ମାନବ ଚାଲାଣ ରୋକିବା , ମହିଳା ଓ ଶିଶୁ ସୁରକ୍ଷା ଦେବାରେ ସମସ୍ତ ବିଭାଗର ଗୁରୁତ୍ୱପୂର୍ଣ୍ଣ ଭୂମିକା ଦିଗରେ ଏକ ଆଲୋଚନା ଚକ୍ର

ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ବିଶ୍ୱ ମାନବ ଚୋରାଚାଲାଣ ବିରୋଧୀ ଦିବସ ଅବସରରେ “ସଖୀ” ୱାନ୍ ଷ୍ଟପ୍ ସେଣ୍ଟର (ଆଇଏସଆରଡି), ଗଜପତି ଏବଂ ଜିଲ୍ଲା ପ୍ରଶାସନ, ଗଜପତି , ମହିଳା ଓ ଶିଶୁ ବିକାଶ ବିଭାଗ , ଓଡ଼ିଶା ସରକାରଙ୍କ ସହଯୋଗରେ ଗଜପତି ଜିଲ୍ଲା ଆର୍. ଉଦୟଗିରି ବ୍ଲକ ସମ୍ମିଳନୀ କକ୍ଷ ଠାରେ ଏକ କାର୍ମଶାଳା ଅନୁଷ୍ଠିତ ହୋଇଛି।
କାର୍ଯ୍ୟକ୍ରମରେ ଗଜପତି ଜିଲ୍ଲା ଅଦାଲତର ପବ୍ଲିକ ପ୍ରସିକ୍ୟୁଟର ଶ୍ରୀ ରାଜେଶ କୁମାର ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ମାନବ ଚୋରାଚାଲାଣ ରୋକିବା ପାଇଁ ଆଇନର କଠୋର ପ୍ରୟୋଗ ସହ ସମସ୍ତ ବିଭାଗର ସମନ୍ୱିତ ପ୍ରୟାସର ଆବଶ୍ୟକତା ଉପରେ ଆଲୋକପାତ କରିଥିଲେ।
୩୦ ଜୁଲାଇରେ ବିଶ୍ୱ ମାନବ ଚାଲାଣ ବିରୋଧୀ ଦିବସ ପାଳନ କରାଯାଉଛି , ୨୦୨୬ ଅଭିଯାନର ବିଷୟବସ୍ତୁ “ଟ୍ରାପ୍ଡ୍ ବିହାଇଣ୍ଡ୍ ଦି ସ୍କାମ୍”। ଲକ୍ଷ୍ୟ ହେଉଛି ସାଇବର-ସକ୍ଷମ ଆର୍ଥିକ ଠକେଇ , ବଳପୂର୍ବକ ଅପରାଧ ଏବଂ ଶିଳ୍ପ-ସ୍ତରର ଠକେଇ ଯୌଗିକ ସହିତ ଜଡିତ ମାନବ ଚାଲାଣର ଚିନ୍ତାଜନକ ବୃଦ୍ଧି ବିଷୟରେ ବିଶ୍ୱବ୍ୟାପୀ ସଚେତନତା ବୃଦ୍ଧି କରିବା। ମୁଖ୍ୟ ଉଦ୍ଦେଶ୍ୟ ନୂତନ କାର୍ଯ୍ୟ ପ୍ରଣାଳୀର ପର୍ଦ୍ଦାଫାଶ : କିପରି ଆନ୍ତର୍ଜାତୀୟ ସଂଗଠିତ ଅପରାଧ ଗୋଷ୍ଠୀଗୁଡ଼ିକ ନକଲି ଚାକିରି ବିଜ୍ଞାପନ ଏବଂ ପ୍ରତାରଣାମୂଳକ ନିଯୁକ୍ତି ପ୍ରତିଶ୍ରୁତି ବ୍ୟବହାର କରି ପୀଡିତମାନଙ୍କୁ ବେଆଇନ ଅନଲାଇନ୍ ଠକେଇ କାର୍ଯ୍ୟରେ ପ୍ରଲୋଭିତ କରନ୍ତି ତାହା ଉପରେ ଆଲୋକପାତ କରିବା।
ବଞ୍ଚିଥିବା ବ୍ୟକ୍ତି-କେନ୍ଦ୍ରିତ ସୁରକ୍ଷାକୁ ପ୍ରୋତ୍ସାହିତ କରିବା : ବାଧ୍ୟତାମୂଳକ ଅପରାଧର ଶିକାରମାନଙ୍କୁ ଅପରାଧୀ ଭାବରେ ଦଣ୍ଡିତ କରିବା ପରିବର୍ତ୍ତେ ବଞ୍ଚିଥିବା ବ୍ୟକ୍ତି ଭାବରେ ବ୍ୟବହାର କରିବା ପାଇଁ ଓକିଲାତି କରିବା।
ଆଇନଗତ ଏବଂ ଆଇନ ପ୍ରବର୍ତ୍ତନ ପ୍ରତିକ୍ରିୟାକୁ ସୁଦୃଢ଼ କରିବା : ସାଇବର-ଚାଲାଣ ନେଟୱାର୍କଗୁଡ଼ିକୁ ଭାଙ୍ଗିବା ପାଇଁ ଦୃଢ଼ ସୀମାପାର ସହଯୋଗ ଏବଂ ଅନ୍ତର୍ଜାତୀୟ ଢାଞ୍ଚାର ବ୍ୟବହାରକୁ ଉତ୍ସାହିତ କରିବା।
ଚିହ୍ନଟକୁ ଉନ୍ନତ କରିବା : ଡିଜିଟାଲ୍ ଏବଂ ଠକେଇ-ଆଧାରିତ ଶୋଷଣର ସୂଚକଗୁଡ଼ିକୁ ସଠିକ୍ ଭାବରେ ଚିହ୍ନଟ କରିବା ପାଇଁ ଆଗ ଧାଡିର କର୍ମୀ ଏବଂ କର୍ତ୍ତୃପକ୍ଷଙ୍କ କ୍ଷମତା ବୃଦ୍ଧି କରିବା ଆଦି ବିଷୟରେ ସମ୍ମାନିତ ଅତିଥି ଭାବେ ଶ୍ରୀ ରାକେଶ ସାହୁ , ଆଇପିଏସ , ଏସଡିପିଓ ଶ୍ରୀମତୀ କଳ୍ପଲତା ପ୍ରଧାନ , ଆଇଆଇସି , ଆର୍. ଉଦୟଗିରି , ଶ୍ରୀମତୀ ସରଳା ପାତ୍ର , ପ୍ରୋଟେକ୍ସନ ଅଫିସର , ଡିଏସଡବ୍ଲୁଓ କାର୍ଯ୍ୟାଳୟ , ଶ୍ରୀ ଅମିୟ କୁମାର ତ୍ରିପାଠୀ , ଅଧ୍ୟକ୍ଷ, ଶିଶୁ କଲ୍ୟାଣ କମିଟି (ସିଡବ୍ଲ୍ୟୁସି) , ଶ୍ରୀ ନାଗେଶ୍ୱର ଚୌଧୁରୀ , ସଦସ୍ୟ, ସିଡବ୍ଲ୍ୟୁସି , ଶ୍ରୀ ଜୟ ପ୍ରକାଶ ବାଡତ୍ୟା, ଲିଗାଲ ପ୍ରୋବେସନ ଅଫିସର (ଡିସିପିୟୁ) ଏବଂ ଶ୍ରୀମତୀ ଶିବାନୀ ପାଣିଗ୍ରାହୀ , ଡିସିସି, ଓଏଲଏମ (ପିସିଆଇ), ଶ୍ରୀ ଲୋରେମାନ ରାଇକା, ବିଡିଓ, ଆର୍. ଉଦୟଗିରି ଆଲୋଚନା ରଖିଥିଲେ।
କାର୍ଯ୍ୟକ୍ରମରେ “ସଖୀ” ୱାନ୍ ଷ୍ଟପ୍ ସେଣ୍ଟର , ଗଜପତିର କେନ୍ଦ୍ର ପ୍ରଶାସିକା ଶ୍ରୀମତୀ ସୁନୀତା ରଥ ସଭାପତିତ୍ୱ କରିବା ସହ ସ୍ୱାଗତ ଭାଷଣ ପ୍ରଦାନ କରିଥିଲେ। ମାନବ ଚୋରାଚାଲାଣ ସମ୍ବନ୍ଧୀୟ ଏକ କେସ୍ ଷ୍ଟଡି ଉପସ୍ଥାପନା କରାଯାଇ ଉଦ୍ଧାର , ଆଇନଗତ ସହାୟତା , ପୁନର୍ବାସ ଓ ବିଭିନ୍ନ ବିଭାଗର ଭୂମିକା ଉପରେ ବିସ୍ତୃତ ଆଲୋଚନା ହୋଇଥିଲା।
ଏହି କାର୍ଯ୍ୟକ୍ରମରେ ଆର୍. ଉଦୟଗିରି , ରାମଗିରି , ମୋହନା , ଅଡ଼ବା , ଚନ୍ଦ୍ରଗିରି ଓ ନୂଆଗଡ଼ ଥାନାର ପୋଲିସ ଅଧିକାରୀ , ଆମ ପୋଲିସ ସମିତି ସଦସ୍ୟ , ଅଙ୍ଗନୱାଡ଼ି କର୍ମୀ , ଏମ୍‌ବିକେ , ଜିସିଆରପି , ବିଭିନ୍ନ ବିଭାଗର ପ୍ରତିନିଧି , “ସଖୀ” ୱାନ୍ ଷ୍ଟପ୍ ସେଣ୍ଟରର କର୍ମଚାରୀ ମଧୁସ୍ମିତା ପାଢ଼ୀ , ଶିବାନୀ ସାମନ୍ତ , ଟି. ସୁରେଶ କୁମାର , ଦିବ୍ୟ କୁମାର ସୁଆର , ମୋହିନୀ ପ୍ରଧାନ , ସୁନୀତା ବେହେରା , ମୋନାଲିସା ବେହେରା , ମହେଶ୍ୱର ନାୟକ , ହରିକୃଷ୍ଣ ଚୌଧୁରୀ ଏବଂ ଆଇଏସଆରଡି ପରିବାରର ସମସ୍ତ ସଦସ୍ୟ ଉପସ୍ଥିତ ଥିଲେ।
ଶେଷରେ ଶ୍ରୀମତୀ ମଧୁସ୍ମିତା ପାଢ଼ୀ ଧନ୍ୟବାଦ ଜ୍ଞାପନ କରିଥିଲେ। କାର୍ଯ୍ୟକ୍ରମରେ ମାନବ ଚୋରାଚାଲାଣ ବିରୋଧରେ ସମସ୍ତେ ମିଳିତ ଭାବେ ସଚେତନତା ସୃଷ୍ଟି କରି ସମାଜରେ ମହିଳା ଓ ଶିଶୁଙ୍କ ସୁରକ୍ଷା ଓ ଅଧିକାର ସୁନିଶ୍ଚିତ କରିବାକୁ ସଂକଳ୍ପ ନେଇଥିଲେ।