ସେଞ୍ଚୁରିଅନ୍ ବିଶ୍ବ ବିଦ୍ୟାଳୟ, ପାରଳାଖେମୁଣ୍ଡି ରେ ଦୁଇଦିନିଆ ଜାତୀୟ ସମ୍ମିଳନୀ ଉଦ୍ଘାଟିତ

ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ସେଞ୍ଚୁରିଅନ୍ ବିଶ୍ବ ବିଦ୍ୟାଳୟ , ପାରଳାଖେମୁଣ୍ଡି ପରିସରରେ “ବିକଶିତ ଭାରତ-୨୦୪୭ ଲକ୍ଷ୍ୟରେ ଜଳବାୟୁ -ଅନୁକୂଳ କୃଷି ଉଦ୍ଭାବନ” ଶୀର୍ଷକ ୯ମ ଜାତୀୟ ସମ୍ମିଳନୀ (NYC-CSISA 20 2026) ର ଉଦ୍ଘାଟନ ହୋଇଛି।
ଅଲ୍ ଇଣ୍ଡିଆ ଆଗ୍ରିକଲଚରାଲ୍ ଷ୍ଟୁଡେଣ୍ଟସ୍ ଆସୋସିଏସନ୍ ଏସନ୍ (AIASA), ସେଞ୍ଚୁରିଅନ୍ ବିଶ୍ବବିଦ୍ୟାଳୟ, ଓଡ଼ିଶା ଏବଂ କେଲାଡି ଶିବପ୍ସା ନାୟକ କୃଷି ଓ ଉଦ୍ୟାନ କୃଷି ବିଜ୍ଞାନ ବିଶ୍ବବିଦ୍ୟାଳୟ (KSNUAHS ), କର୍ଣ୍ଣାଟକର ମିଳିତ ଆନୁକୂଲ୍ୟରେ ଆୟୋଜିତ ଏହି ଏହି ସମ୍ମିଳନୀରେ ଦେଶର ୨୦ରୁ ଅଧିକ ବିଶ୍ବବିଦ୍ୟାଳୟରୁ ୩୦୦ ରୁ ଅଧିକ ଛାତ୍ରଛାତ୍ରୀ, ଗବେଷକ, ଶିକ୍ଷାବିତ୍ ଓ ନୀତି ନିର୍ଦ୍ଧାରକ ଅଂଶଗ୍ରହଣ କରିଥିଲେ I
ଉଦ୍ଘାଟନୀ ଅଧିବେଶନରେ ସେଞ୍ଚୁରିଅନ୍ ବିଶ୍ବବିଦ୍ୟାଳୟର ଡ଼. ଏସ୍. ପି. ନନ୍ଦ, ଡିନ୍ (ପ୍ରଶାସନ) ସ୍ବାଗତ ଭାଷଣ ପ୍ରଦାନ କରିଥିଲେ। ପ୍ରଫେସର ସାଗର ମୈତ୍ର , ଡିନ୍ (କୃଷି), ସମ୍ମିଳନୀର ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରି ଜଳବାୟୁ ପରିବର୍ତ୍ତନକୁ ମୁକାବିଲା କରିବାରେ ଜଳବାୟୁ- ଅନୁକୂଳ କୃଷି ପ୍ରଯୁକ୍ତିର ଗୁରୁତ୍ବ ଉପରେ ଆଲୋକପାତ କରିଥିଲେ। ପରେ ଡ଼. ଦୁର୍ଗା ପ୍ରସାଦ ପାଢ଼ୀ, ନିର୍ଦ୍ଦେଶକ (ପ୍ରଶାସନ), ବିଶ୍ବବିଦ୍ୟାଳୟର ସ୍ଥାୟୀ କୃଷି ଗବେଷଣା ଓ ଉଦ୍ଭାବନ କ୍ଷେତ୍ରରେ ଅବଦାନ ସମ୍ପର୍କରେ ମତବ୍ୟକ୍ତ କରିଥିଲେ I ସଭାରେ ସଭାପତିତ୍ବ କରି ପ୍ରଫେସର (ଡ଼.) ସୁପ୍ରିୟା ପଟ୍ଟନାୟକ, ମାନ୍ୟବର କୁଳପତି, ସେଞ୍ଚୁରିଅନ୍ ବିଶ୍ବବିଦ୍ୟାଳୟ, ଯୁବ ଯୁବ ଗବେଷକମାନଙ୍କୁ ନବସୃଜନ ଓ ଓ ସ୍ଥାୟୀ କୃଷି ପ୍ରଯୁକ୍ତି ବିକାଶ ଦିଗରେ କାର୍ଯ୍ୟ କରିବାକୁ ଆହ୍ୱାନ କରିଥିଲେ।
ଏହି ଅବସରରେ AIASA ର ଜାତୀୟ ସଭାପତି ଶ୍ରୀ ନିନାଦ ମହାଜନ ସଂଗଠନର ଲକ୍ଷ୍ୟ ଓ ଭବିଷ୍ୟତ ଦୃଷ୍ଟିକୋଣ ସମ୍ପର୍କରେ ମତ ରଖିଥ‌ିବା ବେଳେ, ପ୍ରଫେସର (ଡ଼.) ସହଦେବ ସିଂହ, ମୁଖ୍ୟ ନୀତି ପରମର୍ଶଦାତା, AIASA, କୃଷି କ୍ଷେତ୍ରରେ ନୀତି, ବିଜ୍ଞାନ ଓ ଉଦ୍ଭାବନର ସମନ୍ବୟର ଆବଶ୍ୟକ‌ତା ଉପରେ ଆଲୋକପାତ କରିଥିଲେ । ସମ୍ମାନିତ ଅତିଥି ପ୍ରଫେସର ହୃଷୀକେଶ ସେନାପତି, କୁଳପତି, ବିକ୍ରମ ଦେବ ବିଶ୍ବବିଦ୍ୟାଳୟ, ଜୟପୁର, ଉଚ୍ଚଶିକ୍ଷା ଅନୁଷ୍ଠାନଗୁଡ଼ିକର କୃଷି ଉନ୍ନୟନରେ ଭୂମିକା ସମ୍ପର୍କରେ ଉଦ୍ବୋଧନ ଦେଇଥିଲେ I
ମୁଖ୍ୟ ଅତିଥି ଡ଼. ଯଶପାଲ ସିଂହ ମଲିକ, ଉପ-ମହାନିର୍ଦ୍ଦେଶକ (କୃଷି ଶିକ୍ଷା), ଭାରତୀୟ କୃଷି ଅନୁସନ୍ଧାନ ପରିଷଦ (ICAR), ନୂଆଦିଲ୍ଲୀ, ସମ୍ମିଳନୀର ଉଦ୍ଘାଟନ କରି ଜଳବାୟୁ-ଅନୁକୂଳ କୃଷି ପ୍ରଯୁକ୍ତି, ନବସୃଜନ, ଉଦ୍ୟମିତା ଏବଂ ଉଚ୍ଚମାନର କୃଷି ଶିକ୍ଷା ମାଧ୍ୟମରେ ଦେଶର ଖାଦ୍ୟ ସୁରକ୍ଷା ସୁନିଶ୍ଚିତ କରି ‘ବିକଶିତ ଭାରତ-୨୦୪୭’ ସ୍ବପ୍ନ ସାକାର କରିବାର ଆହ୍ୱାନ ଦେଇଥିଲେ।
ଶେଷରେ ଡ଼. ଆଶୀର୍ବଚନ ମହାପାତ୍ର, ୯ମ ଜାତୀୟ ଯୁବ ସମ୍ମିଳନୀର ଜାତୀୟ ଆୟୋଜନ ସମ୍ପାଦକ, ଧନ୍ୟବାଦ ଅର୍ପଣ କରି ସମସ୍ତ ଅତିଥି, ପ୍ରତିନିଧ, ଆୟୋଜକ ଏବଂ ସ‌ହଯୋଗୀ ମାନଙ୍କ ପ୍ରତି କୃତଜ୍ଞତା ଜ୍ଞାପନ କରିଥିଲେ।