ଡେରାବିଶରେ ଜିଲ୍ଲାପାଳ ଓ ଆରକ୍ଷୀ ଅଧୀକ୍ଷକଙ୍କ ମିଳିତ ଅଭିଯୋଗ ଶୁଣାଣି: ୫୫ଟି ଅଭିଯୋଗ ପଞ୍ଜୀକୃତ ।

କେନ୍ଦ୍ରାପଡା:27/07 (ପ୍ରଫୁଲ୍ଲ କୁମାର ମଲ୍ଲ): ଡେରାବିଶ ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ଆଜି ଏକ ମିଳିତ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି।​ଏହି କାର୍ଯ୍ୟକ୍ରମରେ ଜିଲ୍ଲାପାଳ ଏବଂ ଆରକ୍ଷୀ ଅଧୀକ୍ଷକ ଯୋଗଦେଇ ସାଧାରଣ ଜନତାଙ୍କ ବିଭିନ୍ନ ଅଭିଯୋଗ ଶୁଣିଛନ୍ତି।
​ଆଜିର ଏହି ଶିବିରରେ ମୋଟ ୫୫ଟି ଗ୍ରୀଭାନ୍ସ ବା ଅଭିଯୋଗ ପଞ୍ଜୀକୃତ ହୋଇଥିଲା।​ସେହି ମୋଟ ଅଭିଯୋଗଗୁଡ଼ିକ ମଧ୍ୟରୁ ୪୫ଟି ଗ୍ରୀଭାନ୍ସ ବ୍ୟକ୍ତିଗତ ସମସ୍ୟା ଭିତ୍ତିକ ଥିଲା।​ଏବଂ ଅବଶିଷ୍ଟ ୧୦ଟି ଗ୍ରୀଭାନ୍ସ ସାମୁହିକ ସମସ୍ୟା ସମ୍ପର୍କିତ ଥିଲା ବୋଲି ଜଣାପଡ଼ିଛି।​ଏହି ଶିବିରରେ ମୁଖ୍ୟତଃ ବିଭିନ୍ନ ପ୍ରକାରର ଜନସମସ୍ୟା ନେଇ ଲୋକମାନେ ଆବେଦନ କରିଥିଲେ।​ସେଥିମଧ୍ୟରୁ ପ୍ରଧାନମନ୍ତ୍ରୀ ଆବାସ ଯୋଜନାରେ ପକ୍କାଘର ପାଇବା ନେଇ କିଛି ଅଭିଯୋଗ ରହିଥିଲା।​ସେହିପରି ଗ୍ରାମ୍ୟ ଉନ୍ନୟନ ବା ଆରଡି (RD) ବିଭାଗାଧୀନ ରାସ୍ତାଘାଟ ସମସ୍ୟା ମଧ୍ୟ ଦୃଷ୍ଟିକୁ ଆସିଥିଲା।​ଏହାବ୍ୟତୀତ ଜମି ଡିମାର୍କେସନ୍ ବା ସୀମା ନିର୍ଦ୍ଧାରଣ ପାଇଁ ମଧ୍ୟ କିଛି ଜମି ଇସ୍ୟୁ ଥିଲା।​ସେହିପରି ଜମି ମ୍ୟୁଟେସନ୍ ବା ନାମଜାରୀ ସମସ୍ୟାକୁ ନେଇ ମଧ୍ୟ କିଛି ବ୍ୟକ୍ତି ଅଭିଯୋଗ ଜଣାଇଥିଲେ।​ଉପସ୍ଥିତ ଜିଲ୍ଲା ସ୍ତରୀୟ ଅଧିକାରୀମାନେ ଏହି ସମସ୍ତ ଅଭିଯୋଗଗୁଡ଼ିକୁ ଗ୍ରହଣ କରି ତୁରନ୍ତ ତଦନ୍ତ ପୂର୍ବକ ସମାଧାନ ପାଇଁ ପ୍ରତିଶ୍ରୁତି ଦେଇଛନ୍ତି।