ବେଦାନ୍ତ ଆଲୁମିନିୟମ ଝାରସୁଗୁଡାରେ ଫାଇଲେରିଆ ସଚେତନତା ଅଭିଯାନ ଆୟୋଜନ କରିଛି

ଝାରସୁଗୁଡା: ଭାରତର ସର୍ବବୃହତ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମ ଝାରସୁଗୁଡା ଜିଲ୍ଲା ପ୍ରଶାସନ ସହିତ ମିଳିତ ଭାବରେ ଏକ ୧୦ ଦିନିଆ ଫାଇଲେରିଆ ସଚେତନତା ସ୍ୱାସ୍ଥ୍ୟ ଅଭିଯାନ ଆୟୋଜନ କରିଥିଲା, ଯାହା ଜିଲ୍ଲା ସାରା ପ୍ରାୟ ୨.୭ ଲକ୍ଷ ଲୋକଙ୍କ ପାଖରେ ପହଂଚିପରିଥିଲା। ଏହି କ୍ଷେତ୍ରରେ ଫାଇଲେରିଆର ମୁକାବିଲା ପାଇଁ ସମ୍ପ୍ରଦାୟର ଅଂଶଗ୍ରହଣ ଏବଂ ଜନସ୍ୱାସ୍ଥ୍ୟ ସଚେତନତାକୁ ଏକତ୍ରିତ କରିବାରେ କମ୍ପାନୀର ପ୍ରୟାସ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା।
ଏହି ପଦକ୍ଷେପର ଲକ୍ଷ୍ୟ ଥିଲା ଫାଇଲେରିଆ, ଏକ ଗମ୍ଭୀର ଭେକ୍ଟର-ବାହିତ ଉଷ୍ଣକଟିବନ୍ଧୀୟ ରୋଗ ଯାହା ବର୍ଷା ଋତୁରେ ଦ୍ରୁତ ଗତିରେ ବ୍ୟାପିଥାଏ, ତାହାର ପ୍ରତିରୋଧ ଏବଂ ଚିକିତ୍ସା ଉପରେ ସଚେତନତା ବୃଦ୍ଧି କରିବା। ଜିଲ୍ଲାର ପ୍ରମୁଖ ସ୍ଥାନରେ ସଚେତନତା ଶିବିର ଏବଂ ଫାଇଲେରିଆ ଉପରେ ଶିକ୍ଷାଗତ ସୂଚନା ପ୍ରସାରଣ କରୁଥିବା ଏକ ସଚେତନତା ରଥନିୟୋଜନ ସହିତ ବିଭିନ୍ନ ପ୍ରକାରର କାର୍ଯ୍ୟକଳାପ କରାଯାଇଥିଲା। ଜିଲ୍ଲାର ସମସ୍ତ ପାଂଚଟି ବ୍ଲକକୁ କଭର କରି, ରଥ ସାର୍ବଜନୀନ ଘୋଷଣା ପ୍ରଣାଳୀ ଏବଂ ମୁଦ୍ରିତ ସାମଗ୍ରୀ ମାଧ୍ୟମରେ ପ୍ରମୁଖ ସ୍ୱାସ୍ଥ୍ୟ ବାର୍ତା ପ୍ରଦାନ କରିଥିଲା। ଏହି ପ୍ରୟାସରେ ବେଦାନ୍ତ କର୍ମଚାରୀ, ସମ୍ପ୍ରଦାୟ ସଦସ୍ୟ, ସ୍ଥାନୀୟ ନେତା ଏବଂ ସ୍ୱାସ୍ଥ୍ୟ କର୍ମୀଙ୍କ ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା, ଯାହା ଏହାକୁ ସାମୁହିକ ସ୍ୱାସ୍ଥ୍ୟକୁ ସୁଦୃଢ଼ କରିବା ପାଇଁ ଏକ ସମୟୋଚିତ ଏବଂ ପ୍ରଭାବଶାଳୀ ପଦକ୍ଷେପ କରିଥିଲା।
ଶ୍ରୀଯୁକ୍ତ ବ୍ରଜବନ୍ଧୁ ଭୋଇ (ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ୍ – ଜେନେରାଲ), ଡକ୍ଟର ଏଲ.କେ. କର୍ମୀ (ଅତିରିକ୍ତ ଜିଲ୍ଲା ଚିକିତ୍ସା ଏବଂ ଜନସ୍ୱାସ୍ଥ୍ୟ ଅଧିକାରୀ ଇନ-ଚାର୍ଜ), ଏବଂ ଡକ୍ଟର ରାଧା ରମଣ ଭିର୍ତିଆ (ଅତିରିକ୍ତ ଜିଲ୍ଲା ଜନସ୍ୱାସ୍ଥ୍ୟ ଅଧିକାରୀ) ସମେତ ଅନେକ ବିଶିଷ୍ଟ ବ୍ୟକ୍ତି ଉପସ୍ଥିତିରେ ଝାରସୁଗୁଡାର ରିଜର୍ଭ ପୋଲିସ ଗ୍ରାଉଣ୍ଡରେ ଏହି ଅଭିଯାନର ଶୁଭାରମ୍ଭ କରାଯାଇଥିଲା। ଏହି କାର୍ଯ୍ୟକ୍ରମରେ ସମ୍ମାନିତ ବ୍ୟକ୍ତିମାନେ ଫାଇଲେରିଆ ରୋଗର ପ୍ରସାରକୁ ରୋକିବା ପାଇଁ ସକ୍ରିୟ ଫାଇଲେରିଆ ନିବାରଣ ଏବଂ ସମୟୋଚିତ ଔଷଧ ସେବନର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ।
ଏହି ପଦକ୍ଷେପର ପ୍ରଭାବ ବିଷୟରେ ନିଜର ମତାମତ ଦେଇ ବେଦାନ୍ତ ଆଲୁମିନିୟମର ସିଓଓ ଶ୍ରୀଯୁକ୍ତ ସୁନୀଲ ଗୁପ୍ତା କହିଛନ୍ତି, “ବେଦାନ୍ତ ଆଲୁମିନିୟମରେ, ଆମେ ସାମୁହିକ କଲ୍ୟାଣ ସହିତ ଶିଳ୍ପ ଅଭିବୃଦ୍ଧିକୁ ସମନ୍ୱୟ କରିବାରେ ବିଶ୍ୱାସ କରୁ। ଜିଲ୍ଲା ପ୍ରଶାସନ ସହିତ ସହଭାଗୀତାରେ, ଫାଇଲେରିଆ ସଚେତନତା ଅଭିଯାନ କିପରି ସାମୂହିକ କାର୍ଯ୍ୟ ସାର୍ବଜନୀନ ସ୍ୱାସ୍ଥ୍ୟରେ ପରିବର୍ତନକାରୀ ପ୍ରଭାବ ପକାଇପାରେ ତାହା ଦର୍ଶାଏ। ସୁସ୍ଥ ଏବଂ ଅଧିକ ସ୍ଥିର ସମ୍ପ୍ରଦାୟ ଗଠନ କରୁଥିବା ପଦକ୍ଷେପଗୁଡ଼ିକୁ ସମର୍ଥନ କରିବାକୁ ଆମେ ଦୃଢ ଭାବରେ ପ୍ରତିବଦ୍ଧ।”
ଝାରସୁଗୁଡାର ଅତିରିକ୍ତ ଜିଲ୍ଲା ଜନସ୍ୱାସ୍ଥ୍ୟ ଅଧିକାରୀ ଡକ୍ଟର ରାଧା ରମଣ ଭର୍ତିଆ ଆହୁରି କହିଛନ୍ତି, “ଅର୍ଥପୂର୍ଣ୍ଣ ପରିବର୍ତନ ଆଣିବା ପାଇଁ ଶିଳ୍ପ ଏବଂ ଜନସ୍ୱାସ୍ଥ୍ୟ ମଧ୍ୟରେ ସହଯୋଗ ଅତ୍ୟାବଶ୍ୟକ। ବିଶେଷକରି ସଚେତନତା ରଥ ମାଧ୍ୟମରେ ବେଦାନ୍ତର ଫାଇଲେରିଆ ସଚେତନତା ଅଭିଯାନରେ ସମର୍ଥନ ଆମକୁ ତୃଣମୂଳ ସ୍ତରରେ ଲୋକଙ୍କ ସହିତ ସଂଯୋଗ ସ୍ଥାପନ, ସଚେତନତା ବୃଦ୍ଧି ଏବଂ ଅଂଶଗ୍ରହଣକୁ ଉତ୍ସାହିତ କରିବାରେ ସାହାଯ୍ୟ କରିଛି। ଏହି ସହଯୋଗ ଜନସ୍ୱାସ୍ଥ୍ୟ ଉପରେ ଏକ ଅର୍ଥପୂର୍ଣ୍ଣ ପ୍ରଭାବ ପକାଇଛି ଏବଂ ସମ୍ପ୍ରଦାୟର ବିଶ୍ୱାସକୁ ସୁଦୃଢ଼ କରିଛି।”
ଏହିପରି ପଦକ୍ଷେପ ମାଧ୍ୟମରେ, ବେଦାନ୍ତ ତୃଣମୂଳ ସ୍ତରରେ ବିକାଶକୁ ପ୍ରୋତ୍ସାହିତ କରିଚାଲିଛି, ସ୍ଥାନୀୟ ସମ୍ପ୍ରଦାୟର ଜୀବନରେ ସକାରାତ୍ମକ ପରିବର୍ତନ ଆଣି ଏକ ସ୍ଥାୟୀ ଭବିଷ୍ୟତକୁ ପୋଷଣ କରୁଛି। ମହିଳା ଏବଂ ଶିଶୁ ବିକାଶ ଉପରେ ଧ୍ୟାନ ଦେଇ ଶିକ୍ଷା, ସ୍ୱାସ୍ଥ୍ୟସେବା, ଜୀବିକା ନିର୍ବାହ, ଦକ୍ଷତା ବିକାଶ, ତୃଣମୂଳ କ୍ରୀଡା, କଳା ଏବଂ ସଂସ୍କୃତି କ୍ଷେତ୍ରରେ ବେଦାନ୍ତର ସାମାଜିକ ହସ୍ତକ୍ଷେପ ଝାରସୁଗୁଡା ଏବଂ ଏହାର ଆଖପାଖରେ ପ୍ରାୟ ୮୦ ଟି ଗ୍ରାମ ପର୍ଯ୍ୟନ୍ତ ପହଂଚୁଛି, ଯାହା ପ୍ରତିବର୍ଷ ୩.୫ ଲକ୍ଷରୁ ଅଧିକ ଲୋକମାନଙ୍କୁ ଲାଭ ପହଂଚାଉଛି।
ବେଦାନ୍ତ ଲିମିଟେଡର ଏକ ବ୍ୟବସାୟ, ବେଦାନ୍ତ ଆଲୁମିନିୟମ୍‌, ଭାରତର ସର୍ବବୃହତ ଆଲୁମିନିୟମ୍ ଉତ୍ପାଦକ, ଯାହା ଭାରତର ଅଧାରୁ ଅଧିକ ଆଲୁମିନିୟମ୍ ଅର୍ଥାତ୍ ୨୫ ଆର୍ôଥକ ବର୍ଷରେ ୨.୪୨ ନିୟୁତ ଟନ୍ ଉତ୍ପାଦନ କରୁଛି। ଏହା ମୂଲ୍ୟଯୁକ୍ତ ଆଲୁମିନିୟମ ଉତ୍ପାଦରେ ଏକ ନେତା ଯାହା ମୁଖ୍ୟ ଶିଳ୍ପଗୁଡ଼ିକରେ ଗୁରୁତ୍ୱପୂର୍ଣ୍ଣ ପ୍ରୟୋଗ ପାଇଥାଏ। ଆଲୁମିନିୟମ ଶିଳ୍ପ ପାଇଁ ଏସଏଣ୍ଡପି ଗ୍ଲୋବାଲ୍ କର୍ପୋରେଟ୍ ସଷ୍ଟେନେବିଲିଟି ଆସେସମେଂଟ ୨୦୨୪ ବିଶ୍ୱ ରାଙ୍କିଂରେ ବେଦାନ୍ତ ଆଲୁମିନିୟମ ଦ୍ୱିତୀୟ ସ୍ଥାନରେ ଅଛି, ଯାହା ଏହାର ଅଗ୍ରଣୀ ସ୍ଥାୟୀ ବିକାଶ ଅଭ୍ୟାସର ପ୍ରତିଫଳନ। ଭାରତରେ ଏହାର ବିଶ୍ୱସ୍ତରୀୟ ଆଲୁମିନିୟମ ସ୍ମେଲଟର, ଆଲୁମିନା ରିଫାଇନାରୀ ଏବଂ ପାୱାର ପ୍ଲାଂଟ ସହିତ, କମ୍ପାନୀ ଏକ ସବୁଜ ଆସନ୍ତାକାଲି ପାଇଁ ‘ଭବିଷ୍ୟତର ଧାତୁ’ ଭାବରେ ଆଲୁମିନିୟମର ଉଦୀୟମାନ ପ୍ରୟୋଗଗୁଡ଼ିକୁ ପ୍ରୋତ୍ସାହିତ କରିବାର ଏହାର ଲକ୍ଷ୍ୟ ପୂରଣ କରେ।