ଅଖିଳ ମୋରାନ ଛାତ୍ର ସଂଗଠନର ପୂର୍ବତନ ସଭାପତି ଶ୍ରୀ ଅରୁଣଜ୍ୟୋତି ମୋରାନ ବିଜେପିରେ ଯୋଗଦେଲେ
ଭୁବନେଶ୍ବର- ଆସାମରେ ଆଗାମୀ ବିଧାନସଭା ନିର୍ବାଚନ ଲାଗି ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା ଆସାମ ବିଜେପି ପ୍ରଭାରୀ ଶ୍ରୀଯୁକ୍ତ ବୈଜୟନ୍ତ ପଣ୍ଡା ଗତ ୩ ତାରିଖରୁ ସେଠାରେ ପହଞ୍ଚି ମାରାଥନ ବୈଠକ ଓ ସଭା କରୁଛନ୍ତି। ଏହି ପରିପ୍ରେକ୍ଷୀରେ ଆଜି ଆସାମର ଅଖିଳ ମୋରାନ ଛାତ୍ର ସଂଗଠନର ପୂର୍ବତନ ସଭାପତି ଶ୍ରୀ ଅରୁଣଜ୍ୟୋତି ମୋରାନ ଆସାମ ବିଜେପି ସଭାପତି ଶ୍ରୀ ରଣଜିତ କୁମାର ଦାସ ଏବଂ ସଙ୍ଗଠନ ମହାମନ୍ତ୍ରୀ ଶ୍ରୀ ଫଣୀନ୍ଦ୍ରନାଥ ଶର୍ମାଙ୍କ ଉପସ୍ଥିତିରେ ବିଜେପିରେ ସାମିଲ ହୋଇଛନ୍ତି। ଶ୍ରୀଯୁକ୍ତ ପଣ୍ଡା ଉତ୍ତରୀୟ ଦେଇ ତାଙ୍କୁ ହାର୍ଦ୍ଦିକ ସ୍ୱାଗତ କରିଥିଲେ।
ଆସାମରେ ଆମ ଦଳ ବିଜେପିର ସୁଦୃଢ଼ ସ୍ଥିତି ରହିଛି। ଏହାସାଙ୍ଗକୁ ଶ୍ରୀ ମୋରାନଙ୍କ ଯୋଗଦାନ ଦଳକୁ ଅଧିକ ମଜଭୁତ କରିବ ବୋଲି ଶ୍ରୀଯୁକ୍ତ ପଣ୍ଡା କହିଛନ୍ତି। ଏଥିସହ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଜୀଙ୍କ ଆଶୀର୍ବାଦ ଏବଂ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଜେପି ନଡ୍ଡା ଓ ଗୃହମନ୍ତ୍ରୀ ଶ୍ରୀ ଅମିତ ଶାହାଙ୍କ ମାର୍ଗଦର୍ଶନ ସହ ଆସାମରେ ଆମେ ନିଶ୍ଚିତ ଭାବେ ମିଶନ ୧୦୦+ ହାସଲ କରିବୁ ବୋଲି ଶ୍ରୀଯୁକ୍ତ ପଣ୍ଡା କହିଛନ୍ତି। ସେହିପରି ଶ୍ରୀଯୁକ୍ତ ପଣ୍ଡା ଆସାମରେ ଥିବା ସମୟରେ ବିଜେପିରେ ଯୋଗଦାନ ମୋ ପାଇଁ ସୌଭାଗ୍ୟର ବିଷୟ ବୋଲି ଶ୍ରୀ ମୋରାନ କହିଛନ୍ତି।
ସୂଚନାଥାଉ କି ଗତ ୩ ତାରିଖରୁ ଶ୍ରୀଯୁକ୍ତ ପଣ୍ଡା ଆସାମର ବିଭିନ୍ନ ଅଞ୍ଚଳ ବୁଲି ଦଳୀୟ କର୍ମୀଙ୍କ ସହ ବୈଠକ ଓ ଆଲଚନା କରୁଛନ୍ତି। ଏହି ପରିପ୍ରେକ୍ଷୀରେ ଆଜି ସେ ଉତ୍ତର କାମରୁପ ଜିଲ୍ଲାରେ ସାଙ୍ଗଠନିକ କାର୍ଯ୍ୟକ୍ରମରେ ଯୋଗ ଦେଇଛନ୍ତି। ଗତ ଡିସେମ୍ବର ୨୬ରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଆସାମ ଗସ୍ତ କରି ଆଗାମୀ ବିଧାନସଭା ନେଇ ଶ୍ରୀଯୁକ୍ତ ପଣ୍ଡା ଏବଂ ଆସାମ ବିଜେପି କାର୍ଯ୍ୟକର୍ତ୍ତାଙ୍କ ସହ ଗୁରୁତ୍ୱପୂର୍ଣ୍ଣ ବୈଠକ କରି ଦାୟିତ୍ୱ ବଣ୍ଟନ କରିଥିଲେ।