ବିୟୋଣ୍ଡ ଦ ସ୍ପଟ୍ଲାଇଟ : ଇମା (ଇଇଏମଏ)ପୂର୍ବାଂଚଳ ଦ୍ୱାରା ଓଡ଼ିଶାର ପରଦା ପଛର ଇଭେଂଟ ନାୟକମାନଙ୍କୁ ସମ୍ମାନ ଏବଂ ଭବିଷ୍ୟତର ପ୍ରତିଭା ବିକାଶ
ଭୁବନେଶ୍ୱର : ଇଭେଂଟ ଆଣ୍ଡ ଏଂଟରଟେନ୍ମେଂଟ ମ୍ୟାନେଜମେଂଟ ଆସୋସିଏସନର (ଇଇଏମଏ) ପୂର୍ବାଚଳ କମିଟି ପକ୍ଷରୁ ଭୁବନେଶ୍ୱରରେ “ବିୟୋଣ୍ଡ ଦ ସ୍ପଟ୍ଲାଇଟ୍’ ନାମକ ଏକ ସ୍ମରଣୀୟ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି । ଏହି ପଦକ୍ଷେପ ମାଧ୍ୟମରେ ପରଦା ପଛରେ କାମ କରୁଥିବା ବୈଷୟିକ କର୍ମୀମାନଙ୍କୁ ସମ୍ମାନିତ କରାଯିବା ସହିତ ସେମାନଙ୍କ ପାଇଁ ସ୍ୱାସ୍ଥ୍ୟ ବୀମା ଏବଂ ଓଡ଼ିଶାର ଆଗାମୀ ପିଢ଼ିର ଇଭେଂଟ ବୃତିଗତମାନଙ୍କ ପାଇଁ ଶିକ୍ଷାଗତ ସହାୟତା ଯାଇଆ ଯୋଗାଇ ଦିଆଯାଉଛି । ଓଡ଼ିଶା ସରକାର ଯେତେବେଳେ ରାଜ୍ୟକୁ କର୍ପୋରେଟ୍ ବୈଠକ, ସମ୍ମିଳନୀ, ପ୍ରଦର୍ଶନୀ ଏବଂ ବିବାହ ଉତ୍ସବ ପାଇଁ ଏକ ପ୍ରମୁଖ ସ୍ଥାନ ଭାବରେ ପରିଚିତ କରାଇବାକୁ ପ୍ରୟାସ କରୁଛନ୍ତି, ଠିକ୍ ସେହି ସମୟରେ ଏହି କାର୍ଯ୍ୟକ୍ରମ ଆରମ୍ଭ କରାଯାଇଛି । ଏହି ବିକାଶକୁ ଆଗକୁ ବଢ଼ାଇବା ପାଇଁ ଆସୋସିଏସନ୍ର ଜାତୀୟ କାର୍ଯ୍ୟନିର୍ବାହୀ କମିଟି, ଇଭେଂଟ ମ୍ୟାନେଜମେଂଟ ଆସୋସିଏସନ୍ ଅଫ୍ ଓଡ଼ିଶା ସହିତ ମିଶି ସ୍ଥାନୀୟ କର୍ମକର୍ତ।।ଙ୍କ ପାଇଁ ନୂତନ ସୁଯୋଗ ସୃଷ୍ଟି କରିବାକୁ ହାତ ମିଳାଇଛି ।
ପୂର୍ବାଂଚଳର ଉପସଭାପତି ସରୋଜ ମାଳିଆ ଏହି ଅଭିଯାନର ମୂଳ ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରି କହିଛନ୍ତି, “ପ୍ରତ୍ୟେକ ସଫଳ ଇଭେଂଟ ପଛରେ ଆମର ଗ୍ରାଉଣ୍ଡ କ୍ରୁ, ଟେଂଟ, ଲାଇଟ୍ ଏବଂ କ୍ୟାମେରା ଟିମ୍ ହେଉଛନ୍ତି ପ୍ରକୃତ ନାୟକ ।’ ସେ ଆହୁରି ମଧ୍ୟ କହିଛନ୍ତି, “ସେମାନଙ୍କୁ କେବଳ ସାଧାରଣ ବିକ୍ରେତା ବା ଭେଣ୍ଡର କହିବା ବଦଳରେ, ଆମେ ଏବେ ସେମାନଙ୍କୁ ସହଯୋଗୀ ସଦସ୍ୟ ଭାବରେ ସ୍ୱୀକୃତି ଦେଉଛୁ ଏବଂ ସେମାନଙ୍କ ଜୀବନବ୍ୟାପୀ ପରିଶ୍ରମକୁ ସମ୍ମାନ ଜଣାଇ ସ୍ୱାସ୍ଥ୍ୟ ବୀମା ତଥା ଆଗାମୀ ପିଢ଼ି ପାଇଁ ସମ୍ପୂର୍ଣ୍ଣ ପ୍ରାୟୋଜିତ ପ୍ରଫେସନାଲ୍ ଇଭେଂଟ ମ୍ୟାନେଜମେଂଟ ଡିଗ୍ରୀ ଛାତ୍ରବୃତିି ପ୍ରଦାନ କରୁଛୁ ।’
ଏହି କାର୍ଯ୍ୟକ୍ରମର ଏକ ପ୍ରମୁଖ ଉଦ୍ଦେଶ୍ୟ ହେଉଛି ଏହି ଅଂଚଳରେ ଆଧୁନିକ ଇଭେଂଟ ପ୍ରଡକ୍ସନ୍ ବା ପ୍ରସ୍ତୁତିର ମୂଳଦୁଆ ପକାଇଥିବା ବରିଷ୍ଠ ବ୍ୟକ୍ତିମାନଙ୍କୁ ସମ୍ମାନିତ କରିବା । ଜେ.ବି.ଏସ୍. ଆର୍ଟ ଆଣ୍ଡ ଆର୍କିଟେକ୍ଟର ସମରେନ୍ଦ୍ର ମହାନ୍ତି, ସୁପର ସାଉଣ୍ଡର ଲକ୍ଷ୍ମଣ ମିଶ୍ର, ଅଡିଓଭିଜୁଆଲ୍ ଏମ୍ପୋରିୟମର ମାନସ ରଞ୍ଜନ ସୁବୁଦ୍ଧି ଏବଂ କୁମାର ଲାଇଟ୍ର ନରେନ୍ଦ୍ର ସାହୁ – ଏହି ଚାରିଜଣ ପ୍ରତିଷ୍ଠିତ ଅଗ୍ରଦୂତଙ୍କୁ ପ୍ରତ୍ୟେକେ ଚାଳିଶ ବର୍ଷରୁ ଅଧିକ ସମୟ ଧରି ନିଷ୍ଠାପର ସେବା ଯୋଗାଇଥିବାରୁ ସାଧୁବାଦ ଜଣାଇ ଓøପଚାରିକ ଭାବରେ ସମ୍ମାନିତ କରାଯାଇଥିଲା । ସମ୍ମାନଜନକ ପୁରସ୍କାର ବ୍ୟତୀତ, ଏହି କାର୍ଯ୍ୟକ୍ରମରେ ପରଦା ପଛରେ କାମ କରୁଥିବା ଏହି ଶ୍ରମିକମାନଙ୍କ ଶାରୀରିକ ଏବଂ ମାନସିକ ସ୍ୱାସ୍ଥ୍ୟ, ସ୍ୱାସ୍ଥ୍ୟଗତ ସୁରକ୍ଷା ଏବଂ ଜୀବିକାକୁ ସୁରକ୍ଷା ଦେବା ପାଇଁ ବ୍ୟାପକ କଲ୍ୟାଣକାରୀ ସହାୟତା ମଧ୍ୟ ଯୋଗାଇ ଦିଆଯାଉଛି ।
ସ୍ଥାୟୀ ପ୍ରତିଭା ବିକାଶ ପ୍ରତି ଏକ ଦୃଢ଼ ପ୍ରତିବଦ୍ଧତା ପ୍ରକାଶକରି, ଏହି ଆଂଚଳିକ ଶାଖା ପକ୍ଷରୁ ଅଭାବୀ ଏବଂ ଆଗ୍ରହୀ ଛାତ୍ରଛାତ୍ରୀମାନଙ୍କୁ ସାହାଯ୍ୟ କରିବା ପାଇଁ ପ୍ରମୁଖ ଇଭେଂଟ ପ୍ରଶିକ୍ଷଣ ପ୍ରତିଷ୍ଠାନଗୁଡ଼ିକ ସହିତ ଭାଗିଦାରୀ କରାଯାଇଛି । ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଇଭେଂଟ ମ୍ୟାନେଜମେଂଟର ମୟୁଖ ପ୍ରିୟଦର୍ଶି ଏବଂ ଗ୍ଲୋବାଲ୍ ଇନଷ୍ଟିଚିୁ୍ୟଟ୍ ଅଫ୍ ଇଭେଂଟ ମ୍ୟାନେଜମେଂଟର ଚନ୍ଦନ ଦାସ ଦୁଇଜଣଙ୍କୁ ଅଭିଜ୍ଞତା ଭିତିିକ ପରିଚାଳନାରେ କ୍ୟାରିଅର୍ ଗଠନ କରିବା ପାଇଁ ସମ୍ପୂର୍ଣ୍ଣ ଶିକ୍ଷାଗତ ସ୍ପନ୍ର୍ସଶିପ ପାଇବେ । ଏହି ପଦକ୍ଷେପଟି ଏକ ପଚାଶ-ପଚାଶ ସହଯୋଗୀ ଭାଗିଦାରୀ ଭାବରେ ଗଠିତ ହୋଇଛି, ଯେଉଁଥିରେ ଟ୍ୟୁସନ୍ ଫି ର ଅଧା ଅଂଶ ଆସୋସିଏସନ୍ ଏବଂ ଅବଶିଷ୍ଟ ଅଧା ଅଂଶ ଅଂଶୀଦାର ଶିକ୍ଷାନୁଷ୍ଠାନଗୁଡ଼ିକ ଦ୍ୱାରା ବହନ କରାଯିବ ।
ଏହି ଅଭିଯାନଟି ଜାତୀୟ ଏବଂ ଆଂଚଳିକ ଶିଳ୍ପ ନେତାମାନଙ୍କ ଏକ ଦୃଢ଼ ଦଳ ଦ୍ୱାରା ପରିଚାଳିତ ହେଉଛି । ଜାତୀୟ କାର୍ଯ୍ୟନିର୍ବାହୀ କମିଟିର ସଦସ୍ୟମାନଙ୍କ ମଧ୍ୟରେ କାର୍ଯ୍ୟନିର୍ବାହୀ ଉପସଭାପତି ମହାବୀର ପ୍ରତାପ ଶର୍ମା, ସାଧାରଣ ସମ୍ପାଦକ ବିନୋଦ ଜନାର୍ଦନ ଏବଂ ପୂର୍ବାଂଚଳର ଯୁଗ୍ମ ସମ୍ପାଦକ ବିଶୁ ମୁଚାଲ ସାମିଲ ଅଛନ୍ତି । ସେମାନଙ୍କ ସହିତ ଇଭେଂଟ ମ୍ୟାନେଜମେଂଟ ଆସୋସିଏସନ୍ ଅଫ୍ ଓଡ଼ିଶାର ଆଞ୍ଚଳିକ ନେତୃତ୍ୱ ଯୋଗଦେଇଛନ୍ତି, ଯେଉଁଥିରେ ସଭାପତି ସତ୍ୟବ୍ରତ ସାନୁ ରଥ, ଉପସଭାପତି ଶିବ ପଟ୍ଟନାୟକ ଏବଂ ସମ୍ପାଦକ ସରୋଜ ମାଳିଆ ଅଛନ୍ତି ।
ସଂଗଠନର ବ୍ୟାପକ ଲକ୍ଷ୍ୟଗୁଡ଼ିକ ଉପରେ ଆଲୋକପାତ କରି ବିନୋଦ ଜନାର୍ଦନ ଗୁରୁତ୍ୱାରୋପ କରି କହିଛନ୍ତି ଯେ, ଗିଗ୍ କର୍ମୀ ମାନଙ୍କୁ ସୁରକ୍ଷା ଦେବା ଏବଂ ଦେଶ ଗଠନରେ ଅବଦାନ ରଖିବା ପାଇଁ ଏହି ଶିଳ୍ପକୁ ଆନୁଷ୍ଠାନିକ ମାନ୍ୟତା ଦେବା ଆବଶ୍ୟକ। ସେ ଆହୁରି ମଧ୍ୟ ମତ ଦେଇଛନ୍ତି ଯେ ଆଗାମୀ ସିଙ୍ଗଲ୍-ୱିଣ୍ଡୋ ଅନୁମତି ପାଇଲଟ୍ଗୁଡ଼ିକ ଅନୁମୋଦନ ପ୍ରକ୍ରିୟାକୁ ସହଜ କରିବାରେ ସାହାଯ୍ୟ କରିବ । ଏହି ଚିନ୍ତାଧାରାକୁ ଆହୁରି ଆଗକୁ ବଢ଼ାଇ ମହାବୀର ପ୍ରତାପ ଶର୍ମା କହିଛନ୍ତି ଯେ ପ୍ରଭାବଶାଳୀ ଜାତୀୟ ନୀତି ପ୍ରଣୟନ କରିବା ପାଇଁ ଆଂଚଳିକ ଭିତିିଭୂମି ସମସ୍ୟାଗୁଡ଼ିକ ଉପରେ ନିରନ୍ତର ମତାମତ ଦେବା ଜରୁରୀ ଅଟେ । ଭାରତକୁ ଉଚ୍ଚମାନର ବିବାହ ଏବଂ କର୍ପୋରେଟ୍ ଇଭେଂଟଗୁଡ଼ିକ ପାଇଁ ଏକ ବିଶ୍ୱସ୍ତରୀୟ କେନ୍ଦ୍ର ଭାବରେ ପ୍ରତିଷ୍ଠା କରିବା ହେଉଛି ଏହାର ଚୂଡ଼ାନ୍ତ ଲକ୍ଷ୍ୟ ।