ରଥଯାତ୍ରାର ପ୍ରଥମ ଦିନ: ଅଳ୍ପ ଗଡ଼ି ଅଟକିଲେ ତିନି ଠାକୁର , ରଥ ଉପରେ ନବଯୌବନ ଦର୍ଶନ କଳେ ଶ୍ରଦ୍ଧାଳୁ
ପୁରୀ (ଅନିମେଶ ପଟ୍ଟନାୟକ): ରବିବାର ହେଉଛି ଏକ ଐତିହାସିକ ଦିନ । ଦିର୍ଘ ୫ ଦଶନ୍ଧି ପରେ ଶ୍ରୀଜୀଉଙ୍କର ହୋଇଛି ବିରଳ ରଥଯାତ୍ରା । ଅର୍ଥାତ ଗୋଟିଏ ଦିନରେ ନେତ୍ରୋତ୍ସବ ନବଯୌବନ ଓ ରଥଯାତ୍ରା ପଡିଛି । ତେଣୁ ଏହା ଏକ ବିରଳ ସଂଯୋଗ ନିଶ୍ଚିତ। ଏଭଳି ଏକ ତିଥିରେ ରଥ ଉପରେ ନବଯୌବନ ଦର୍ଶନର ସୁଯୋଗ ନେଉଛନ୍ତି ଶ୍ରଦ୍ଧାଳୁ ।
ସୁଚନାଥାଉ କି ଚଳିତ ଥର ରଥକୁ ସହଳ ଆସିଛନ୍ତି ତିନି ଠାକୁର । ନିର୍ଦ୍ଧାରିତ ସମୟର ୨ଘଣ୍ଟା ଆଗରୁ ଶ୍ରୀଜୀଉଙ୍କର ପହଣ୍ଡି ଆରମ୍ଭ ହୋଇଥିଲା । ଧାଡ଼ି ପହଣ୍ଡିରେ ପ୍ରଥମେ ଚକ୍ରରାଜ ସୁଦର୍ଶନ ରଥାରୁଢ ହୋଇଥିଲେ । ପରେ ବଡଭାଇ ବଳଭଦ୍ର, ସୁଭଦ୍ରା ଓ ପ୍ରଭୁ ଜଗନ୍ନାଥ ସହଳ ରଥାରୂଢ ହୋଇଥିଲେ ।
ସେପଟେ ପ୍ରଥମ ରାଷ୍ଟ୍ରପତି ଭାବେ ଶ୍ରୀମତୀ ଦ୍ରୌପଦୀ ମୁର୍ମୁ ମହାପ୍ରଭୁଙ୍କ ଘୋଷଯାତ୍ରାରେ ନିଜକୁ ସାମିଲ କରିଛନ୍ତି । ବଡ଼ଦାଣ୍ଡରେ ତିନି ଠାକୁରଙ୍କୁ ଦର୍ଶନ କରି ଆଶିଷ ଲାଭ କରିଛନ୍ତି ରାଷ୍ଟ୍ରପତି । ଦିନ ତମାମ ମହାପ୍ରଭୁଙ୍କ ବିଭିନ୍ନ ନିତିକାନ୍ତି ଦର୍ଶନ ପରେ ସଂନ୍ଧ୍ଯାରେ ସୁଭଦ୍ରାଙ୍କ ରଥ ଦଉଡ଼ି ଛୁଇଁ ପ୍ରସ୍ଥାନ କରିଥିଲେ ମହାମହିମ ।
