ଗ୍ରେସିଙ୍ଗିଆ ପ୍ରାଇମେରୀ ସବ୍ଷ୍ଟେସନ୍ କାର୍ଯ୍ୟକ୍ଷମ; ଉପକୃତ ହେବେ କନ୍ଧମାଳର ୪,୦୦୦ ଉପଭୋକ୍ତା
- ୬ଟି ଗ୍ରାମ ପଞ୍ଚାୟତକୁ ଉନ୍ନତ ବିଦ୍ୟୁତ ଯୋଗାଣ
- ପାହାଡ଼ିଆ ଅଞ୍ଚଳରେ ଅଧିକ ସୁଦୃଢ଼ ହେବ ବିଦ୍ୟୁତ ନେଟୱର୍କ
- ବିଦ୍ୟୁତ ଯୋଗାଣରେ ବଢୁଛି ନିର୍ଭରଯୋଗ୍ୟତା
ବ୍ରହ୍ମପୁର, ସେପ୍ଟେମ୍ବର: କନ୍ଧମାଳ ଜିଲ୍ଲାର ପାହାଡ଼ିଆ ଅଞ୍ଚଳରେ ଅଧିକ ପରିବାର ଓ ସମୁଦାୟଙ୍କ ନିକଟରେ ନିର୍ଭରଯୋଗ୍ୟ ଓ ଗୁଣାତ୍ମକ ବିଦ୍ୟୁତ ସେବା ପହଞ୍ଚୁଛି । ଜି. ଉଦୟଗିରି ବ୍ଲକ୍ର ଗ୍ରେସିଙ୍ଗିଆଠାରେ ଟିପି ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ ପକ୍ଷରୁ ନୂତନ ପାୱାର ସବ୍ଷ୍ଟେସନ୍ ନିର୍ମାଣ କରାଯାଇଛି । ଏହି ନୂତନ ଭିତ୍ତିଭୂମି ପଞ୍ଚାୟତର ଛଅଟି ଗ୍ରାମ ପଞ୍ଚାୟତର ପ୍ରାୟ ୪,୦୦୦ ଉପଭୋକ୍ତାଙ୍କୁ ଅଧିକ ନିର୍ଭରଯୋଗ୍ୟ ଓ ନିରବଚ୍ଛିନ୍ନ ବିଦ୍ୟୁତ ସେବା ଯୋଗାଇବ । ଏହା ଦ୍ୱାରା ବିଦ୍ୟୁତ୍ ବିଭ୍ରାଟ ହ୍ରାସ, ଭୋଲ୍ଟେଜ୍ ସ୍ତରରେ ଉନ୍ନତି ଏବଂ ଅଞ୍ଚଳବାସୀଙ୍କ ବର୍ଦ୍ଧିତ ବିଦ୍ୟୁତ୍ ଆବଶ୍ୟକତା ପୂରଣରେ ସହାୟତା ମିଳିବ ।
ସରକାରଙ୍କ ଓଡିଏସଏସପି -୪ ଯୋଜନା ଅଧୀନରେ ଟିପିଏସଓଡିଏଲ୍ ଦ୍ୱାରା ନିର୍ମିତ ଏହି ୩୩/୧୧ କେଭି, ୨x୫ MVA କ୍ଷମତାବିଶିଷ୍ଟ ଗ୍ରେସିଙ୍ଗିଆ ପାୱାର ସବ୍ଷ୍ଟେସନ୍ (PSS) ଗ୍ରେସିଙ୍ଗିଆ, ବାଦିମୁଣ୍ଡା, ପିକରାଡି, ରତିଙ୍ଗିଆ, ପେଟାପଙ୍ଗା ଓ ଗଡ଼ଗୁଡ଼ା ଗ୍ରାମ ପଞ୍ଚାୟତର ଉପଭୋକ୍ତାମାନଙ୍କୁ ଗୁଣାତ୍ମକ ବିଜୁଳି ଯୋଗାଣ କରିବ । ଅତିରିକ୍ତ ଟ୍ରାନ୍ସଫର୍ମର କ୍ଷମତା ଉପଲବ୍ଧ ହେବା ଫଳରେ ସ୍ଥାନୀୟ ବିଦ୍ୟୁତ ବଣ୍ଟନ ନେଟୱର୍କ ଅଧିକ ସୁଦୃଢ଼ ହେବ ଏବଂ ଯୋଗାଣର ଗୁଣବତ୍ତା ଓ ସ୍ଥିରତାରେ ଉନ୍ନତି ଆସିବ।
କନ୍ଧମାଳ ଏହାର ପାହାଡ଼ିଆ ଭୂଭାଗ, ଘନ ଜଙ୍ଗଲ, ଉପତ୍ୟକା ଏବଂ ବିକ୍ଷିପ୍ତ ବସତି ପାଇଁ ପରିଚିତ । ଅଞ୍ଚଳର ଭୌଗୋଳିକ ବୈଶିଷ୍ଟ୍ୟ ଯୋଗୁଁ ଭିତ୍ତିଭୂମି ବିକାଶ ଓ ବିଦ୍ୟୁତ ନେଟୱର୍କ ସୁଦୃଢ଼ୀକରଣ ଅନେକ ସମୟରେ ଆହ୍ୱାନ ପୂର୍ଣ୍ଣ ହୋଇଥାଏ । ଏଭଳି ପରିସ୍ଥିତିରେ ଏକ ସୁଦୃଢ଼ ସ୍ଥାନୀୟ ବିଦ୍ୟୁତ ଭିତ୍ତିଭୂମି ଅଞ୍ଚଳର ବିଭିନ୍ନ ଭୌଗୋଳିକ ପରିବେଶରେ ରହୁଥିବା ଉପଭୋକ୍ତାଙ୍କ ପାଇଁ ବିଦ୍ୟୁତ ସେବାର ନିର୍ଭରଯୋଗ୍ୟତା ବୃଦ୍ଧିରେ ଗୁରୁତ୍ୱପୂର୍ଣ୍ଣ ଭୂମିକା ନେବ ।
ଉନ୍ନତ ବିଦ୍ୟୁତ ନେଟୱର୍କ ଉପଭୋକ୍ତାମାନଙ୍କୁ ଅଧିକ ସ୍ଥିର ବିଦ୍ୟୁତ ଯୋଗାଣ ପ୍ରଦାନ କରିବା ସହ ବିଦ୍ୟୁତ ବିଭ୍ରାଟ ଓ ଭୋଲ୍ଟେଜ୍ରେ ଅସ୍ଥିରତାର ପ୍ରଭାବକୁ ହ୍ରାସ କରିବ। ନିର୍ଭରଯୋଗ୍ୟ ବିଦ୍ୟୁତ ଯୋଗାଣ ଘରୋଇ ଉପଭୋକ୍ତାଙ୍କ ସହ ଶିକ୍ଷାନୁଷ୍ଠାନ, ସ୍ୱାସ୍ଥ୍ୟସେବା କେନ୍ଦ୍ର, ସ୍ଥାନୀୟ ବ୍ୟବସାୟ ଏବଂ ଅନ୍ୟାନ୍ୟ ସାମାଜିକ ଅନୁଷ୍ଠାନକୁ ମଧ୍ୟ ସେମାନଙ୍କ ଦୈନନ୍ଦିନ କାର୍ଯ୍ୟ ପାଇଁ ଆବଶ୍ୟକ ନିରବଚ୍ଛିନ୍ନ ସେବା ଯୋଗାଇବାରେ ସହାୟକ ହେବ ।
କନ୍ଧମାଳର ଅର୍ଥନୀତି ମୁଖ୍ୟତଃ କୃଷି, ଉଦ୍ୟାନ କୃଷି, ଜଙ୍ଗଲଭିତ୍ତିକ କାର୍ଯ୍ୟକଳାପ ଏବଂ କ୍ଷୁଦ୍ର ଜୀବିକା ଉପରେ ନିର୍ଭରଶୀଳ । ଉନ୍ନତ ବିଦ୍ୟୁତ ଭିତ୍ତିଭୂମି ସ୍ଥାନୀୟ ଅର୍ଥନୈତିକ କାର୍ଯ୍ୟକଳାପର ବିକାଶ ପାଇଁ ଏକ ମଜବୁତ ଭିତ୍ତି ପ୍ରଦାନ କରିବା ସହ ଗ୍ରାମୀଣ ଓ ଦୁର୍ଗମ ଅଞ୍ଚଳରେ ଆବଶ୍ୟକୀୟ ସେବାର ଉନ୍ନତ ପ୍ରବେଶକୁ ସମର୍ଥନ କରିବ।
ଟିପିଏସଓଡିଏଲ୍ ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ଅମିତ କୁମାର ଗର୍ଗ କହିଛନ୍ତି, “ନିର୍ଭରଯୋଗ୍ୟ ବିଦ୍ୟୁତ ଯୋଗାଣ ବିକାଶର ଏକ ଗୁରୁତ୍ୱପୂର୍ଣ୍ଣ ମାଧ୍ୟମ, ବିଶେଷକରି ଭୌଗୋଳିକ ଦୃଷ୍ଟିରୁ ଚ୍ୟାଲେଞ୍ଜିଂ ଅଞ୍ଚଳରେ ବସବାସ କରୁଥିବା ସମ୍ପ୍ରଦାୟଙ୍କ ପାଇଁ । ଗ୍ରେସିଙ୍ଗିଆ ପାୱାର ସବ୍ଷ୍ଟେସନ୍ ସ୍ଥାନୀୟ ବିଦ୍ୟୁତ ବଣ୍ଟନ ନେଟୱର୍କକୁ ସୁଦୃଢ଼ କରିବା ସହ ପ୍ରାୟ ୪,୦୦୦ ଉପଭୋକ୍ତାଙ୍କୁ ଅଧିକ ନିର୍ଭରଯୋଗ୍ୟ ଓ ଗୁଣାତ୍ମକ ବିଦ୍ୟୁତ ଯୋଗାଣ ପ୍ରଦାନରେ ସହାୟକ ହେବ । ଦକ୍ଷିଣ ଓଡ଼ିଶାର ସମସ୍ତ ଉପଭୋକ୍ତାଙ୍କୁ ନିର୍ଭରଯୋଗ୍ୟ ବିଜୁଳି ସେବା ସୁନିଶ୍ଚିତ କରିବା ସହ ଆମର ଭିତ୍ତିଭୂମିକୁ ନିରନ୍ତର ସୁଦୃଢ଼ କରିବା ପାଇଁ ଆମେ ପ୍ରତିବଦ୍ଧ।”
ଗ୍ରେସିଙ୍ଗିଆ ସବ୍ ଷ୍ଟେସନ୍ କନ୍ଧମାଳରେ ବିଦ୍ୟୁତ ନେଟୱର୍କକୁ ନିରନ୍ତର ସୁଦୃଢ଼ କରିବା ଏବଂ ଆହ୍ୱାନପୂର୍ଣ୍ଣ ଭୂଭାଗରେ ଭିତ୍ତିଭୂମିର ସ୍ଥିରତା ବୃଦ୍ଧି ପାଇଁ ଚାଲିଥିବା ପ୍ରୟାସର ଏକ ଅଂଶ । ଏହି ପ୍ରକଳ୍ପ ଏକ ଅଧିକ ସୁଦୃଢ଼ ଓ ତ୍ୱରିତ ପ୍ରତିକ୍ରିୟାଶୀଳ ନେଟୱର୍କ ଗଠନରେ ଯୋଗଦାନ କରିବ, ଯାହା ଏହା ଅଧୀନରେ ଥିବା ସମୁଦାୟଙ୍କ ବର୍ତ୍ତମାନ ଓ ଭବିଷ୍ୟତର ବିଦ୍ୟୁତ ଆବଶ୍ୟକତା ପୂରଣରେ ସକ୍ଷମ ହେବ ।