ଆକାଂକ୍ଷୀ ଜିଲ୍ଲା ପ୍ରଧାନ ଶିକ୍ଷକଙ୍କ ସମ୍ମିଳନୀ ଓ ଦକ୍ଷତା ବିକାଶ କାର୍ଯ୍ୟକ୍ରମ

 ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ପାରଳାଖେମୁଣ୍ଡି ସ୍ଥିତ ମହାରାଜଙ୍କ ବାଳକ ଉଚ୍ଚ ବିଦ୍ୟାଳୟ ଠାରେ ଆକାଂକ୍ଷୀ ଜିଲ୍ଲା ପ୍ରଧାନ ଶିକ୍ଷକଙ୍କ ସମ୍ମିଳନୀ ଓ ଦକ୍ଷତା ବିକାଶ କାର୍ଯ୍ୟକ୍ରମ “ପ୍ରୟାସ” ଅନୁଷ୍ଠିତ ହୋଇଯାଇଛି।
ଉକ୍ତ କାର୍ଯ୍ୟକ୍ରମ ରେ ଗଜପତି ଜିଲ୍ଲାପାଳ ଶ୍ରୀ ବିଜୟ କୁମାର ଦାଶ ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ସମ୍ମାନୀତ ଭାବେ ଜିଲ୍ଲା ମୁଖ୍ୟ ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ ଡ଼. ଗୁଣନିଧି ନାୟକ , ଜିଲ୍ଲା ଶିକ୍ଷା ଅଧିକାରୀ ଡ଼ଃ ମାୟାଧର ସାହୁ ଏବଂ ଜିଲ୍ଲା ମଙ୍ଗଳ ଅଧିକାରୀ ମମତା ପରିଡା ଓ ମହାରାଜଙ୍କ ବାଳକ ଉଚ୍ଚ ବିଦ୍ୟାଳୟର ସ୍ଥାନୀୟ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ମନାଲିସା ଦାସ , ଜିଲ୍ଲା ବିଜ୍ଞାନ ନିରୀକ୍ଷକ ଏ.ରବି କୁମାର , ଜିଲ୍ଲାର ସମସ୍ତ ଗୋଷ୍ଠୀ ଶିକ୍ଷା ଅଧିକାରୀ ଓ ଜିଲ୍ଲାର ସମସ୍ତ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଓ ପ୍ରଧାନ ଶିକ୍ଷୟିତ୍ରୀ ଯୋଗଦାନ କରିଥିଲେ।
“ପ୍ରୟାସ” ଏକ ଉପଚାରାତ୍ମକ ଶିକ୍ଷଣ। ଏହି କାର୍ଯ୍ୟକ୍ରମ ବିଷୟରେ ସୁପର୍ ୩୦ @ ଗଜପତି ଜିଲ୍ଲା ସ୍କୁଲ ପାଇଁ ଜିଲ୍ଲାସ୍ତରରେ ବାର୍ଷିକ ଏଚ୍ ଏସ୍ ସି (HSC) ପରୀକ୍ଷାରେ ଛାତ୍ରଛାତ୍ରୀ ଙ୍କ କାର୍ଯ୍ୟ ଦକ୍ଷତାକୁ ସୁଗମ କରିବା ଓ ସରକାରୀ ଏବଂ ସରକାରୀ ସହାୟକ ହାଇସ୍କୁଲ ର ଦଶମ ଶ୍ରେଣୀର ଛାତ୍ର ମାନଙ୍କ ପାଇଁ ଏକ ପ୍ରତିକାର କାର୍ଯ୍ୟକ୍ରମ ପ୍ରସ୍ତୁତ କରାଯାଇଛି।
ଏହା ଏକ ଗଠନମୂଳକ ଆଭିମୁଖ୍ୟ ଆବଶ୍ୟକ କରେ ଯାହା ଏକାଡେମିକ୍ ସମର୍ଥନ , ବ୍ୟକ୍ତିଗତ ପରାମର୍ଶ ଏବଂ ପ୍ରଭାବଶାଳୀ ସମୟ ପରିଚାଳନାକୁ ଏକତ୍ର କରିଥାଏ । ଛାତ୍ରଛାତ୍ରୀ ମାନେ ମୁଖ୍ୟ ବିଷୟ ଗୁଡିକରେ ଉନ୍ନତ କରିବା , ପରୀକ୍ଷା ରଣନୀତି ପ୍ରସ୍ତୁତ କରିବା ଏବଂ ବୋର୍ଡ ପରୀକ୍ଷା ପାଇଁ ସେମାନଙ୍କର ଆତ୍ମବିଶ୍ୱାସ ପାଇବାରେ ଏହି “ପ୍ରୟାସ” କାର୍ଯ୍ୟକ୍ରମ ସାହାର୍ଯ୍ୟ କରିଥାଏ।
“ପ୍ରୟାସ” କାର୍ଯ୍ୟକ୍ରମରେ ପାଞ୍ଚଟି ପର୍ଯ୍ୟାୟ ରହିଅଛି ଯଥା :- ନିଦାନ ଏବଂ ଭିତ୍ତିଭୂମି ନିର୍ମାଣ , ବିଷୟ ନିର୍ଦ୍ଦିଷ୍ଟ ପ୍ରତିକାର ଏବଂ ତୀବ୍ର ଶିକ୍ଷଣ , ସଂଶୋଧନ ଏବଂ ଅଭ୍ୟାସ , ତିଳତା ବୃଦ୍ଧି ଅନ୍ତିମ ପରୀକ୍ଷା ଦିନଗୁଡିକରେ , ମକ୍ ପରୀକ୍ଷା ପ୍ରସ୍ତୁତି।