ଆର୍ସଲରମିତ୍ତଲ ନିପ୍ପନ୍ ଷ୍ଟିଲ୍ ଇଣ୍ଡିଆ ପାରାଦୀପର 31 ଜଣ ଛାତ୍ରୀମାନଙ୍କୁ ‘ବେଟି ପଢ଼ାଓ ସ୍କଲାରସିପ୍’

ପାରାଦୀପ :- ପାରାଦୀପ ପୋର୍ଟ କ୍ଲବରେ ଆୟୋଜିତ ଏକ ସମ୍ବର୍ଦ୍ଧନା ସମାରୋହରେ ବିଶ୍ୱର ଦୁଇ ଅଗ୍ରଣୀ ଇସ୍ପାତ ନିର୍ମାତା ଆର୍ସଲରମିତ୍ତଲ ନିପ୍ପନ୍ ଷ୍ଟିଲ୍ ଇଣ୍ଡିଆ (ଏଏମ୍/ଏନ୍ ଏସ୍ ଇଣ୍ଡିଆ) ପାରାଦୀପ ଅଞ୍ଚଳର 31 ଜଣ ଛାତ୍ରୀମାନଙ୍କୁ ‘ବେଟି ପଢ଼ାଓ ସ୍କଲାରସିପ୍’ ପ୍ରଦାନ କରିଛି ।
ଏଏମ୍/ଏନ୍ ଏସ୍ ଇଣ୍ଡିଆର ପ୍ରମୁଖ ସିଏସ୍ଆର୍ ପ୍ରକଳ୍ପ ବେଟି ପଢ଼ାଓ ସ୍କଲାରସିପର ଆର୍ଥିକ ଦୃଷ୍ଟିରୁ ଦୁର୍ବଳ ବର୍ଗର ଛାତ୍ରୀମାନଙ୍କୁ ସେମାନଙ୍କ ଶିକ୍ଷାଗତ ଆକାଂକ୍ଷା ପୂରଣ କରିବା ପାଇଁ ବୃତ୍ତି ପ୍ରଦାନ କରି ଶିକ୍ଷା ଅର୍ଥର ବ୍ୟବଧାନକୁ ଦୂର କରିବାକୁ ଲକ୍ଷ୍ୟ ରଖିଛି। କନ୍ୟା ସନ୍ତାନର ଶିକ୍ଷାକୁ ପ୍ରୋତ୍ସାହିତ କରିବା ପାଇଁ ସରକାରଙ୍କ ପ୍ରୟାସ ସହିତ ଏହି ପଦକ୍ଷେପ ଯୋଡ଼ି ହୋଇଛି। ନବମ ଶ୍ରେଣୀ ଛାତ୍ରୀଙ୍କଠାରୁ ଆରମ୍ଭ କରି ଉଚ୍ଚ ମାଧ୍ୟମିକ ଶିକ୍ଷା, ସ୍ନାତକ, ଆଇଟିଆଇ, ଡିପ୍ଲୋମା, ଇଞ୍ଜିନିୟରିଂ, ମେଡିକାଲ, ବୃତ୍ତିଗତ ପାଠ୍ୟକ୍ରମ ରେ ପଢ଼ୁଥିବା ଛାତ୍ରୀଙ୍କୁ ଏହି ବୃତ୍ତି ପ୍ରଦାନ କରାଯାଇଛି। ଏହି କାର୍ଯ୍ୟକ୍ରମ ଅଧୀନରେ ଏଏମ୍/ଏନ୍ ଏସ୍ ଇଣ୍ଡିଆ ଓଡ଼ିଶା, ଗୁଜରାଟ, ଆନ୍ଧ୍ରପ୍ରଦେଶ, ଛତିଶଗଡ଼ ଓ ମହାରାଷ୍ଟ୍ରର ଯୁବତୀମାନଙ୍କୁ ଛାତ୍ରବୃତ୍ତି ପ୍ରଦାନ କରୁଛି।
ଏହି ଅବସରରେ ମୁଖ୍ୟ ଅତିଥି ଭାବରେ ପାରାଦୀପ ଏଡିଏମ୍ ନିରଞ୍ଜନ ବେହେରା ପ୍ରମୁଖ ଯୋଗଦେଇ କୃତୀ ପ୍ରତିଯୋଗୀଙ୍କୁ ବୃତ୍ତି ପ୍ରଦାନ କରିଥିଲେ। ଏହି ଅବସରରେ ଅନ୍ୟମାନଙ୍କ ମଧ୍ୟରେ ଏଏମ୍/ଏନ୍ ଏସ୍ ଇଣ୍ଡିଆର ଓଡ଼ିଶା ପ୍ରକଳ୍ପର କାର୍ଯ୍ୟନିର୍ବାହୀ ନିର୍ଦ୍ଦେଶକ ରାଜୀବ ଭଟ୍ଟନାଗର, ଏଏମ୍/ଏନ୍ ଏସ୍ ଇଣ୍ଡିଆର ଓଡ଼ିଶା ଅପରେସନର କାର୍ଯ୍ୟନିର୍ବାହୀ ନିର୍ଦେଶକ ସୁରେଶା ଜି, ଏଏମ୍/ଏନ୍ ଏସ୍ ଇଣ୍ଡିଆର ବ୍ରାଉନ୍ ଫିଲ୍ଡ ପ୍ରୋଜେକ୍ଟସ୍ ମୁଖ୍ୟ ଅରୁଣ ରଥ ଓ ଏଏମ୍/ଏନ୍ ଏସ୍ ଇଣ୍ଡିଆର ସିଏସ୍ଆର୍ ମୁଖ୍ୟ ଡ. ବିକାଶ ଯାଦବେନ୍ଦୁ ପ୍ରମୁଖ ଉପସ୍ଥିତ ଥିଲେ |
ଏଏମ/ଏନଏସ ଇଣ୍ଡିଆ ଛାତ୍ରବୃତ୍ତି ସଂଗ୍ରହ ପାଇଁ ପ୍ରୋଟିଆନ ଇଗଭ ଟେକ୍ନୋଲୋଜି ସହ ଭାଗିଦାରୀ କରିଛି । କର୍ପୋରେଟ୍ ସ୍କଲାରସିପ୍ ମ୍ୟାନେଜମେଣ୍ଟ ପ୍ଲାଟଫର୍ମ ପ୍ରୋଟିଆନ୍ ବିଦ୍ୟାସାରଥୀ ଏଏମ୍/ଏନ୍ ଏସ୍ ଇଣ୍ଡିଆ ସ୍କଲାରସିପ୍ ର ଆବେଦନ, ବୈଧତା, ଆବଣ୍ଟନ ଏବଂ ପାଣ୍ଠି ବିତରଣ ସମେତ ସମ୍ପୂର୍ଣ୍ଣ ସ୍କଲାରସିପ୍ ଜୀବନଚକ୍ର ପରିଚାଳନା କରିଛି।
ଏଏମ୍/ଏନ୍ଏସ୍ ଇଣ୍ଡିଆର ଏହି ପଦକ୍ଷେପକୁ ପ୍ରଶଂସା କରି ପାରାଦୀପ ଏଡିଏମ୍ ନିରଞ୍ଜନ ବେହେରା କହିଛନ୍ତି, “31 ଜଣ ଛାତ୍ରୀମାନଙ୍କୁ ସ୍କଲାରସିପ୍ ପ୍ରଦାନ କରିଥିବା ଏହି ପଦକ୍ଷେପକୁ ମୁଁ ସ୍ୱାଗତ କରୁଛି.”. । କମ୍ପାନୀ ପକ୍ଷରୁ ଏହି ବେଟି ପଢ଼ାଓ ପଦକ୍ଷେପ ଦ୍ୱାରା ସ୍ଥାନୀୟ ଲୋକମାନେ ଉପକୃତ ହେବେ ।
ଏହି ଅବସରରେ ଏଏମ୍/ଏନ୍ ଏସ୍ ଇଣ୍ଡିଆର ଓଡ଼ିଶା ପ୍ରୋଜେକ୍ଟସ୍ ଇଡି, ରାଜୀବ ଭଟ୍ଟନାଗର କହିଲେ, “ ମହିଳାମାନଙ୍କୁ ସଶକ୍ତିକରଣ କରିବା ପାଇଁ ‘ବେଟି ପଢ଼ାଓ ସ୍କଲାରସିପ୍’ ହେଉଛି ଆମର ନମ୍ର ପ୍ରୟାସ ଏବଂ ଏହି ଅଞ୍ଚଳର ଯୁବତୀମାନଙ୍କ ପାଇଁ ସେମାନଙ୍କ ଶିକ୍ଷାଗତ ଅଭିଳାଷକୁ ପୂରଣ କରିବାରେ ଏହା ଏକ ସହାୟକ ହେବ। ଆମ ସମ୍ପ୍ରଦାୟ ଏବଂ ସମାଜର ସମସ୍ତ ବର୍ଗର ସାମଗ୍ରିକ ବିକାଶ ପାଇଁ ଆମେ ପ୍ରତିଶ୍ରୁତିବଦ୍ଧ ଏବଂ ଏଭଳି ଅନେକ ହସ୍ତକ୍ଷେପ ଆଣିବୁ | ”