ସମାଧାନ ସମାରୋହ-୨୦୨୬ ( ବିଶେଷ ଲୋକ ଅଦାଲତ)

 ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ସମସ୍ତ ଅଧିବକ୍ତା , ମକଦ୍ଦମାକାରୀ ଓ ସାଧାରଣ ଜନସାଧାରଣଙ୍କୁ ଏହିମାଧ୍ୟମରେ ସୂଚିତ କରାଯାଉଛି ଯେ, ‘ସହଭାଗୀ ନ୍ୟାୟ’ ଓ ‘ଲୋକଙ୍କ ନିକଟରେ ନ୍ୟାୟିକ ସେବା’କୁ ପ୍ରୋତ୍ସାହନ ଦେବା ନିମନ୍ତେ ଭାରତର ସର୍ବୋଚ୍ଚ ନ୍ୟାୟାଳୟଙ୍କ ପକ୍ଷରୁ “ସମାଧାନ ସମାରୋହ -୨୦୨୬” ଆୟୋଜିତ ହେଉଛି।
ଏହି କାର୍ଯ୍ୟକ୍ରମ ୨୧ ଏପ୍ରିଲ ୨୦୨୬ ରୁ ଆରମ୍ଭ ହୋଇ ୨୧ , ୨୨ , ଓ ୨୩ ଅଗଷ୍ଟ ୨୦୨୬ ରେ ବିଶେଷ ଲୋକ ଅଦାଲତ ଆୟୋଜନ ସହିତ ସମାପ୍ତ ହେବ। ଏହାର ଉଦ୍ଦେଶ୍ୟ ସର୍ବୋଚ୍ଚ ନ୍ୟାୟାଳୟରେ ବିଚାରାଧୀନ ମାମଲାମାନଙ୍କୁ ସହମତି
ଆଧାରିତ ଭାବରେ ସୌହାର୍ଦ୍ଦପୂର୍ଣ୍ଣ ଭାବେ ସମାଧାନ କରିବା। ଇଚ୍ଛୁକ ପକ୍ଷମାନେ ଓ ସେମାନଙ୍କର ଅଧିବକ୍ତାମାନେ ନିମ୍ନୋକ୍ତ ଗୁଗୁଲ୍ ଫର୍ମ ମାଧ୍ଯମରେ ୩୧ ମଇ, ୨୦୨୬ ସୁଧା ଆବେଦନ କରିପାରିବେ।
ଗୁଗୁଲ୍ ଫର୍ମ ଲିଙ୍କ : https://forms.gle/jqxefqF4BCWzukoP6
ଏହି ଫର୍ମଟି www.sci.gov.in ରେ ମଧ୍ୟ ଉପଲବ୍ଧ।
ସହାୟତା ପାଇଁ ଯୋଗାଯୋଗ : ଫୋନ୍ : ୦୧୧-୨୩୧୧୨୪୨୮, ୦୧୧-୨୩୧୧୨୫୨୮
ଲ୍ୟାଣ୍ଡଲାଇନ : 011-23116464 , 011-23116465
ନିର୍ଦ୍ଦେଶକ (ସି.ଆର୍.ପି.): 011-23115652
ଇମେଲ୍ : [email protected]
ପକ୍ଷମାନେ ସେମାନଙ୍କ ବିବାଦର ସମାଧାନ ପାଇଁ ଉଭୟ ବ୍ୟକ୍ତିଗତ ଭାବେ କିମ୍ବା ଅନଲାଇନ୍ ପ୍ଲାଟଫର୍ମରେ ଆଭାସୀ ମାଧ୍ୟମରେ ଉପସ୍ଥିତ ରହିପାରିବେ। ଏହି ପଦକ୍ଷେପ ଅଧୀନରେ ବିବାଦର ପ୍ରଭାବଶାଳୀ ସମାଧାନରେ ସମସ୍ତ ଅଧିବକ୍ତା , ମକଦ୍ଦମାକାରୀ ଏବଂ ଅଂଶୀଦାର ମାନଙ୍କୁ ସକ୍ରିୟ ଭାବରେ ଅଂଶଗ୍ରହଣ କରିବାକୁ ଏବଂ ସହଯୋଗ କରିବାକୁ ଅନୁରୋଧ କରାଯାଇଛି।