 ଆଗାମୀ ୩ ବର୍ଷ ପାଇଁ ତୁଲାଇବେ ଦାୟୀତ୍ୱ  ରାଜ୍ୟ ବିଜେପି ତରଫରୁ ଅଭିନନ୍ଦନ

ଭୁବନେଶ୍ୱର,(ଚକ୍ରଧର ମାଝି)  : ଭାରତ ସରକାରଙ୍କ ଇସ୍ପାତ ମନ୍ତ୍ରଣାଳୟ ତରଫରୁ ବିଜେପି ମହିଳା ମୋର୍ଚ୍ଚା ରାଜ୍ୟ ସଭାନେତ୍ରୀ ପ୍ରଭାତି ପରିଡାଙ୍କୁ ଏମଏସଟିସି ଲିମିଟେଡର ସ୍ୱତନ୍ତ୍ର ନିର୍ଦ୍ଦେଶିକା ଭାବେ ନିଯୁକ୍ତି ଦିଆଯାଇଛି । ଆଗାମୀ ୩ ବର୍ଷ ପାଇଁ ଶ୍ରୀମତୀ ପରିଡା ଏହି ଗୁରୁତ୍ୱପୂର୍ଣ୍ଣ ଦାୟୀତ୍ୱ ସମ୍ଭାଳିବେ ।

ଦେଶର ସମସ୍ତ ରାଷ୍ଟ୍ରାୟତ ଉଦ୍ୟୋଗ କଂପାନୀ ତାଲିକାରେ ଏମଏସଟିସି ଲିମିଟେଡ “ମିନିରତ୍ନ” ଉଦ୍ୟୋଗର ମାନ୍ୟତା ପାଇଛି । ବିଭିନ୍ନ ଇସ୍ପାତ ଶିଳ୍ପ ସଂସ୍ଥାମାନଙ୍କୁ କଂଚାମାଲ ଯୋଗାଇବାରେ ଏହି କଂପାନୀ ପ୍ରମୁଖ ଭୂମିକା ଗ୍ରହଣ କରିଥାଏ । ଏହି ନିଯୁକ୍ତି ପାଇବା ପରେ ଶ୍ରୀମତୀ ପରିଡା ଅତ୍ୟନ୍ତ ଖୁସି ବ୍ୟକ୍ତ କରିବା ସହ ତାଙ୍କ ପ୍ରତି ଆସ୍ଥା ପ୍ରକଟ କରିଥିବା କାରଣରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି, କେନ୍ଦ୍ର ଇସ୍ପାତ ମନ୍ତ୍ରୀ ଚୈାଧୁରୀ ବିରେନ୍ଦ୍ର ସିଂ ଏବଂ କେନ୍ଦ୍ର ଇସ୍ପାତ ରାଷ୍ଟ୍ରମନ୍ତ୍ରୀ ଶ୍ରୀ ବିଷ୍ନୁଦେଓ ସାଏଙ୍କୁ କୃତଜ୍ଞତା ଜ୍ଞାପନ କରିଛନ୍ତି । ଏହା ସହ ରାଜ୍ୟ ସଭାପତି ବସନ୍ତ ପଣ୍ଡା, କେନ୍ଦ୍ରମନ୍ତ୍ରୀ ଜୁଏଲ ଓରାମ ଏବଂ ଧର୍ମେନ୍ଦ୍ର ପ୍ରଧାନଙ୍କୁ ଧନ୍ୟବାଦ ଜଣାଇଛନ୍ତି | ଏହି ନୂତନ ଦାୟୀତ୍ୱ ମିଳିବା ପରେ ରାଜ୍ୟ ବିଜେପି ତରଫରୁ ଶ୍ରୀମତି ପରିଡାଙ୍କୁ ଅଭିନନ୍ଦନ ଜ୍ଞାପନ କରାଯାଇଛି ।