ଭାରତ ନିର୍ବାଚନ ଆୟୋଗ ଭୋଟର ଫଟୋ ପରିଚୟପତ୍ରର (EPIC) ଶୀଘ୍ର ବିତରଣ କରିବେ

ଭୋଟର ତାଲିକାରେ ଅଦ୍ୟତନ ହେବାର ୧୫ ଦିନ ମଧ୍ୟରେ ଭୋଟରମାନେ ଭୋଟର ଫଟୋ ପରିଚୟ ପତ୍ର (EPIC) ପାଇବେ।

ଭୋଟର ମାନଙ୍କୁ ଭୋଟର ଫଟୋ ପରିଚୟପତ୍ର (EPICs) ଶୀଘ୍ର ପ୍ରଦାନ କରିବା ପାଇଁ, ଭାରତୀୟ ନିର୍ବାଚନ ଆୟୋଗ ଏକ ନୂତନ ମାନକ କାର୍ଯ୍ୟ ପ୍ରଣାଳୀ (SOP) ପ୍ରଚଳନ କରିଛନ୍ତି ଯାହା ଦ୍ୱାରା ଭୋଟର ତାଲିକାରେ ଅଦ୍ୟତନ ହେବାର ୧୫ ଦିନ ମଧ୍ୟରେ ଭୋଟର ଫଟୋ ପରିଚୟପତ୍ର (EPICs) ପ୍ରଦାନ କରାଯାଇପାରିବ। ଏଥିରେ ଭୋଟରଙ୍କ ନୂତନ ନାମଲେଖା କିମ୍ବା ପୂର୍ବରୁ ଥିବା କୌଣସି ଭୋଟର ବିବରଣୀରେ ପରିବର୍ତ୍ତନ ଅନ୍ତର୍ଭୁକ୍ତ ରହିବା। ଏହି ପଦକ୍ଷେପ ମୁଖ୍ୟ ନିର୍ବାଚନ କମିଶନର ଶ୍ରୀ ଜ୍ଞାନେଶ କୁମାରଙ୍କ ସହିତ ନିର୍ବାଚନ କମିଶନର ଡକ୍ଟର ସୁଖବୀର ସିଂହ ସାନ୍ଧୁ ଏବଂ ଡକ୍ଟର ବିବେକ ଯୋଶୀଙ୍କ ଦ୍ୱାରା ପରିକଳ୍ପିତ ଏବଂ ଏହା ଭୋଟରଙ୍କ ସୁବିଧା ପାଇଁ ନିର୍ବାଚନ ଆୟୋଗ ଦ୍ୱାରା ଗ୍ରହଣ କରାଯାଇଥିବା ବିଭିନ୍ନ ପଦକ୍ଷେପ ସହିତ ସଙ୍ଗତ।
ନୂତନ ବ୍ୟବସ୍ଥା, ନିର୍ବାଚନ ପଞ୍ଜୀକରଣ ଅଧିକାରୀ (ERO) ଦ୍ୱାରା EPIC ପ୍ରସ୍ତୁତି ଠାରୁ ଡାକ ବିଭାଗ (DoP) ମାଧ୍ୟମରେ ଭୋଟରଙ୍କୁ ବିତରଣ ପର୍ଯ୍ୟନ୍ତ ପ୍ରତ୍ୟେକ ପର୍ଯ୍ୟାୟର ପ୍ରକୃତ-ସମୟ ଟ୍ରାକିଂ ସୁନିଶ୍ଚିତ କରିବ। ଭୋଟରମାନେ ପ୍ରତ୍ୟେକ ପର୍ଯ୍ୟାୟର ସୂଚନା SMS ମାଧ୍ୟମରେ ମଧ୍ୟ ପାଇବେ, ଯାହା ସେମାନଙ୍କୁ ତାଙ୍କ ଭୋଟର ଫଟୋ ପରିଚୟପତ୍ର (EPICs)ର ସ୍ଥିତି ବିଷୟରେ ଅବଗତ କରାଇବ।
ଏହି ଉଦ୍ଦେଶ୍ୟରେ, ନିର୍ବାଚନ ଆୟୋଗ ଏହାର ସମ୍ପ୍ରତି ଆରମ୍ଭ ହୋଇଥିବା ECINet ପ୍ଲାଟଫର୍ମରେ ଏକ ଉତ୍ସର୍ଗୀକୃତ ଆଇ.ଟି ମଡ୍ୟୁଲ୍ ପ୍ରଚଳନ କରିଛିନ୍ତି। ନୂତନ ଆଇ.ଟି ପ୍ଲାଟଫର୍ମ ବର୍ତ୍ତମାନର ଢାଞ୍ଚାକୁ ପୁନଃପରିକଳ୍ପନା କରି କାର୍ଯ୍ୟପ୍ରଣାଳୀକୁ ସୁଗମ କରିବ ଓ ବିଦ୍ୟମାନ ପ୍ରକ୍ରିୟାକୁ ବଦଳାଇବ। ନିର୍ବିଘ୍ନ ବିତରଣ ପାଇଁ DoP ର ଆପ୍ଲିକେସନ୍ ପ୍ରୋଗ୍ରାମ୍ ଇଣ୍ଟରଫେସ୍ (API) ECINet ସହ ସମନ୍ୱିତ ହେବ। ଏହି ପଦକ୍ଷେପର ଲକ୍ଷ୍ୟ ହେଉଛି ସୂଚନାର ସୁରକ୍ଷା ବଜାୟ ରଖିବା ସହ ସେବା ବିତରଣକୁ ବୃଦ୍ଧି କରିବା।
ସମସ୍ତ ଭୋଟରଙ୍କୁ ତୁରନ୍ତ ଏବଂ ଦକ୍ଷ ନିର୍ବାଚନୀ ସେବା ଯୋଗାଇବା ହେଉଛି ନିର୍ବାଚନ ଆୟୋଗର ଏକ ପ୍ରମୁଖ ଲକ୍ଷ୍ୟ। ଏହା ମନେ ପକାଇ ଦିଆଯାଇପାରେ ଯେ ଗତ ଚାରି ମାସ ମଧ୍ୟରେ, ନିର୍ବାଚନ ଆୟୋଗ ଭୋଟର ଏବଂ ଅନ୍ୟାନ୍ୟ ଅଂଶୀଦାରମାନଙ୍କ ଲାଭ ପାଇଁ ଅନେକ ପଦକ୍ଷେପ ନେଇଛନ୍ତି।