହାୟକ ହେବା ସହ କିଣିବା ପରେ ମଧ୍ୟ ଉତ୍ସର୍ଗୀକୃତ ସେବା ପାଇବାର ସୁଯୋଗ ଦେଉଛି।
ଗ୍ରୁପ୍ ସେଲ୍ଫି ଏକ୍ସପର୍ଟ: ସମସ୍ତଙ୍କୁ ଗୋଟିଏ ଫ୍ରେମକୁ ଆଣିବା
ନୂଆ ଏଫ୍୩୫ ସିରିଜର ମୁଖ୍ୟ ଆକର୍ଷଣ ହେଉଛି ଏହାର ୫୦ ମେଗାପିକ୍ସେଲ୍ ଅଲ୍ଟ୍ରା-ୱାଇଡ୍ ନ୍ୟାଚୁରାଲ୍ ସେଲ୍ଫି କ୍ୟାମେରା (୧୦୦ ଡିଗ୍ରୀ ଫିଲ୍ଡ ଅଫ୍ ଭ୍ୟୁ ସହିତ), ଯାହାକୁ ଗୋଟିଏ ଫ୍ରେମରେ ଅଧିକ ଲୋକଙ୍କୁ ଏବଂ ଆଖପାଖର ମୁହୂର୍ତ୍ତକୁ ସାମିଲ କରିବା ପାଇଁ ଡିଜାଇନ୍ କରାଯାଇଛି। ପାରିବାରିକ ମେଳାମିଶା, ପର୍ବପର୍ବାଣି, ବିବାହ, ଭ୍ରମଣ ଏବଂ ଦୈନନ୍ଦିନ ବୁଲାବୁଲି ଭଳି ବିଭିନ୍ନ ଅବସରରେ ବଡ଼ ଦଳର ଫଟୋ ସହଜରେ ଉଠାଇବା ପାଇଁ ଏହି ଅଲ୍ଟ୍ରା-ୱାଇଡ୍ କ୍ୟାମେରା ସହିତ ‘ଏଆଇ ଅଟୋ ୱାଇଡ୍-ଆଙ୍ଗେଲ୍ ସୁଇଚ୍’ର ସୁବିଧା ଦିଆଯାଇଛି।
ଓପୋ ଏଫ୍୩୫ ପ୍ରୋ ୫ଜି ନିଜର ‘ନ୍ୟାଚୁରାଲ୍ ଟୋନ୍ ୨.୦’ ଏବଂ ଓଆଇଏସ୍ (ଅପ୍ଟିକାଲ୍ ଇମେଜ୍ ଷ୍ଟାବିଲାଇଜେସନ୍) ଯୁକ୍ତ ୫୦ ମେଗାପିକ୍ସେଲ୍ ମୁଖ୍ୟ କ୍ୟାମେରା ସହିତ ଫଟୋଗ୍ରାଫି ଅନୁଭୂତିକୁ ଆହୁରି ଉନ୍ନତ କରିଥାଏ, ଏବଂ ବଡ଼ ଦୃଶ୍ୟ କଏଦ କରିବା ପାଇଁ ଏଥିରେ ୮ ମେଗାପିକ୍ସେଲ୍ ଅଲ୍ଟ୍ରା-ୱାଇଡ୍ ପଛ କ୍ୟାମେରା ମଧ୍ୟ ରହିଛି। ଭିଡିଓ କଣ୍ଟେଣ୍ଟ ତିଆରି କରୁଥିବା ଉପଭୋକ୍ତାମାନଙ୍କ ପାଇଁ, ଏଫ୍୩୫ ପ୍ରୋ ଉଭୟ ଆଗ ଓ ପଛ କ୍ୟାମେରାରେ ୪କେ ଭିଡିଓ ରେକର୍ଡିଂ ସହିତ ଅଧିକ ସ୍ଥିର ଭିଡିଓ ପାଇଁ ‘ଅଲ୍ଟ୍ରା-ଷ୍ଟେଡି’ ମୋଡ୍ ସମର୍ଥନ କରେ। ଏହାର ‘ଡୁଆଲ୍-ଭ୍ୟୁ ଭିଡିଓ’ ସୁବିଧା ବ୍ୟବହାରକାରୀଙ୍କୁ ଏକାସାଙ୍ଗରେ ଆଗ ଓ ପଛ କ୍ୟାମେରାରେ ରେକର୍ଡ କରିବାକୁ ଅନୁମତି ଦିଏ, ଯାହା ଉଭୟ ମୁହୂର୍ତ୍ତ ଏବଂ ନିଜର ପ୍ରତିକ୍ରିୟାକୁ ଏକାଠି ଧରି ରଖିପାରେ।
ଏଫ୍୩୫ ପ୍ରୋରେ ‘ପୋଟ୍ରେଟ୍ ମୋଡ୍’ ସହିତ ‘ଏଆଇ ପପ୍-ଆଉଟ୍’ ଏବଂ ‘ଏଆଇ ରିମିକ୍ସ କୋଲାଜ୍’ ଭଳି କ୍ରିଏଟିଭ୍ ଟୁଲ୍ସ ମଧ୍ୟ ଦିଆଯାଇଛି, ଯାହା ବ୍ୟବହାରକାରୀଙ୍କୁ ଦୈନନ୍ଦିନ ଫଟୋଗୁଡ଼ିକୁ ସୋସିଆଲ୍ ମିଡିଆରେ ବାଣ୍ଟିବା ଉପଯୋଗୀ କରି ଗଢ଼ିତୋଳିବାରେ ସାହାଯ୍ୟ କରେ।
ଓପୋ ଏଫ୍୩୫ ୫ଜିରେ ମଧ୍ୟ ୧୦୦ ଡିଗ୍ରୀ ଏଫ୍ଓଭି ସହିତ ୫୦ ମେଗାପିକ୍ସେଲ୍ ଅଲ୍ଟ୍ରା-ୱାଇଡ୍ ସାମ୍ନା କ୍ୟାମେରା ଏବଂ ୫୦ ମେଗାପିକ୍ସେଲ୍ ମୁଖ୍ୟ ପଛ କ୍ୟାମେରା ରହିଛି, ଯାହା ଅଧିକ ସଂଖ୍ୟକ ଗ୍ରାହକଙ୍କ ନିକଟରେ ‘ଗ୍ରୁପ୍ ସେଲ୍ଫି ଏକ୍ସପର୍ଟ’ର ଅନୁଭୂତି ପହଞ୍ଚାଉଛି। ଓପୋ ଏଫ୍୩୫ ସିରିଜ୍ ଲଞ୍ଚ୍ ରିଲିଜ୍।
ଦିନସାରା ଏବଂ ଦୀର୍ଘକାଳୀନ ବ୍ୟବହାର ପାଇଁ ନିର୍ମିତ
କ୍ୟାମେରା ବ୍ୟତୀତ, ଏଫ୍୩୫ ସିରିଜ୍ ଦୈନନ୍ଦିନ ଜରୁରୀ ବ୍ୟବହାରକୁ ସହଜ କରିବା ପାଇଁ ଅନେକ ଉନ୍ନତ ଫିଚର୍ସ ସହିତ ଆସିଛି। ଉଭୟ ଓପୋ ଏଫ୍୩୫ ପ୍ରୋ ଏବଂ ଏଫ୍୩୫ରେ ‘୬-ବର୍ଷ ପର୍ଯ୍ୟନ୍ତ ସ୍ଥାୟୀ ରହୁଥିବା ୮୦୦୦ ଏମ୍ଏଏଚ୍ ବଡ଼ ବ୍ୟାଟେରୀ’ ଏବଂ ‘୮୦ ୱାଟ୍ ସୁପରଭୁକ୍ ଫ୍ଲାସ୍ ଚାର୍ଜ’ ରହିଛି, ଯାହା ଗ୍ରାହକଙ୍କୁ ଦିନସାରା ଫଟୋ ଉଠାଇବା, କଣ୍ଟେଣ୍ଟ ତିଆରି କରିବା, ମନୋରଞ୍ଜନ ଏବଂ ଯୋଗାଯୋଗ ମଧ୍ୟରେ ବିନା ବାଧାରେ କାମ କରିବା ପାଇଁ ଯଥେଷ୍ଟ ଶକ୍ତି ପ୍ରଦାନ କରେ।
ଏହି ବ୍ୟାଟେରୀଟି ଏପରି ଭାବେ ନିର୍ମିତ ଯେ ଏହା ୧,୮୦୦ ଥର ଚାର୍ଜ ଚକ୍ର ପରେ ମଧ୍ୟ ନିଜର ମୂଳ କ୍ଷମତାର ୮୦% ରୁ ଅଧିକ ବଜାୟ ରଖିପାରିବ, ଯାହା ଦୀର୍ଘକାଳୀନ ଦୈନନ୍ଦିନ ବ୍ୟବହାରକୁ ସହଜ କରେ। ଏହି ସିରିଜରେ ଆଇପି୬୯କେ, ଆଇପି୬୯, ଆଇପି୬୮ ଏବଂ ଆଇପି୬୬ ଜଳ ଓ ଧୂଳି ପ୍ରତିରୋଧକ କ୍ଷମତା ସହିତ ‘ରେନଷ୍ଟର୍ମ ଟଚ୍’ ଏବଂ ‘ମିଲିଟାରୀ-ଗ୍ରେଡ୍ ଶକ୍ ପ୍ରତିରୋଧକ’ ସୁବିଧା ମଧ୍ୟ ରହିଛି। ଏହି ଫିଚରଗୁଡ଼ିକ ଅପ୍ରତ୍ୟାଶିତ ବର୍ଷା, ପାଣି ଛିଟିକିବା ଏବଂ ହାତରୁ ଖସିପଡ଼ିବା ଭଳି ପରିସ୍ଥିତିରେ ମଧ୍ୟ ଫୋନକୁ ସୁରକ୍ଷା ଦେବା ସହ ଗ୍ରାହକଙ୍କ ଆତ୍ମବିଶ୍ୱାସ ବଢ଼ାଇବା ପାଇଁ ଡିଜାଇନ୍ କରାଯାଇଛି। ଓପୋ ଏଫ୍୩୫ ସିରିଜ୍ ଲଞ୍ଚ୍ ରିଲିଜ୍।
ଏଫ୍୩୫ ସିରିଜ୍ ‘କଲରଓଏସ୍ ୧୬’ରେ ଚାଲିଥାଏ, ଯାହା କାର୍ଯ୍ୟଦକ୍ଷତା, ସୃଜନଶୀଳତା ଏବଂ ଦୈନନ୍ଦିନ ସୁବିଧା ପାଇଁ ଏଆଇ-ଆଧାରିତ ଟୁଲ୍ସ ପ୍ରଦାନ କରେ। ଏଥିରେ ଏଆଇ ରେକର୍ଡିଂ, ଏଆଇ ଅଲ୍ଟ୍ରା-କ୍ଲିଅର୍ ଡକ୍ୟୁମେଣ୍ଟସ୍, ଏଆଇ କଲ୍ ଗାର୍ଡ ଏବଂ ୱାନ୍-ଟ୍ୟାପ୍ ସିକ୍ୟୁରିଟି ଗାର୍ଡ ଭଳି ଫିଚର୍ସ ସାମିଲ ରହିଛି।
ନୂତନ ‘ଟ୍ରିନିଟି ଇଞ୍ଜିନ୍’ ସିଷ୍ଟମ୍ ରିସୋର୍ସଗୁଡ଼ିକୁ ଆହୁରି ଉନ୍ନତ କରି ଫୋନକୁ ଦ୍ରୁତ ଏବଂ ସହଜରେ ଚାଲିବାରେ ସାହାଯ୍ୟ କରେ; ସେହିପରି ‘ଏକ୍ସଟେଣ୍ଡେଡ୍ ୟୁଜ୍ କେୟାର୍ ୨.୦’ ଏବଂ ଛଅ ବର୍ଷର ସ୍ମୁଥ୍ନେସ୍ ସୁରକ୍ଷା ଦୀର୍ଘକାଳୀନ ବ୍ୟବହାର ପରେ ମଧ୍ୟ ଫୋନର କାର୍ଯ୍ୟଦକ୍ଷତା ବଜାୟ ରଖିବା ପାଇଁ ପ୍ରସ୍ତୁତ କରାଯାଇଛି।
ଆଗରେ ରହୁଥିବା କାର୍ଯ୍ୟଦକ୍ଷତା
ଓପୋ ଏଫ୍୩୫ ପ୍ରୋ ୫ଜିରେ ମିଡିଆଟେକ୍ ଡାଇମେନସିଟି ୭୩୬୦ ମ୍ୟାକ୍ସ ପ୍ରୋସେସର୍ ଦିଆଯାଇଛି, ଯାହା ଅଧିକ କାମ ସମୟରେ ଫୋନକୁ ଥଣ୍ଡା ରଖିବା ପାଇଁ ୫୦୦୦ ବର୍ଗ ମିଲିମିଟରର ‘ସୁପରକୁଲ୍ ଭିସି ସିଷ୍ଟମ୍’ ଦ୍ୱାରା ସମର୍ଥିତ। ଏଫ୍୩୫ ପ୍ରୋରେ ୧୭.୨୨ ସେଣ୍ଟିମିଟରର ୧.୫କେ ୧୪୪ ହର୍ଟଜ୍ ଆମୋଲେଡ୍ ଅଲ୍ଟ୍ରା-ବ୍ରାଇଟ୍ ଡିସପ୍ଲେ ରହିଛି; ଅନ୍ୟପକ୍ଷରେ ଏଫ୍୩୫ରେ ୧୬.୬୯ ସେଣ୍ଟିମିଟରର ଏଫ୍ଏ
…