ଜାତୀୟ ଖାଉଟି ଦିବସ ପାଳିତ

ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ପାରଳାଖେମୁଣ୍ଡି ସ୍ଥିତ ୟୁ ଟେକ୍ କମ୍ପ୍ୟୁଟର ଶିକ୍ଷା କେନ୍ଦ୍ର ଠାରେ ଗ୍ରାହକ ପଞ୍ଚାୟତ , ଗଜପତି ତରଫରୁ ଜାତୀୟ ଖାଉଟି ଦିବସ ପାଳିତ ହୋଇଯାଇଛି। ଉକ୍ତ ସଚେତନ ସଭାରେ ଏକ ଶହରୁ ଅଧିକ ସଚେତନ ଗ୍ରାହକ ଭାଗ ନେଇଥିଲେ।
ଉକ୍ତ ସଭାରେ ଗ୍ରାହକ ପଞ୍ଚାୟତର ସଭାପତି ହରି ମୋହନ ପଟ୍ଟନାୟକଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ଏଲ.ଆଇ.ସି ର ଶାଖା ପରିଚାଳକ ଦୀପ ନାରାୟଣ ମିତ୍ର , ମୁଖ୍ୟବକ୍ତା ଭାବେ ଡ଼ ଭୁବନେଶ୍ୱର ପଟ୍ଟନାୟକ ଯୋଗଦେଇ ଥିବା ବେଳେ ଗ୍ରାହକ ପଞ୍ଚାୟତର ସମ୍ପାଦକ ଡ. ମଧୁସୂଦନ ନାୟକ , ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ।
ସଙ୍ଘଠନର ସମ୍ପାଦକ ବିଘ୍ନରାଜ ପଣ୍ଡା ଉକ୍ତ ସଭାରେ ବ୍ୟାଙ୍କିଙ୍ଗ ଲୋକପାଳ , ବୀମା ଲୋକ ପାଳଙ୍କ କାର୍ଯ୍ୟ ଉପରେ ସମୀକ୍ଷା କରାଯାଇଥିଲା।
ଏହା ସହ ବୀମା ସପ୍ତାହ, ସାମୁହିକ ବୀମା ଇତ୍ୟାଦି ଉପରେ ଆଲୋକପାତ କରାଯାଇଥିଲା। ଏହା ସହ ଏଲ ଆଇ ସି ଓ ଏସ ବି ଆଇ ଦ୍ୱାରା ଚାଳିତ ସାମୁହିକ ବୀମାର ବ୍ୟବସ୍ଥା ଉପରେ ଆଲୋଚନା କରାଯାଇଥିଲା। ଏତଦ ବ୍ୟତୀତ ଫୋନ ମାଧ୍ୟମରେ ଗ୍ରାହକ ମାନଙ୍କୁ ଏ.ଟି.ଏମ୍ ଓ ଗ୍ୟାସ ସମ୍ବନ୍ଧିୟ ଲୋକଙ୍କୁ ହଇରାଣ ହରକତ ବିଷୟ ନେଇ ଆଲୋକପାତ କରାଗଲା।
ଉକ୍ତ କାର୍ଯ୍ୟକ୍ରମକୁ ରାମ ଚନ୍ଦ୍ର ଦାସ , ଲୋକ ନାଥ ମିଶ୍ର , ଜୟ କୃଷ୍ଣ ପଟ୍ଟନାୟକ ପରିଚାଳନା କରିଥିଲେ। ଶେଷରେ ଗ୍ରାହକ ପଞ୍ଚାୟତର ସଦସ୍ୟ ଉପସ୍ଥିତ ସମସ୍ତଙ୍କୁ ପ୍ରସାଦ ନାୟକ ଧନ୍ୟବାଦ ଅର୍ପଣ କରିଥିଲେ।
ଉକ୍ତ ସଚେତନ ସଭାରେ ଏକ ଶହରୁ ଅଧିକ ସଚେତନ ଗ୍ରାହକ ଭାଗ ନେଇଥିଲେ।