ଓଡ଼ଗାଁ ଏନଏସିରେ ବିଜେଡ଼ି ଦଳର ଯୋରଦାର ପ୍ରଚାର
ନବୀନଙ୍କ ବିକାଶର ବାର୍ତ୍ତା ବାଣ୍ଟିଲେ ଅରୁଣ, ଜନତାଙ୍କୁ ମାଗଣା ବିଜୁଳିର ଗ୍ୟାରେଣ୍ଟି
“ବିରୋଧୀଙ୍କ ଲଢେଇ ମୋ ବିରୁଦ୍ଧରେ ହୋଇଥିବା ବେଳେ ମୋର ଲଢେଇ ନୟାଗଡ଼ର ସମସ୍ୟା ବିରୁଦ୍ଧରେ ଓ ଓଡ଼ଗାଁର ଉନ୍ନତି ପାଇଁ”
ଓଡ଼ଗାଁ, ୧୭।୫(ଶ୍ରୀକାନ୍ତ କୁମାର ମିଶ୍ର): ନୟାଗଡ଼ ନିର୍ବାଚନମଣ୍ଡଳୀ ଅନ୍ତର୍ଗତ ଓଡ଼ଗାଁ ବ୍ଲକର ୧୮ଟି ପଞ୍ଚାୟତ ଓ ଓଡ଼ଗାଁ ଏନ୍ଏସିରେ ନିର୍ମାଣ ହୋଇଥିବା ବିଭିନ୍ନ ଉନ୍ନୟନ ମୂଳକ ଯୋଜନା ସମ୍ପର୍କରେ ଲୋକଙ୍କୁ ବୁଝାଇବା ସହିତ ଆଗାମୀ ଦିନର ନୂତନ କାର୍ଯ୍ୟ ସମ୍ପର୍କରେ ସୂଚନା ଦେଇଥିଲେ । ରାସ୍ତାଘାଟ ଠାରୁ ଆରମ୍ଭ କରି ଶିକ୍ଷା, ସ୍ବାସ୍ଥ୍ୟ, ପାନୀୟଜଳ ଉପରେ ସରକାର ଗୁରୁତ୍ବ ଦେଇଛନ୍ତି। ଶୁକ୍ରବାର ଅପରାହ୍ନରେ ଓଡ଼ଗାଁ ସହରର ସାହିକୁ ସାହି ବୁଲି ବିଧାୟକ ପ୍ରାର୍ଥୀ ଅରୁଣ କୁମାର ସାହୁ ଜୋର୍ଦାର୍ ପ୍ରଚାର କରିଥିବା ବେଳେ ଓଡ଼ଗାଁ ଏନ୍ଏସି ଅଞ୍ଚଳରେ ହୋଇଥିବା ଉନ୍ନୟନ କାର୍ଯ୍ୟ ସମ୍ପର୍କରେ ଅବଗତ କରିଥିଲେ ।
