ରୁନିପାନି ଗାଁ : ଏଠିକି ବାଟ ହୁଡ଼ିଛି ବିକାଶ
ଭୋଟ ପାଇଁ ନେତାଙ୍କ ଅୟସ, ପ୍ରତାରଣା ପାଲଟୁଛି ଲୋକଙ୍କ ବିଶ୍ୱାସ
ସୁନ୍ଦରଗଡ଼ :ବଣ ପାହାଡ ଘେରା ତଥା ପ୍ରାକୃତିକ ସୌନ୍ଦର୍ଯ୍ୟରେ ପରିପୂର୍ଣ୍ଣ ଗାଁ ହେଉଛି ” ରୁନିପାନି ” ।ଗାଁ କୁ ଦେଖିଲେ ଲାଗେ ସତେ ଯେମିତି ପ୍ରକୃତି ରାଣୀ ବିଶ୍ଵର ସମସ୍ତ ଶୋଭାରାଜି କୁ ଏହି ଗାଁ ରେ ଅଜାଡ଼ି ଦେଇଛି। ଦଶନ୍ଧି ପରେ ଦଶନ୍ଧି ଆଉ ସରକାର ପରେ ସରକାର ବଦଳି ଚାଲିଛି ,ହେଲେ ଆଜି ବି ଏପରି ଅନେକ ଗାଁ ରହିଛି ଯେଉଁଠି ବିକାଶର ଛାଇ ପଡିନି।ବିକାଶ କଣ ଏହି ଦୁର୍ଗମ ଗାଁ ଲୋକେ ଜାଣି ନାହାଁନ୍ତି।ଯୋଜନାର ବ୍ୟକ୍ତିଗତ ଲାଭ ପାଇବା ତ ଦୂରର କଥା ଗାଁ ର ସାମୁହିକ ବିକାଶ କେବେ ଉପଲବ୍ଧ ହେବ ଅନାଇ ବସିଛନ୍ତି ରୁନିପାନି ଗାଁ ଲୋକେ।ସରକାରୀ ବାବୁଙ୍କ ଉଦାସୀନତା ଓ ଜନ ପ୍ରତିନିଧିଙ୍କ ହଁ ଦେଖିବା, ହଁ କରିବା ନୀତିରେ ଅଟକି ରହିଛି ଏହି ଗାଁର ବିକାଶ।ସୁନ୍ଦରଗଡ଼ ଜିଲ୍ଲା ସବଡେଗା ବ୍ଲକ ଟାଙ୍ଗରଗାଁ ପଞ୍ଚାୟତ ରୁନିପାନି ଗାଁ।ସତେ ଯେମିତି ତଥାକଥିତ ସଭ୍ୟତା ଠାରୁ ବହୁ ପଛରେ ରହିଛି ଏହି ଗାଁ।
