୧୪ ଓଡ଼ିଶା ବାଟାଲିୟନ ଏନ୍.ସି.ସି. କେନ୍ଦୁଝର ରେ ୭୮ତମ ସେନା ଦିବସ ପାଳନ

କେନ୍ଦୁଝର,ତା୧୫/୦୧- ଭାରତୀୟ ସେନାର ସାହସ,ଶୃଙ୍ଖଳା ଏବଂ ବଳିଦାନକୁ ସମ୍ମାନ ଜଣାଇବା ପାଇଁ ୭୮ତମ ସେନା ଦିବସ ଧରଣୀଧର ବିଶ୍ଵବିଦ୍ୟାଳୟ ପରିସରରେ ୧୪ ଓଡ଼ିଶା ବାଟାଲିୟନ ଏନ୍.ସି.ସି. ତରଫରୁ ମହା ଗର୍ବ ଏବଂ ଦେଶପ୍ରେମର ଉତ୍ସାହ ସହିତ ପାଳନ କରାଯାଇଥିଲା।ଏହି କାର୍ଯ୍ୟକ୍ରମରେ କମାଣ୍ଡିଂ ଅଫିସର୍ କର୍ଣ୍ଣେଲ ଜୟନ୍ତ ମୋହନ ଯୋଶୀଙ୍କ ଅଧ୍ୟକ୍ଷତାରେ କେନ୍ଦୁଝର ଜିଲ୍ଲା ପୂର୍ବତନ ସୈନିକ ଲିଗ୍ ର ସଭାପତି ଲେଫ୍ଟନାଣ୍ଟ କର୍ଣ୍ଣେଲ ନଟବର ଜେନା ମୁଖ୍ୟ ଅତିଥି ଭାବେ ଯୋଗ ଦେଇ ନିଜର ସେନା ଜୀବନର ଅଭିଜ୍ଞତା ପ୍ରକାଶ କରିଥିଲେ।ଅନ୍ୟତମ ଅତିଥି ଭାବେ ପ୍ରଶାସନିକ ଅଧିକାରୀ ଲେଫ୍ଟନାଣ୍ଟ କର୍ଣ୍ଣେଲ ମୟୂର ଘାଡଗେ,ସୁବେଦାର ମେଜର ଏସ୍ ମହମ୍ମଦ ଶାହିଦ ଅଲ୍ଲୀ,ଅବସରପ୍ରାପ୍ତ ୱାରେଣ୍ଟ ଅଫିସର୍ ସନ୍ତୋଷ କୁମାର ତ୍ରିପାଠୀ,ଅବସରପ୍ରାପ୍ତ ସୁବେଦାର ମେଜର ବଳଭଦ୍ର ସାହୁ ଯୋଗ ଦେଇ ଦେଶ ମାତୃକାର ସେବା ପାଇଁ କ୍ୟାଡେଟ ମାନଙ୍କୁ ଉତ୍ସାହିତ କରିଥିଲେ।ଗାର୍ଲସ କ୍ୟାଡେଟ ଇନଷ୍ଟ୍ରକ୍ଟର ନେହା ସ୍ବାଗତ ଓ ଅତିଥି ପରିଚୟ ପ୍ରଦାନ କରିଥିଲେ।୩୦ ଜଣ ପୂର୍ବତନ ସୈନିକ,୬ ଜଣ ଏନ୍.ସି.ସି. ଅଫିସର୍ ,୧୦ ଜଣ ପି.ଆଇ. ଷ୍ଟାଫ୍ ଏବଂ ୪୮୦ ଜଣ ଏନ୍.ସି.ସି. କ୍ୟାଡେଟ ଉପସ୍ଥିତ ଥିଲେ। କ୍ୟାଡେଟ ମାନେ ଏହି କାର୍ଯ୍ୟକ୍ରମରେ ସକ୍ରିୟ ଭାବେ ସେମାନଙ୍କ ଶୃଙ୍ଖଳା,ଅଭ୍ୟାସ ଏବଂ ଦେଶ ପ୍ରେମ ମନୋଭାବ ପ୍ରଦର୍ଶନ କରିଥିଲେ।ଯୁବପିଢିଙ୍କ ମଧ୍ୟରେ ନେତୃତ୍ୱ,ସାହସ ଏବଂ ଜାତୀୟ ସେବାର ଭାବନା ଗଠନରେ ଏନ୍.ସି.ସି. ତାଲିମର ଗୁରୁତ୍ଵ ଉପରେ ଆଲୋକପାତ କରାଯାଇଥିଲା।ଏହା ଏକ ପ୍ରକାର ଅନନ୍ୟ କାର୍ଯ୍ୟକ୍ରମ ଥିଲା ଯେଉଁଠାରେ ପ୍ରଥମ ଥର ପାଇଁ କ୍ୟାଡେଟମାନେ ତିନୋଟି ସେନା ବାହିନୀର ପୂର୍ବତନ ସୈନିକଙ୍କ ଅଭିଜ୍ଞତା ସମ୍ବନ୍ଧରେ ଜାଣିବାକୁ ପାଇଥିଲେ।କ୍ୟାଡେଟମାନେ ସ୍ବଚ୍ଛତା ଏବଂ ନାଗରିକ ଦାୟିତ୍ୱକୁ ପ୍ରୋତ୍ସାହିତ କରି ଏକ ସ୍ବଚ୍ଛତା ଅଭିଯାନରେ ସାମିଲ ହୋଇଥିଲେ।ଏହି ଉତ୍ସବ ସାହସ,ଦଳଗତ କାର୍ଯ୍ୟ ଏବଂ ଦେଶ ମାତୃକାର ସେବା ଭାବନା ଗଠନରେ ଏନ୍.ସି.ସି. ତାଲିମର ଗୁରୁତ୍ଵ ଉପରେ ଆଲୋକପାତ କରିଥିଲା ଯାହା ସମସ୍ତ ଉପସ୍ଥିତ ଜନତାଙ୍କୁ ସଶସ୍ତ୍ର ବାହିନୀକୁ ସମ୍ମାନ ଏବଂ ସଲାମ କରିବାକୁ ପ୍ରେରଣା ଦେଇଥିଲା।ଦେଶକୁ ସୁରକ୍ଷା ଦେବା ପାଇଁ ନିଜର ଜୀବନ ବଳିଦାନ ଦେଇଥିବା ସାହସୀ ସୈନିକମାନଙ୍କୁ ଏବଂ କାର୍ଯ୍ୟକ୍ରମରେ ଉପସ୍ଥିତ ପୂର୍ବତନ ସୈନିକମାନଙ୍କୁ ସାଲ୍ୟୁଟ୍ ଦେଇ କାର୍ଯ୍ୟକ୍ରମ ଶେଷ ହୋଇଥିଲା।