ଲୋକାଭିମୁଖି କାର୍ଯ୍ୟକ୍ରମ ପରିଚାଳନା ବ୍ୟବସ୍ଥା ରେ ସରକାର ସ୍ଵେଚ୍ଛାସେବୀ ଅନୁଷ୍ଠାନ ମତାମତ କୁ ଗୁରୁତ୍ବ ଦେବା ଉଚିତ

ରାଜ୍ୟ ସ୍ତରୀୟ ସ୍ବେଛାସେବୀ ସଂଗଠନ ଆଲୋଚନା ଚକ୍ରରେ ମତ ପ୍ରକାଶ

ପୁରୀ (ଅନିମେଶ ପଟ୍ଟନାୟକ): ପୁରୀ ଜିଲ୍ଲା ସ୍ବେଛାସେବୀ ସଙ୍ଗଠନ ସାମୁଖ୍ୟ ଦି ବେଲ୍ ଓ ରୋଟାରୀ କ୍ଲବ ମିଲିତ୍ ଆନୁକୁଲ୍ୟରେ ସ୍ଥାନିୟ ରୋଟାରୀ କ୍ଲବ କମୂନିଟି ହଲ ପରିସରରେ ” ଅଧୁନା ପରିସ୍ଥିତିରେ ଭାରତରେ ସ୍ବେଛାସେବୀ ସଂଗଠନ ମାନଙ୍କ ଭୂମିକା “ଶୀର୍ଷକ ଏକ ରାଜ୍ୟ ସ୍ତରୀୟ ଆଲୋଚୋନା ଚକ୍ର ଆୟୋଜିତ ହୋଇ ଯାଇଛି। ସ୍ବାଧିନତା ଦିବସ ଅବସରରେ ଆୟୋଜିତ ଏହି ଆଲୋଚନା ଚକ୍ରରେ ରାଜ୍ୟର ବିଭିନ୍ନ ସ୍ଥାନରୁ ୨୦ ରୁ ଉର୍ଦ୍ଧ୍ବ ସ୍ବେଛାସେବୀ ସଂଗଠନ ମାନକ ମୁଖିଆ ମାନେ ଯୋଗ ଦେଇଥିଲେ। ବର୍ତ୍ତମାନ ପରିସ୍ଥିତିରେ ସରକାର ଲୋକାଭିମୁଖି କାର୍ଯ୍ୟକ୍ରମରେ ସ୍ବେଛାସେବୀ ଅନୁଷ୍ଠାନ ମାନଙ୍କ ମତା ମତ ବା ସହଭାଗିତା କୁ ଆଦୌ ଗୁରୁତ୍ୱ ଦେଉ ନଥିବାରୁ ଏହାକୁ ନେଇ ଆଲୋଚକ ମାନେ କ୍ଷୋବ ପ୍ରକାଶ କରିଥିଲେ। ଏଥି ସହିତ ସ୍ଥାଣୁ ଅବସ୍ଥାରେ ରହିଥିବା ଜିଲ୍ଲା ସ୍ତରେରେ ସରକାରଙ୍କ ଦ୍ଵାରା ଗଠିତ ସ୍ବେଛାସେବୀ ସଙ୍ଗଠନ ସମିତିକୁ ଗତିଶୀଳ କରାଇବା ସହିତ ଜନହିତକର କାର୍ଯ୍ୟ ଗୁଡିକରେ ସ୍ଥାନୀୟ ସ୍ବେଛାସେବୀ ଅନୁଷ୍ଠାନର ସହଯୋଗ ସରକାର ନେବା ଆବଶ୍ୟକ ବୋଲି ମତ ପ୍ରକାଶ ପାଇଥିଲା । ସେହି ପରି ସ୍ବେଛାସେବୀ ଅନୁଷ୍ଠାନ ଗୁଡ଼ିକ ଉପରେ ସରକାରଙ୍କ ଅତ୍ୟଧିକ ଅଙ୍କୁଶ ମଧ୍ୟ ସ୍ବେଛାସେବୀ ଅନୁଷ୍ଠାନର ପରିବ୍ୟପକତା ଉପରେ ମଧ୍ୟ ପ୍ରଭାବ ପକାଉଛି ବୋଲି ବକ୍ତା ମାନେ ମତ ରଖିଥିଲେ।

ଏହି ଆଲୋଚନାକୁ ଦି ବେଲ୍ ଅଧକ୍ଷ ସିଦ୍ଧାର୍ଥ ରାୟ ସଞ୍ଚାଳନ କରିଥିବା ବେଳେ ଅନୁଷ୍ଠାନ ସାଧାରଣ ସମ୍ପାଦକ ରାଜକିଶୋର ପାତ୍ର କାର୍ଯ୍ୟକ୍ରମକୁ ସଂଯୋଜନା କରିଥିଲେ। ରୋଟାରି କ୍ଲବ ସଭାପତି କୃଷ୍ଣଚନ୍ଦ୍ର ପତ୍ର ସ୍ୱାଗତ ଭାଷଣ ପ୍ରଦାନ କରିବା ବେଳେ ରୋଟାରୀୟାନ ନାରାୟଣ ଦାସ ଧନ୍ୟବାଦ୍ ଦେଇ ଥିଲେ।ସଂଯୋଗ ଅନୁଷ୍ଠାନ ର ନିର୍ଦ୍ଦେଶକ ପ୍ରଶାନ୍ତ କୁମାର ପାଲଟାସିଂ ଏହି ଆଲୋଚନା ଚକ୍ରରେ ସଭାପତି ରୂପେ ଯୋଗ ଦେଇ ଆଲୋଚନା ଚକ୍ର ର ନିର୍ଯ୍ୟାସ ପ୍ରଦାନ କରିଥିଲେ। ପରିଶେଷରେ ଅତିଥି ମାନେ ସମସ୍ତ ଅଂଶଗ୍ରହଣକାରୀଙ୍କୁ ପ୍ରଶଂସା ପତ୍ର ଓ ଉପଢୌକନ ପ୍ରଦାନ କରିଥିଲେ।ଏହି ଅବସରରେ ରୋଟାରୀ କ୍ଲବ ର ସମ୍ପାଦକ ରୋଟାରୀୟାନ୍ ଶୈଳେଶ କୁମାର ବେହେରା ଅନ୍ୟତମ ଅତିଥି ଭାବରେ ଯୋଗଦେଇଥିଲେ। କାର୍ଯ୍ୟକ୍ରମରେ ଭୁବନେଶ୍ୱର ସାଥି ଅନୁଷ୍ଠାନ ନିର୍ଦ୍ଦେଶକ ବିଶ୍ବଭୂଷଣ ପଟ୍ଟନାୟକ ,କୁମାର କବି ଫାଉଣ୍ଡେସନର ସମ୍ପାଦକ ଦିଗମ୍ବର ବେହେରା, ନିହିଡ଼ାର ସମ୍ପାଦକ ଭକ୍ତ ବିହାରୀ ମିଶ୍ର, ହୋପ ଇଜ୍ ଲାଇଫ ଅନୁଷ୍ଠାନର ଦିବାକର ଦଳାଇ, ସୁନ୍ଦରଗଡ଼ର ସି.ଆଇ ଆର୍ .ଆଇ.ଡି ଅନୁଷ୍ଠାନ ନିର୍ଦେଶିକା ରୁଚିମିତ୍ରା ଜଗଦ୍ଦେବ, ଆମେ ଶ୍ରୀକ୍ଷେତ୍ର ବାସୀ ଅନୁଷ୍ଠାନର ଜିତେନ୍ଦ୍ର ନାରାୟଣ ମିଶ୍ର, ଆଇଏସଆରଡି ପ୍ରୋଗ୍ରାମ ମ୍ୟାନେଜର କେଳୁ ଚରଣ ଦାସ, ଆପଣଙ୍କ ସେବା ଅନୁଷ୍ଠାନ ର ଉପଦେଷ୍ଟା ମନୋଜ ରଥ, ହ୍ୟାପିନେଶ ଫାଉଣ୍ଡେସନର ସଭାପତି ଇଂଜିନିୟର ପ୍ରଦୀପ କୁମାର ପ୍ରଧାନ ସଂକଳ୍ପ ଫାଉଣ୍ଡେସନର ସୁଚରିତା ପାଢ଼ୀ ପ୍ରଭୃତି ଆଲୋଚୋନା ଚକ୍ରରେ ଯୋଗ ଦେଇ ନିଜର ମତାମତ ରଖିଥିଲେ ।