ପ୍ରଦେଶ କଂଗ୍ରେସ ସୋସିଆଲ ମିଡିଆ ଟିମ୍ରେ କଣାସରୁ ରମାକାନ୍ତ ମଙ୍ଗରାଜ
ପୁରୀ, (ଅନିମେଶ ପଟ୍ଟନାୟକ): ପୁରୀ ଜିଲ୍ଲାର କଣାସ ବ୍ଲକରୁ କଂଗ୍ରେସ ନେତା ରମାକାନ୍ତ ମଙ୍ଗରାଜଙ୍କୁ ଓଡ଼ିଶା ପ୍ରଦେଶ କଂଗ୍ରେସ କମିଟି ସୋସିଆଲ ମିଡିଆ ଟିମ୍ରେ ସାମିଲ କରାଯାଇଛି। ସୋସିଆଲ ମିଡିଆ ଅଧ୍ୟକ୍ଷ ସତ୍ୟଜିତ ଗମାଙ୍ଗ, ସମ୍ପ୍ରତି ବିଭିନ୍ନ ପ୍ଲାଟଫର୍ମରେ ଏଆଇସିସି ଏବଂ ପ୍ରଦେଶ କଂଗ୍ରେସ ର କାର୍ଯ୍ୟକଳାପକୁ ସୁଦୃଢ଼ କରିବା ପାଇଁ ରବିବାର ଏକ ୩୮ ଜଣିଆ ସମର୍ପିତ ଦଳ ଘୋଷଣା କରିଛନ୍ତି ।
ରମାକାନ୍ତ ପୂର୍ବରୁ ଜିଲ୍ଲା ଦଳର ବିଭିନ୍ନ ଶାଖାରେ ସଫଳତାର ସହ କାର୍ଯ୍ୟ କରିଛନ୍ତି ଏବଂ ତାଙ୍କର ସାଂଗଠନିକ ଅବଦାନ ପାଇଁ ସ୍ୱୀକୃତି ପାଇଛନ୍ତି। ଏହି ଅବସରରେ, ସେ ପ୍ରଦେଶ କଂଗ୍ରେସ ସଭାପତି ଭକ୍ତ ଚରଣ ଦାସ, ସୋସିଆଲ ମିଡିଆ ଅଧ୍ୟକ୍ଷ ସତ୍ଯଜିତ ଗମାଙ୍ଗ ଏବଂ ପୂର୍ବତନ ପ୍ରଦେଶ କଂଗ୍ରେସ ସଭାପତି ପ୍ରସାଦ ହରିଚନ୍ଦନଙ୍କ ପ୍ରତି ତାଙ୍କ ଉପରେ ବିଶ୍ୱାସ ରଖିବା ଏବଂ ଏହି ସୁଯୋଗ ପ୍ରଦାନ କରିବା ପାଇଁ କୃତଜ୍ଞତା ପ୍ରକାଶ କରିଛନ୍ତି।