ମାଲକାନଗିରି ରୁ ସୁରେନ୍ଦ୍ର କୁମାର ବେମାଳ: ମାଲକାନଗିରି ଜିଲ୍ଲାର ଏମଭି-79 ଅଞ୍ଚଳରେ ବେଆଇନ ବାଲି ଚାଲାଣ ଉପରେ ପୋଲିସର କଡା କାର୍ଯ୍ୟାନୁଷ୍ଠାନ। ଏମଭି-79 ପୋଲିସ ପକ୍ଷରୁ ହଠାତ୍ ଚଢ଼ାଉ କରାଯାଇ ୪ଟି ଗାଡିକୁ ଜବତ କରାଯାଇଛି। ସୂଚନା ଅନୁସାରେ, ନଦୀରୁ ବେଆଇନ ଭାବରେ ବାଲି ଉତ୍ତୋଳନ କରି ଚାଲାଣ କରାଯାଉଥିବା ବେଳେ ପୋଲିସ ଟିମ୍ ମାଢ଼ି ବସିଥିଲା। ଏହି ଚଢ଼ାଉ ସମୟରେ ବାଲି ଭର୍ତ୍ତି ୪ଟି ଯାନକୁ ଜବତ କରାଯାଇଥିବା ବେଳେ ଚାଳକମାନେ ପଳାଇବାରେ ସଫଳ ହୋଇଥିବା ଖବର ମିଳିଛି।
ଏହି ବେଆଇନ ବାଲି ଚାଲାଣ ଦୀର୍ଘଦିନ ଧରି ଚାଲିଆସୁଥିବା ବେଳେ ସ୍ଥାନୀୟ ଲୋକଙ୍କ ଅଭିଯୋଗ ପରେ ପୋଲିସ ଏହି କଡା ପଦକ୍ଷେପ ନେଇଛି। ଜବତ ହୋଇଥିବା ଯାନଗୁଡ଼ିକୁ ଥାନାକୁ ଆଣାଯାଇ ଆଗାମୀ ତଦନ୍ତ ଜାରି ରହିଛି।
ପୋଲିସ ପକ୍ଷରୁ କୁହାଯାଇଛି ଯେ, ଏପରି ବେଆଇନ କାରବାର ଉପରେ ଆଗାମୀ ଦିନରେ ଆହୁରି କଡା କାର୍ଯ୍ୟାନୁଷ୍ଠାନ ଜାରି ରହିବ।