କିଡନୀ ରୋଗୀ ଙ୍କୁ ସହାୟତା ର ହାତ ବଢ଼େଇଲେ ସ୍ବେଚ୍ଛାସେବୀ

ବରଗଡ଼ :- ବରଗଡ ଜିଲ୍ଲା ପାଇକମାଲ ବ୍ଲକ ଭେଙ୍ଗରାଜପୁର ଗ୍ରାମ ପଞ୍ଚାୟତ ପିପଲପାଳି ଗ୍ରାମର । ଭକ୍ତୁରାମ ସତନାମୀ , ଦୁଇ ପୁଅ ଓ ସ୍ତ୍ରୀ ଙ୍କୁ ନେଇ ତାଙ୍କର ସଂସାର । ଗ୍ରାମରେ ଛୋଟ ମୋଟ କାମ କରି ନିଜର ପରିବାର ର ଗୁଜୁରାଣ ମେଣ୍ଟାଉଥିଲେ । ସବୁ କିଛି ଠିକ ଚାଲିଥିବା ବେଳେ ହଟାତ ଦିନେ ଅସୁସ୍ଥ ଅନୁଭବ କଲେ । ଆର୍ଥିକ ଅନାଟନ ଦେଇ ଗତି କରୁଥିବା ଭକ୍ତୁ ବିଳମ୍ବରେ ଚିକିତ୍ସା ଆରମ୍ଭ କରିଥିଲେ । ସଚେତନତା ଓ ଅର୍ଥ ର ଅଭାବ କାରଣରୁ ତାଙ୍କର ଦୁଇଟି ଯାକ କିଡନୀ ଖରାପ ହୋଇଯାଇଛି । ବୁର୍ଲା ତଥା ନୂଆପଡା ରେ ତାଙ୍କର ଡାଇଲେସିସ ମଧ୍ୟ କରାଯାଇଛି । ବର୍ତ୍ତମାନ ତାଙ୍କୁ ଡାକ୍ତର ପ୍ରତ୍ୟେକ ସପ୍ତାହ ରେ ଡାଇଲେସିସ କରେଇବା ପାଇଁ କହିଛନ୍ତି । ସର୍ଜରି ଡାକ୍ତରଖାନାରେ ଡାଇଲେସିସ ପାଇଁ ଲମ୍ବା ଲାଇନ, ଆବେଦନ କରିବା ପରେ ମାସେ ରୁ ଉର୍ଦ୍ଧ ସମୟ ର ଅପେକ୍ଷା । ଅନ୍ୟପଟେ ବେସରକାରୀ ଡାକ୍ତରଖାନା ମାନଙ୍କରେ ଅତ୍ୟଧିକ ଖର୍ଚ୍ଚ ଯାହାକି ବହନ କରିବା ସେମାନଙ୍କ ପକ୍ଷରେ ଅସମ୍ଭବ । ଭାଗ୍ୟକୁ ଆଦରି ଘରେ ପଡି ରହିଥିବା ଭକ୍ତୁ ଙ୍କର ବାବଦରେ ଖବର ପାଇ ପାଇକମାଲ ର ଡାକ୍ତର ବୁଲୁ ବାରିକ ଓ ଗୋକୁଳାନନ୍ଦ ପ୍ରଧାନ ତାଙ୍କର ଘରକୁ ଯାଇ ଭକ୍ତୁ ର ଅସୁବିଧା କଥା ବୁଝିଥିଲେ । ଏହାପରେ ଏହି ଦୁହି ସ୍ବେଚ୍ଛାସେବୀ ପାଇକମାଲ ର ବଦାନ୍ୟ ବ୍ୟକ୍ତି ମାନଙ୍କୁ ଭକ୍ତୁ ବାବଦରେ କହିବା ସହିତ ଆର୍ଥିକ ସାହାଯ୍ୟ ପାଇଁ ନିବେଦନ କରିଥିଲେ । ।ବଦାନ୍ୟ ବ୍ୟକ୍ତି ମାନଙ୍କ ସହଯୋଗ ର ଯୋଗାଡ଼ ହୋଇଥିବା ପ୍ରାୟ କୋଡିଏ ହଜାର ଟଙ୍କା ଆଜି ଡାକ୍ତର ବୁଲୁ ବାରିକ , ଗୋକୁଳାନନ୍ଦ ପ୍ରଧାନ। , ଦେବେନ୍ଦ୍ର ସାହୁ , ଯୁଗଳ ମେହେର ଓ ପାଇକମାଲ ଅଗ୍ନିଶମ ବିଭାଗ ର କର୍ମଚାରୀ ମାନେ। ଭକ୍ତୁ ଙ୍କର ଘରକୁ ଯାଇ ତାଙ୍କୁ ପ୍ରଦାନ ଜରିବା ସହିତ ତାଙ୍କର ଚିକିତ୍ସା ପାଇଁ ଡାକ୍ତରଖାନା ସହିତ ଯୋଗାଯୋଗ ଜରିବେ ବୋଲି କହିଛନ୍ତି ।
ଅନ୍ୟପଟେ ଭକ୍ତୁ ର ଚିକିତ୍ସା ପାଇଁ ଜିଲ୍ଲାପାଳ ତଥା ରାଜ୍ୟ ସରକାର ମଧ୍ୟ ପଦକ୍ଷେପ ଗ୍ରହଣ କଲେ ଜଣେ ବ୍ୟକ୍ତିର ଜୀବନ ରକ୍ଷା ପାଇଯିବା ସହିତ ଗୋଟିଏ ପରିବାର ରେ ଖୁସି ଫେରି ଆସନ୍ତା ବୋଲି କହିଛନ୍ତି ସ୍ବେଚ୍ଛାସେବୀ ଡାକ୍ତର ବୁଲୁ ବାରିକ ।।