ଲର୍ଡ ଜଗନ୍ନାଥ ମିଶନ ଟ୍ରଷ୍ଟର ୨୦୨୫–୨୬ ବାର୍ଷିକ ଉତ୍ସବ ପାଳିତ

ଭୁବନେଶ୍ୱର, ମାର୍ଚ୍ଚ ୨୯ : ଲର୍ଡ ଜଗନ୍ନାଥ ମିଶନ ଟ୍ରଷ୍ଟର ୨୦୨୫–୨୬ ବାର୍ଷିକ ଉତ୍ସବ ଭୁବନେଶ୍ୱରର ଝାରପଡା ସ୍ଥିତ ବିବେକାନନ୍ଦ ଶିକ୍ଷା କେନ୍ଦ୍ରରେ ସଫଳତାର ସହିତ ଆୟୋଜିତ ହୋଇଥିଲା। ଏହି କାର୍ୟକ୍ରମରେ ସଦସ୍ୟ, ଅତିଥି ଓ ଶୁଭେଚ୍ଛୁମାନଙ୍କର ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା।
ଏହି ଅବସରରେ ମୁଖ୍ୟ ଅତିଥି ଭାବେ ଜଗନ୍ନାଥ ପ୍ରଧାନ ଯୋଗଦେଇଥିବାବେଳେ, ମୁଖ୍ୟ ବକ୍ତା ଭାବେ ବିରୁପାକ୍ଷ୍ୟ ତ୍ରିପାଠୀ ଉପସ୍ଥିତ ରହି ଗୁରୁତ୍ୱପୂର୍ଣ୍ଣ ଅଭିଭାଷଣ ରଖିଥିଲେ। ଗେଷ୍ଟ ଅଫ ଅନର୍ ଭାବେ ଟ୍ରଷ୍ଟି ସ୍ୱର୍ଣ୍ଣଲତା ମହାନ୍ତି ଯୋଗଦେଇ କାର୍ୟକ୍ରମକୁ ଗୌରବାନ୍ବିତ କରିଥିଲେ। ଡ଼ଃ ପୀତବାସ ତ୍ରିପାଠୀ ସଭାପତିତ୍ୱ କରି କାର୍ୟକ୍ରମକୁ ସୁଚାରୁ ଭାବେ ଆଗେଇ ନେଇଥିଲେ।
ମ୍ୟାନେଜିଂ ଟ୍ରଷ୍ଟି ବୈରାଗୀ ଚରଣ ନାୟକଙ୍କ ନେତୃତ୍ୱରେ କାର୍ୟକ୍ରମଟି ସଫଳତାର ସହିତ ପରିଚାଳିତ ହୋଇଥିଲା। ପ୍ରିନ୍ସିପାଲ ବିଜୟ କୁମାର ସାହୁ କାର୍ୟକ୍ରମ ସମନ୍ୱୟରେ ମୁଖ୍ୟ ଭୂମିକା ନିଭାଇଥିଲେ ଏବଂ ସମଗ୍ର କାର୍ୟକ୍ରମକୁ ସୁସଂଗଠିତ କରିଥିଲେ।
ଏହି ଅବସରରେ ଓଡିଶାର ବିଭିନ୍ନ ସ୍ଥାନରୁ ଆସିଥିବା ଛାତ୍ରଛାତ୍ରୀମାନଙ୍କ ଅଂଶଗ୍ରହଣରେ ନୃତ୍ୟ, ସଙ୍ଗୀତ ଓ ବକ୍ତୃତା ପ୍ରତିଯୋଗିତା ଆୟୋଜିତ ହୋଇଥିଲା। କାର୍ୟକ୍ରମର ଶେଷରେ ବିଜେତାମାନଙ୍କୁ ସମ୍ମାନିତ କରାଯାଇଥିଲା।
ଏହି ଅବସରରେ ବିଭିନ୍ନ କାର୍ୟକଳାପ ଓ ଆଲୋଚନା ଆୟୋଜିତ ହୋଇଥିଲା, ଯାହା ଟ୍ରଷ୍ଟର ସାମାଜିକ ସେବା ଓ ସଂସ୍କୃତିକ ମୂଲ୍ୟବୋଧ ପ୍ରତି ଅଟୁଟ ପ୍ରତିବଦ୍ଧତାକୁ ପ୍ରକାଶ କରିଥିଲା। କାର୍ୟକ୍ରମର ସଫଳତା ପାଇଁ ସମସ୍ତ ଅତିଥି, ଅଂଶଗ୍ରହଣକାରୀ ଓ ସହଯୋଗୀମାନଙ୍କୁ ଆୟୋଜକମାନେ ଧନ୍ୟବାଦ ଜଣାଇଥିଲେ।
ଅଧିକୃତ ସୂଚନା ଅନୁସାରେ, ଏହି କାର୍ୟକ୍ରମ ସକାଳ ୧୧:୩୦ ରେ ବିବେକାନନ୍ଦ ଶିକ୍ଷା କେନ୍ଦ୍ର, ଜଗନ୍ନାଥ ନଗର, ଭୁବନେଶ୍ୱରରେ ଆୟୋଜିତ ହୋଇଥିଲା ।