ମାସେ ଧରି ମୋଦୀ ଙ୍କ ଜନ୍ମ ଜୟନ୍ତୀ ପାଳନ କରିବ ଗଜପତି ଭାଜପା

ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଆସନ୍ତା ସେପ୍ଟେମ୍ବର ମାସ ୧୭ ତାରିଖରେ ଦେଶର ଲୋକପ୍ରିୟ ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମ ଦିବସ ପାଳନ ଅବସରରେ ଅତ୍ୟନ୍ତ ଆଡମ୍ବର ସହ ସେବା ମୋନୋଭାବ ନେଇ ଜୟନ୍ତୀ କୁ ମାସେ ଧରି ପାଳନ କରିବ ଗଜପତି ଭାରତୀୟ ଜନତା ପାର୍ଟି। ଜିଲ୍ଲା ସଭାପତି ନବ କିଶୋର ଶବର ଙ୍କ ଅଧ୍ୟକ୍ଷତାରେ ଜିଲ୍ଲା କାର୍ଯ୍ୟାଳୟ ଠାରେ ଅନୁଷ୍ଠିତ ପ୍ରସ୍ତୁତି ବୈଠକରେ ଦୁଇ ସାଧାରଣ ସଂପାଦକ ଜଗନ୍ନାଥ ମହାପାତ୍ର ଓ ଇ. ପ୍ରଶାନ୍ତ ମଞ୍ଚାସୀନ ଥିଲେ।
ଏହି ଅବସରରେ ୧୭ ତାରିଖ ଦିନ ଆଶୀର୍ବାଦ ର ଦୀପ ଜାଳି ସାଧାରଣ ଜନତା ବିଶେଷ କରି ହିତାଧୀକାରୀ ମାନେ ମୋଦୀଙ୍କ ୨୫ ବର୍ଷ ର ସେବା ପାଇଁ କୃତଜ୍ଞତା ଜଣାଇବେ , ବିକଶିତ ଭାରତ କୁ ନେଇ ଚିତ୍ରାଙ୍କନ ପ୍ରତିଯୋଗିତା , ଆଶା ଦିଦି ଓ ଅଙ୍ଗନବାଡି ଦିଦି ଙ୍କୁ ତାଙ୍କ ସେବା ପାଇଁ ଶୁଭେଚ୍ଛା , ସେବା ଜ୍ୟୋତି ର କଳସ ଯାତ୍ରା , ରଙ୍ଗୋଲି କାର୍ଯ୍ଯକ୍ରମ ଏଵଂ ପାରଳାଖେମୁଣ୍ଡି ସମେତ ଜିଲ୍ଲା ର ଅନେକ ସ୍ଥାନ ରେ ରକ୍ତଦାନ ଶିବିର ଆୟୋଜନ କରାଯିବ ବୋଲି ଏକ ପ୍ରେସ ବିବୃତିରେ କହିଛନ୍ତି ଜିଲ୍ଲା ସଭାପତି।
ସେବା ସଂକଳ୍ପ ଅଭିଯାନ – ନର ସେବା କାର୍ଯ୍ୟକ୍ରମ ଆସନ୍ତା ସେପ୍ଟମ୍ବର ୧୭ ରୁ ଅକ୍ଟୋବର ୧୭ ପର୍ଯ୍ୟନ୍ତ ଚାଲିବ।
ମାନନୀୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜୀ ୭ ଅକ୍ଟୋବର ୨୦୨୬ ରେ ଜନସେବା ଏବଂ ସୁଶାସନର ନିରନ୍ତର ଯାତ୍ରାର ୨୫ ବର୍ଷ ପୂରଣ କରୁଛନ୍ତି। ୭ ଅକ୍ଟୋବର ୨୦୦୧ ରେ ଗୁଜରାଟର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ ସହିତ ଆରମ୍ଭ ହୋଇଥିବା ଏହି ଯାତ୍ରା ସେବା , ସମର୍ପଣ ଏବଂ ଜନକଲ୍ୟାଣର ଅତୁଟ ସଂକଳ୍ପର ଯାତ୍ରା ଜାରୀ ରହିଛି। ଦେଶର ସାଧାରଣ ନାଗରିକଙ୍କ ଜୀବନରେ ସକାରାତ୍ମକ ପରିବର୍ତ୍ତନ ଆଣିବା ପାଇଁ ତାଙ୍କର ପ୍ରତିବଦ୍ଧତା ଫଳରେ ଏହି ୨୫ ବର୍ଷ ମଧ୍ୟରେ ପ୍ରଥମେ ଗୁଜରାଟ ଏବଂ ପରେ ସମଗ୍ର ଦେଶରେ ସୁଶାସନ , ବିକାଶ ଓ ଜନକଲ୍ୟାଣ କ୍ଷେତ୍ରରେ ବ୍ୟାପକ ଏବଂ ଗୁଣାତ୍ମକ ପରିବର୍ତ୍ତନ ଦେଖିବାକୁ ମିଳିଛି। ଜନସେବାକୁ ସର୍ବୋପରି ରଖି ତାଙ୍କର ଏହି ୨୫ ବର୍ଷର ଯାତ୍ରା ବିକଶିତ ଏବଂ ଆତ୍ମନିର୍ଭର ଭାରତ ନିର୍ମାଣର ଏକ ପ୍ରେରଣାଦାୟୀ ଗାଥା।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କର ସେବା ପ୍ରତି ସମର୍ପଣର ଏହି ଭାବନା ଅତ୍ୟନ୍ତ ପ୍ରେରଣାଦାୟୀ , ଯାହାଠାରୁ ପ୍ରେରଣା ନେଇ ଭାରତୀୟ ଜନତା ପାର୍ଟିର କୋଟି କୋଟି କାର୍ଯ୍ୟକର୍ତ୍ତା ନିରନ୍ତର ସେବା ଭାବରେ କାର୍ଯ୍ୟ କରୁଛନ୍ତି। ମାନନୀୟ ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ନିତିନ ନବୀନଙ୍କ ନିର୍ଦ୍ଦେଶାନୁସାରେ ସେବାର ଏହି ଭାବନାରୁ ପ୍ରେରଣା ନେଇ ଚଳିତ ବର୍ଷ ପାର୍ଟି ମାନନୀୟ ପ୍ରଧାନମନ୍ତ୍ରୀ ଜୀଙ୍କ ଜନ୍ମଦିବସ ୧୭ ସେପ୍ଟେମ୍ବର ୨୦୨୬ ରୁ ୧୭ ଅକ୍ଟୋବର ୨୦୨୬ ପର୍ଯ୍ୟନ୍ତ “ସେବା ସଂକଳ୍ପ ଅଭିଯାନ – ନର ସେବା ହିଁ ନାରାୟଣ ସେବା” ଭାବେ ପାଳନ କରିବାକୁ ନିଷ୍ପତ୍ତି ନେଇଛି ଗଜପତି ଜିଲ୍ଲା ଭାରତୀୟ ଜନତା ପାର୍ଟି।