ଅର୍ଥନୈତିକ ଅଭିବୃଦ୍ଧି ଓ ବିକାଶକୁ ପ୍ରୋତ୍ସାହିତ କରିଥିବାରୁ କେନ୍ଦ୍ରୀୟ ବଜେଟ୍କୁ ପ୍ରଶଂସା କରିଛି ସିଆଇଆଇ ଓଡିଶା
ଭୁବନେଶ୍ୱର: ସିଆଇଆଇ ଓଡିଶା କେନ୍ଦ୍ରୀୟ ବଜେଟ ୨୦୨୪-୨୫କୁ ଏକ ଅଭିବୃଦ୍ଧି ଭିତିକ ବଜେଟ ଭାବେ ପ୍ରଶଂସା କରିଛି ଏବଂ ଏଭଳି ଏକ ଉତ୍ସାହଜନକ ଓ ସନ୍ତୁଳିତ ବଜେଟ ଉପସ୍ଥାପନ କରିଥିବାରୁ କେନ୍ଦ୍ର ଅର୍ଥମନ୍ତ୍ରୀ ଶ୍ରୀମତି ନିର୍ମଳା ସୀତାରମଣଙ୍କୁ ଶୁଭେଚ୍ଛା ଜଣାଇଛି । ଯଦିଓ ଏହି ବଜେଟ ଏକ ବିସ୍ତୃତ ବଜେଟ ଅଟେ ତଥାପି ଏହା କିଛି ନିର୍ଦ୍ଧିଷ୍ଟ କ୍ଷେତ୍ର ଯେପରିକି ଏମ୍ଏସ୍ଏମଇ , କୃଷି, ଭିତିଭୂମି, ଦକ୍ଷତା, ଟେକ୍ନୋଲୋଜି, ଉଦ୍ଭାବନ ଓ ବ୍ୟବସାୟ କରିବାର ସହଜତା ଆଦି ଉପରେ ଗୁରୁତ୍ୱ ଦେଇଛି ।
ସିଆଇଆଇ ଓଡିଶା ଷ୍ଟେଟ କାଉନସିଲର ଉପାଧ୍ୟକ୍ଷ ଏବଂ ବେଦାନ୍ତ ଲିମିଟେଡର ମୁଖ୍ୟ କାର୍ଯ୍ୟକାରୀ ଅଧିକାରୀ, ଶ୍ରୀଯୁକ୍ତ ସୁନୀଲ ଗୁପ୍ତା ବଜେଟ ସମ୍ପର୍କରେ ନିଜର ମତବ୍ୟକ୍ତ କରି କହିଛନ୍ତି, “ କେନ୍ଦ୍ରୀୟ ବଜେଟ ଏମ୍ଏସ୍ଏମ୍ଇ ଓ ନିର୍ମାଣ କ୍ଷେତ୍ରକୁ ସ୍ୱତନ୍ତ୍ର ଗୁରୁତ୍ୱ ଦେଇଛି ଯେଉଁଥିରେ ନିର୍ମାଣ କ୍ଷେତ୍ରରେ ଏମ୍ଏସ୍ଏମ୍ଇଗୁଡିକ ପାଇଁ କ୍ରେଡିଟ୍ ଗ୍ୟାରେଂଟି ସ୍କିମ ରହିଛି ଏବଂ ଏମ୍ଏସ୍ଏମ୍ଇଗୁଡିକ ପାଇଁ ଯନ୍ତ୍ରପାତିର କ୍ରୟ ଲାଗି ଟର୍ମ ଲୋନ୍କୁ ସୁଗମ କରାଯାଇଛି । ସେ ଆହୁରି ମଧ୍ୟ କହିଛନ୍ତି, “ ଭାରତ ସରକାର ଘରୋଇ ଉତ୍ପାଦନ, ବିଶେଷ କରି ହାଇ-ଟେକ୍ ସେକ୍ଟରଗୁଡିକୁ ବୃଦ୍ଧି କରିବା, ନିଯୁକ୍ତି ସୃଷ୍ଟି କରିବା ଓ ଉଦ୍ୟୋଗିକତାକୁ ପ୍ରୋତ୍ସାହିତ କରିବା ପାଇଁ କ୍ଷୁଦ୍ର ଓ ମଧ୍ୟମ ଉଦ୍ୟୋଗଗୁଡିକୁ ସହଯୋଗ ପ୍ରଦାନ କରିବାକୁ ଲକ୍ଷ୍ୟ ରଖିଛନ୍ତି । କେନ୍ଦ୍ରୀୟ ବଜେଟ ୨୦୨୪ ଏକ ସନ୍ତୁଳିତ ଓ ସମାନ ଟିକସ ବ୍ୟବସ୍ଥା ସୃଷ୍ଟି କରିବା, ଟିକସ ଅନୁପାଳନକୁ ଉନ୍ନତ କରିବା ଏବଂ ଲକ୍ଷିତ ପ୍ରୋତ୍ସାହନ ଓ ସୁଧାର ମାଧ୍ୟମରେ ଅର୍ଥନୈତିକ ଅଭିବୃଦ୍ଧିକୁ ସମର୍ଥନ କରିବା ପାଇଁ ଲକ୍ଷ୍ୟ ରଖିଛି ।”
