ଦେବଗଡ଼ ଚାଇଲ୍ଡଲାଇନ ତରଫରୁ ବିଶ୍ଵ ପରିବେଶ ଦିବସ ପାଳିତ

ଦେବଗଡ଼ ରୁ ଅବନୀ କାନ୍ତ ମିଶ୍ର: ବିଶ୍ଵ ପରିବେଶ ଦିବସ ଅବସରରେ ଦେବଗଡ଼ ଚାଇଲ୍ଡଲାଇନ ତରଫରୁ ବୃକ୍ଷ ରୋପଣ ଓ ସଚେତନତା କାର୍ଯ୍ୟକ୍ରମ ଅନୁଷ୍ଟିତ ହୋଇଯାଉଛି।ଚାଇଲ୍ଡଲାଇନ ଟିମ୍ ମେମ୍ବର ଉପେନ୍ଦ୍ର ଭଞ୍ଜ ଙ୍କ ତତ୍ତ୍ୱାବଧାନରେ ସ୍ଥାନୀୟ ୱାର୍ଡ଼ ନ ୧୦ ବେଞ୍ଜାତିନାଲି ଅଙ୍ଗନବାଡ଼ି କେନ୍ଦ୍ରରେ ଅଙ୍ଗନବାଡ଼ି କର୍ମୀ, ଆଶା ଦିଦି, ଅଙ୍ଗନବାଡ଼ି କେନ୍ଦ୍ରର ଛୁଆମାନେ ଓ ୱାର୍ଡ ର ମାନ୍ୟଗଣ୍ୟ ବ୍ୟକ୍ତିବିଶେଷ ଙ୍କୁ ନେଇବୃକ୍ଷ ରୋପଣ ଓ ସଚେତନତା କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା। ଏହି ଅବସରରେ ସମସ୍ତ ଅତିଥି ପରିବେଶ ଦିବସ ପାଳନ କରିବାର ମହତ୍ତ୍ଵ ଉପରେ ନିଜନିଜର ବକ୍ତବ୍ୟ ପ୍ରଦାନ କରିଥିଲେ ଓ ପରିବେଶ ନଷ୍ଟ ହେବାଦ୍ବାରା ଆମର କଣ ସବୁ କ୍ଷତି ହେଉଛି ସେ ବିଷୟରେ ଆଲୋକପାତ କରିଥିଲେ।କାର୍ଯ୍ୟକ୍ରମ ପରିଚାଳନାରେ ୱାର୍ଡ଼ ନ ୧୦ର ଅଙ୍ଗନବାଡ଼ି କର୍ମୀ ଫୁଲମଣି କ୍ରିପା ଟପ୍ପୋ, ଆଶା ଦିଦି ହିରାବତୀ ପତ୍ର, ସହକର୍ମୀ ମୁକ୍ତା ରଣଜିତ ପ୍ରମୁଖ ସହଯୋଗ କରିଥଲେ। ଚାଇଲ୍ଡଲାଇନ ତତଫରୁ ଶ୍ରୀଲେଖା ମେହେର, ଅଷ୍ଟମୀ ପାତ୍ର, ତେମୀୟ ରଞ୍ଜନ ପ୍ରଧାନ ପ୍ରମୁଖ ଉପସ୍ଥିତ ଥିଲେ।