ଦାସପୁର ଗ୍ରାମ ରେ ଜନ ଅଭିଯୋଗ ଶୁଣାଣୀ ରେ ସମସ୍ତ ଗୁହାରି ଶୁଣିଲେ ବିଧାୟକ

 ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ଗୋଷାଣୀ ବ୍ଲକ ଅନ୍ତର୍ଗତ ରମ୍ପା ପଞ୍ଚାୟତ ର ଦାସପୁର ଗ୍ରାମ ଠାରେ ଜନ ଅଭିଯୋଗ ଶୁଣାଣୀ ଅନୁଷ୍ଠିତ ହୋଇଯାଇଛି ।
ମାନ୍ୟବର ପାରଳା ବିଧାୟକ ରୁପେଶ ପାଣିଗ୍ରାହୀ ଅଭିଯୋଗ ଶୁଣାଣୀ ରେ ଯୋଗଦେଇ ସମୁଦାୟ ୨୩ ଗୋଟିଅଭିଯୋଗ ଶୁଣିଥିଲେ। ସେଥି ମଧ୍ୟରୁ ବ୍ୟକ୍ତିଗତ ସମସ୍ୟା , ଗ୍ରାମ ଭିତ୍ତିକ ସମସ୍ୟା , ରାସନ୍ କାର୍ଡ , ଗୃହ ନିର୍ମାଣ , ଶିକ୍ଷା , ଜଳ ସେଚତାନ , ରାସ୍ତା , ନାଳ ଓ ସ୍ଵାସ୍ଥ୍ୟ ସମସ୍ୟା ସହ ବିଭିନ୍ନ ସମସ୍ୟା ନେଇ ଅଭିଯୋଗ ଆସିଥିଲା। ବିଧାୟକ ତୁରନ୍ତ ଏନେଇ ଗୋଷ୍ଠୀ ଉନ୍ନୟନ ଅଧିକାରୀ ଗୌର ଚନ୍ଦ୍ର ପଟ୍ଟନାୟକ ଙ୍କୁ ଫୋନ୍ ମାଧ୍ୟମ ରେ ଶୀଘ୍ର ଏସବୁ କାର୍ଯ କରିବା ପାଇଁ ଆଦେଶ ଦେଲେ । ଦାସପୁର ଗ୍ରାମ ର ରାସ୍ତା ପାଇଁ ଦୀର୍ଘ ୧୫ ବର୍ଷ ହେବ ଦାବି କରିଆସୁଥିଲେ ଗ୍ରାମ ବାସି କିନ୍ତୁ ଆଜି ପର୍ଯ୍ୟ ନ୍ତ ପକା ରାସ୍ତା ନିର୍ମାଣ ହୋଇପାରିନାହିଁ। ଏହି ରାସ୍ତା ପଞ୍ଚାୟତ ରହିଛି ତୁରନ୍ତ ଆରଡି ଡିପାର୍ମେଣ୍ଟ ହସ୍ତାନ୍ତ କରି ତୁରନ୍ତ କାର୍ଯ୍ୟ କରାଯିବ ବୋଲି ବିଧାୟକ ପ୍ରତିଶ୍ରୁତି ଦେଇଛନ୍ତି। ଏହି ଜନ ଅଭିଯୋଗ ଶୁଣାଣୀ ରେ ବିଧାୟକ ସମେତ ଗୋଷାଣୀ ବ୍ଲକ ଅଧ୍ୟକ୍ଷ ଏନ୍ ବିରରାଜୁ , ବରିଷ୍ଠ ନେତା ଗଜପତି ରାଓ ସ୍ଥାନୀୟ ସରପଞ୍ଚ , ପୁର୍ବତନ ସରପଞ୍ଚ କ୍ରିଷ୍ଣା ରାଓ , ସମିତି ପ୍ରମୁଖ ଉପସ୍ଥିତ ଥିଲେ।