ଶିଶୁମାନଙ୍କ ମଧ୍ୟରେ ଜଗନ୍ନାଥ ସଂସ୍କୃତି ଓ ସ୍ୱାସ୍ଥ୍ୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ

ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଶ୍ରୀଜଗନ୍ନାଥ ସଂସ୍କୃତିର ପ୍ରସାର ସହ ପିଲାମାନଙ୍କ ମଧ୍ୟରେ ସ୍ୱାସ୍ଥ୍ୟ ଓ ସ୍ୱଚ୍ଛତାର ବାର୍ତ୍ତା ବାଣ୍ଟିବା ଉଦ୍ଦେଶ୍ୟରେ ଏକ ସ୍ୱତନ୍ତ୍ର ଶିଶୁ ବିକାଶ କାର୍ଯ୍ୟକ୍ରମ ସ୍ଥାନୀୟ ଆର୍ବନ ହଷ୍ଟେଲ ଠାରେ ବାଳ-ମୁକୁନ୍ଦ କେନ୍ଦ୍ର ତରଫରୁ ସଂଯୋଜକ ନିତ୍ୟାନନ୍ଦ ଚୌଧୁରୀଙ୍କ ଦ୍ୱାରା ଅନୁଷ୍ଠିତ ହୋଇଯାଇଛି।
ପିଲାମାନଙ୍କୁ ଶ୍ରୀଜୀଉମାନଙ୍କ ଗୁପ୍ତ ନୀତି ଓ ଉପଚାର ବିଷୟରେ ଅବଗତ କରାଯାଇଥିଲା। ମହାପ୍ରଭୁ ଅସୁସ୍ଥ ହେବା ପରେ କିଭଳି ଜଡ଼ିବୁଟି, ପଥ୍ୟ ଏବଂ ସମ୍ପୂର୍ଣ୍ଣ ବିଶ୍ରାମ ମାଧ୍ୟମରେ ସୁସ୍ଥ ହୁଅନ୍ତି, ତାହାକୁ ଆଧାର କରି ପିଲାମାନଙ୍କୁ ସ୍ୱାସ୍ଥ୍ୟ ରକ୍ଷାର ଗୁରୁତ୍ୱ ବୁଝାଯାଇଥିଲା।
‎​ଏହାସହ ଜୀବନରେ ସ୍ୱଚ୍ଛତାର ଆବଶ୍ୟକତା ଏବଂ ଆଧ୍ୟାତ୍ମିକତା ସହ ଏହାର ନିବିଡ଼ ସମ୍ପର୍କ ଉପରେ ଶିଶୁମାନଙ୍କୁ ସଚେତନ କରାଯାଇଥିଲା। କାର୍ଯ୍ୟକ୍ରମରେ ପିଲାମାନେ ଉତ୍ସାହର ସହ ଭାଗ ନେଇ ଜଗନ୍ନାଥ ସଂସ୍କୃତିର ମୂଲ୍ୟବୋଧ ଏବଂ ନିଜକୁ ସୁସ୍ଥ ରଖିବାର ସଂକଳ୍ପ ନେଇଥିଲେ।