ମାରିଗୁଡ଼ା ଗ୍ରାମରେ ରନ୍ଧା ମଦ ଉପରେ ଚଢ଼ାଉ।

ଗୁଣପୁର ରୁ ସନ୍ତୋଷ କୁମାର ସୁବୁଦ୍ଧି: ଗୁଣୁପୁର ତା ୩/୬/୨୬ ମାରିଗୁଡ଼ା ଗ୍ରାମରେ ଚୋରା ରନ୍ଧା ମଦ କାରବାର ହେଉଥିବା ଖବର ପାଇ ଅବକାରୀ ବିଭାଗ ତରଫରୁ ଚଢ଼ାଉ କରା ଯାଇଥିଲା। ରାୟଗଡ଼ା ଜିଲ୍ଲା ଅବକାରୀ ଅଧିକ୍ଷକ ଶ୍ରୀ ସନ୍ତୋଷ କୁମାର ଧଳ ସାମନ୍ତକଙ୍କ ନିର୍ଦ୍ଦେଶ କ୍ରମେ ଡି ଏସ ଇ ଗୁଣପୁର ଶ୍ରୀ ସଞ୍ଜିବ କୁମାର ବାର୍ଲି, ଅବକାରୀ ନିରୀକ୍ଷକ ଗୁଣପୁର ଶ୍ରୀ ବେଣୁଧର ସାମଲ ଓ ଗୁଣପୁର ପୋଲିସ୍ ଦଳ ସହ ପ୍ରତ୍ୟକ୍ଷ ତତ୍ତ୍ୱାବଧାନରେ ଗୁଣପୁର ଅବକାରୀ ଉପ ନିରୀକ୍ଷକ ପି ଭିସେଶ୍ୱର ରାଓ, ଗୁଣପୁର ଅବକାରୀ ରେଞ୍ଜ ସହ ଉପ ନିରୀକ୍ଷକ ଲକ୍ଷ୍ମୀ ଦେବି ଓ ଅବକାରୀ କର୍ମଚାରୀ ମାରିଗୁଡ଼ା ଗ୍ରାମରେ ପହଞ୍ଚି ଚୋରା ମଦ ରନ୍ଧା ହେଉଥିବା ସ୍ଥଳରେ ପହଞ୍ଚି ଅଚାନକ ଚଢ଼ାଉ କରି ୮ ଜଣ ଲୋକଙ୍କୁ ଗିରିଫ କରିବା ସହିତ ମୋଟ ୧୦ ଗୋଟି କେସ ରୁଜୁ କରାଯାଇଅଛି।ଏହା ସହିତ ୮୦୦୦ ଲିଟର ଗୁଡ଼ ମିଶା ମହୁଲ ପେଚ ଓ ୧୦୦୦ ଲିଟର ଚୋରା ରନ୍ଧା ମଦ ନଷ୍ଟ କରାଯାଇଛି। ଏହାର ମୂଲ୍ୟ ଆନୁମାନିକ ଛଅ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଥିଲା। ଏହା ସହିତ ଆସବାବପତ୍ର ଜବତ କରାଯାଇ ଘଟଣା ସ୍ଥଳରେ ହିଁ ନଷ୍ଟ କରାଯାଇଥିଲା।