ଖୋର୍ଦ୍ଧା ଜିଲ୍ଲା ବାଣପୁର ଟୁକୁନା ଜୁଏଲର୍ଷ ଦୋକାନରେ ଜିଏସଟି ରେଡ଼

ବାଣପୁର/ଖୋର୍ଦ୍ଧା:- (ସେକ୍ କୌସର): ବାଣପୁର ସହରର ଏକ ସୁନା ଦୋକାନରେ ଜିଏସଟି ଟିମ ଚଢ଼ାଉ କରିଛି। ଖବର ମୁତାବକ ବାଣପୁର ତହସିଲ ରୋଡ଼ ସ୍ଥିତ ଟୁକୁନା ଜୁଏଲର୍ଷ ଦୋକାନରେ ୭ ଜଣିଆ ଜିଏସଟି ଟିମ ଚଢ଼ାଉ କରିଛି। ସମ୍ପୃକ୍ତ ଦୋକାନୀ ମାଲିକ ସରୋଜ ପାତ୍ର (ଟୁକୁନା) ଦୀର୍ଘ ଦିନ ଧରି ସୁନା ଓ ରୂପା ବେପାର କରିଆସୁଥିବା ବେଳେ ଜିଏସଟି ଫାଙ୍କୁ ଥିବା ଅଭିଯୋଗ ହୋଇଆସୁଥିଲା। ଏଥିସହିତ ଖୁବ କମ ଦିନ ମଧ୍ୟରେ ଏକାଧିକ ଜାଗାବାଡି ସାଙ୍ଗକୁ କୋଠାବାଡି କରି ଚର୍ଚ୍ଚାକୁ ଆସିଥିଲେ।ଅଭିଯୋଗ କ୍ରମେ ଆଜି ୭ ଜଣିଆ ଜିଏସଟି ଟିମ ଟୁକୁନା ଙ୍କ ଦୋକାନ, ବାଣପୁର ସ୍ଥିତ ନିଜ ଘର ଉପରେ ଅତର୍କିତ ଚଢ଼ାଉ କରି ଛାନଭିନ କରିଛି। ସୁତରାଂ ଜିଏସଟି ଚଢ଼ାଉ ଜାରିରହିଥିବା ଖବର ପ୍ରଚାରିତ ହେବାପରେ ଅନେକ ଦୋକାନ ବନ୍ଦ ରହିଥିବା ଦେଖିବାକୁ ମିଳିଛି।