ଆଜି କଳାହାଣ୍ଡି ପ୍ରସିଦ୍ଧ ଛତର ଯାତ୍ରା , ଜେନାଖାଲ ରୁ ଉଠିଲା ଛତର , ଭବାନୀ ପାଟଣା ସହର ହୋଇଛି ଭକ୍ତି ମୟ ପରିବେଶ

ଭବାନୀପାଟଣା: ରୋହିତ କୁମାର ନାଏକ(ଶାସକ ପ୍ରଶାସକ )ଆଜି ମାଁ ମାଣିକେଶ୍ବରୀଙ୍କ ପ୍ରଶିଦ୍ଧ ଛତର ଯାତ୍ରା ।  ଆସ୍ଥା ବିଶ୍ବାସ ଓ  ପରମ୍ପରା  ର ପର୍ବ ମାଁ ମାଣିକେଶ୍ବରୀଙ୍କ ଛତର ଯାତ୍ରା ।  କଳାହାଣ୍ଡି ଜିଲ୍ଲାର ଭବାନୀପାଟଣା ର ନାଗ ବଂଶୀୟ ରାଜ ପରିବାରର ତଥା କଳାହାଣ୍ଡି ବାସିନ୍ଦା ଙ୍କ ଆରାଧ୍ୟ ଦେବୀ ମାଣିକେଶ୍ବରୀ ଙ୍କ  ପ୍ରସିଦ୍ଧ ଛତର ଯାତ୍ରା ଆଜି ଅନୁଷ୍ଠିତ ହେଉଅଛି  ।  ସହର ଉପକଣ୍ଠରେ ଥିବା ଜେନାଖାଲ ରୁ  ଭୋର୍ ୪ଟା ପରେ ମା ଙ୍କ ବିଜୟ ଛତର ବାହାରିଛି । ଦିନ ୧୨ଟା ପୁର୍ବରୁ ରାଜ ବାଟି ସ୍ଥିତ ମା ମାଣିକେଶ୍ବରୀ ମନ୍ଦିର କୁ ଛତର ପହଞ୍ଚିବ ବୋଲି ରାଜ ବାଟି ପକ୍ଷରୁ ସୁଚନା  ଦିଆଯାଇଛି ।ଏଥିପାଇଁ ଭବାନୀ ପାଟଣା ସହର ରେ ଭକ୍ତ ଓ ମାନସିକ ଧାରି ମାନେ  ମା ଙ୍କୁ ଦର୍ଶନ କରିବା ପାଇଁ ଉତ୍ସୁକତାର ସହ ବିଜୟ ଛତର ର ଆଗମନ କୁ ଅପେକ୍ଷା କରି ରହିଛନ୍ତି । ମଧ୍ଯ ରାତ୍ରରେ ଜେନାଖାଲ ରେ ରୀତି ନୀତି ରେ ଗୁପ୍ତ ପୂଜା ପରେ ପରେ  ର୍ମାଁଙ୍କ ବିଜୟ ପ୍ରତିମା ଛତର ମନ୍ଦିର ଅଭିମୂଖେ ପ୍ରତ୍ୟାବର୍ତନ କରୁଛନ୍ତି । ଭକ୍ତ ମାନେ ଶାନ୍ତି ଓ ମୈତ୍ରିର ପ୍ରତୀକ କଳା ଓ ଧଳା ରଙ୍ଗର ପାରା କୁ ଛତର ଉପରେ ଉଡାଉଛନ୍ତି । ଜିଲ୍ଲା ପଡ଼ୋଶୀ ଜିଲ୍ଲା ତଥା ରାଜ୍ୟ ଓ ରାଜ୍ୟ ବାହାରୁ ଲକ୍ଷାଧିକ ମାନସିକ ଧାରୀ ଭକ୍ତଙ୍କ ଭିଡ଼ ଜମିଛି  । ପୋଲିସ ପକ୍ଷରୁ ଶାନ୍ତି ଶୃଙ୍ଖଳା ରକ୍ଷା ପାଇଁ ୧୫ପ୍ଲାଟୁନ  ପୋଲିସ ମୁତୟନ କରାଯାଇଛି ।