ପାଣିରେ ପଡିଲା ବନବିଭାଗ କୋଟି କୋଟି ଟଙ୍କା
ବୀରମହାରାଜପୁର, ( ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବନଖଣ୍ଡ ର ବିଭିନ୍ନ ଗ୍ରାମ୍ୟ ରାସ୍ତା ରେ ବନବିଭାଗ ପକ୍ଷରୁ ପଥପାର୍ଶ ବନୀକରଣ ଯୋଜନା ପ୍ରହସନ ପରିଣତ ହୋଇଛି। ଯୋଜନାର ସଠିକ ରୂପାୟନ ହୋଇନଥିବାରୁ ସରକାରୀ ତହବିଲରୁ ଖର୍ଚ୍ଚ ହୋଇଥିବା କୋଟି କୋଟି ଟଙ୍କା ପାଣିରେ ପଡ଼ିଥିବା ନେଇ ଅଭିଯୋଗ ହେଉଛି। ବିଭିନ୍ନ ଗ୍ରାମକୁ ସଂଯୋଗ କରୁଥିବା ରାସ୍ତା କଡ଼ରେ ବନ ବିଭାଗ ପକ୍ଷରୁ ବୃକ୍ଷ ରୋପଣ କରାଯାଇଛି। ମାତ୍ର ସେଗୁଡ଼ିକର ଆବଶ୍ୟକ ରକ୍ଷଣାବେକ୍ଷଣ ଅଭାବରୁ ଗୋଟିଏ ମଧ୍ୟ ଗଛ ବଞ୍ଚିପାରୁ ନାହିଁ ବୋଲି ଅଭିଯୋଗ ହୋଇଛି । ମନରେଗା ଯୋଜନାରେ ପଥପାର୍ଶ ରେ ବନୀକରଣ ପାଇଁ ଆସୁଥିବା ଟଙ୍କା କୁ ବନବିଭାଗ ପକ୍ଷରୁ ହରିଲୁଟ କରାଯାଉଥିବା ଅଞ୍ଚଳ ବାସୀ ଅଭିଯୋଗ କରିଛନ୍ତି। ବିଗତ ଦିନରେ କରାଯାଇଥିବ ବନୀକରଣ କୁ ନେଇ ରାସ୍ତା କଡ଼ରେ କୈାଣସି ସୂଚନା ଫଳକ ଲଗାଯାଇଥିବା ରୁ କେଉଁ ଆର୍ଥିକ ବର୍ଷରେ କେତେ ଗଛ ଲଗାଯାଇଥିଲା ଓ ଏଥିପାଇଁ କେତେ ଟଙ୍କା ବ୍ୟୟ ହୋଇଥିଲା ସେ ସମ୍ପର୍କରେ କିଛି ଜଣାପଡୁ ନାହଁ। ତେବେ ଲଗାଯାଇଥିବା ଗଛ ଗୁଡ଼ିକର ରକ୍ଷଣାବେକ୍ଷଣ ପାଇଁ ଆସୁଥିବା ଟଙ୍କା ସବୁ ହରିଲୁଟ କରାଯାଉଥିବା ନେଇ ଅଭିଯୋଗ ହୋଇଛି। ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଇ ଅଭିଯୋଗ ର ଉଚ୍ଚ ସ୍ତରୀୟ ତଦନ୍ତ ସହ ରାସ୍ତା କଡ଼ରେ ପୁଣି ବୃକ୍ଷ ରୋପଣ କରିବାକୁ ଦାବି ହୋଇଛି। ଏହା ସହ ଗ୍ରାମାଞ୍ଚଳ ରେ ରହିଥିବା ବୃକ୍ଷ ଗୁଡିକର ରକ୍ଷଣା ବେକ୍ଷଣ ପାଇଁ ସଚେତନତା ସୃଷ୍ଟି କରାଯିବାକୁ ଅଞ୍ଚଳବାସୀ ଦାବି କରିଛନ୍ତି।