ରାତାରାତି ବିତ୍ତଶାଳି ହେବାର ନିଶା କୁ ,ଭଣ୍ଡୁର୍ କଲା ଭଞ୍ଜନଗର ପୋଲିସ୍
ଭଞ୍ଜନଗର ରୁ { ଉଦୟନାଥ ପଣ୍ଡା }: ଗୋଟିଏ ପକ୍ଷରେ ବେକାରି ସମସ୍ୟା ବଢୁଛି ତ ଅନ୍ୟ ପକ୍ଷରେ ବରାବର୍ ଅପରାଧ ମଧ୍ୟ ବଢୁଛି। ଏହିଭଳି ପରିସ୍ଥିତିରେ କିଛି ଯୁବ ଜନସାଧାରଣ ରାତାରାତି ରୋଜଗାର କ୍ଷାମ ହୋଇ ବିତଶାଳି ହେବାର ସ୍ଵପ୍ନ ସାକାର କରିବାକୁ ପଛାଉ ନାହାଁନ୍ତି। ସେଥିନିମିତ୍ତ ବେନିୟମ ଭାବେ କମ୍ ପରିଶ୍ରମ କରି ରାତାରାତି ବଡ଼ଲୋକ ହେବାର ସ୍ବପ୍ନ ଦେଖୁଛନ୍ତି, ଏବଂ ପରେ ତାକୁ ବିଭିନ୍ନ ରୁପରେ ସାକାର କରିବାକୁ ମଧ୍ୟ ପଛାଉ ନାହାଁନ୍ତି। ଏହିଭଳି ବେନିୟମ କାର୍ଯ୍ୟ ମଧ୍ୟରେ ଚୋରା ଗଞ୍ଜେଇ, ମଦ କାରବାର, ଖଣି ଖାଦାନ ଲୁଟିବା ଅନ୍ୟତମ। ଭଞ୍ଜନଗର ଓ ଏହାର ଆଖପାଖ ଅଞ୍ଚଳରେ ଲଘୁ ଖଣିଜ ଦ୍ରବ୍ୟ, ମଦ, ଗଞ୍ଜେଇ ଚୋରା କାରବାର ଦିନକୁ ଦିନ ବଢ଼ୁଛି। ରାଜସ୍ବ, ପୋଲିସ ଏବଂ ଅବକାରୀ ବିଭାଗ ବିଭିନ୍ନ ସମୟରେ ଅଭିଯୁକ୍ତମାନଙ୍କୁ ଗିରଫ ମଧ୍ୟ କରୁଛନ୍ତି। ତଥାପି ଏହିଭଳି ବେନିୟମ ଚୋରା କାରବାର ଦିନକୁ ଦିନ ଥମିବାକୁ ନାଁ ନେଉନାହିଁ।
୨୨ ତାରିଖ ଗୁରୁବାର ଦିନ ପ୍ରାୟ ୧୨.୩୦ ସମୟରେ ଏସ୍.ଆଇ ଲକ୍ଷ୍ମୀଧର ମହାନ୍ତି ଅନ୍ୟ ପି.ଏସ୍.ଙ୍କ ସହିତ ମୁଜାଗଡ଼ା ଏବଂ ନିକଟସ୍ଥ ଅଞ୍ଚଳରେ ଦିନରେ ପାଟ୍ରୋଲିଂ ଡ୍ୟୁଟି କରୁଥିବା ସମୟରେ, ସେ ତାଙ୍କ ସୂତ୍ରରୁ ସୂଚନା ପାଇଲେ ଯେ ,ନିଧିଆପଲ୍ଲୀ ଛକର ରେଷ୍ଟ ସେଡ୍ ନିକଟରେ ତିନି ଜଣ ବ୍ୟକ୍ତି ଦୁଇଟି ଜରି ବ୍ୟାଗ୍ ସହିତ ସନ୍ଦେହଜନକ ଭାବରେ ଠିଆ ହୋଇଛନ୍ତି। ସେମାନଙ୍କୁ ଦେଖି ସେମାନେ ଘଟଣାସ୍ଥଳରୁ ଖସିଯିବାକୁ ଚେଷ୍ଟା କରିଥିଲେ, କିନ୍ତୁ ପୋଲିସ ଦଳ ସେମାନଙ୍କୁ ଦୁଇଟି ଜରି ବ୍ୟାଗ୍ ସହିତ ଧରିପାରିଲେ। ବ୍ୟାଗ୍ ଯାଞ୍ଚ କରିବା ସମୟରେ ସେମାନେ ଜାଣିପାରିଲେ ଯେ ଉକ୍ତ ବ୍ୟାଗ ଗୁଡ଼ିକରେ ଚୋରା ଗଞ୍ଜେଇ ଥିଲା। ପଚରାଉଚରା ସମୟରେ ସେମାନେ ନିଜର ପରିଚୟ ପ୍ରକାଶ କରିଥିଲେ: ୧. ରାଜୁ ଶଙ୍କର (୩୨), କାନହେଇ ଶଙ୍କରଙ୍କ ପୁଅ, ଭିଲ୍-ମଖଲା, ପିଏସ୍-ଉତ୍ତରପଡ଼ା, ଜିଲ୍ଲା-ହୁଗଲି, ୨. ଉତ୍ତମ କୁମାର ସିଂହ (୩୬), ସ୍ୱର୍ଗତ ରମାକାନ୍ତ ସିଂହଙ୍କ ପୁଅ, ଭିଲ୍-ମଖଲା, ପିଏସ୍-ଉତ୍ତରପଡ଼ା, ଜିଲ୍ଲା-ହୁଗଲି, ୩. ସମୀର କୁମାର ଦୁବେ (୨୬) ପୁଅ ଜୟପ୍ରକାଶ ଦୁବେ, ଭିଲ୍-ହିନ୍ଦମୋଟର, ପିଏସ୍-ଉତ୍ତରପଡ଼ା, ଜିଲ୍ଲା-ହୁଗଲି, ସମସ୍ତେ ପଶ୍ଚିମବଙ୍ଗ ରାଜ୍ୟର ବୋଲି ଜଣାପଡ଼ିଛି। ବ୍ୟାଗଗୁଡ଼ିକୁ ଅଧିକ ତଲାସୀ କରିବା ପରେ ଜଣାପଡିଲା ଯେ ଉକ୍ତ ବ୍ୟାଗରେ ପ୍ରାୟ ୨୬.୫୬୦ କିଲୋଗ୍ରାମ ଚୋରା ଗଞ୍ଜେଇ ଥିଲା। ସେମାନେ ପ୍ରକାଶ କରିଛନ୍ତି ଯେ ସେମାନେ ଫୁଲବାଣୀ ପାର୍ଶ୍ୱ ରୁ ଉକ୍ତ ଗଞ୍ଜେଇ କୁ ଏକ ମା’ ଲକ୍ଷ୍ମୀ ବସ୍ ରେ ଭୁବନେଶ୍ୱର ଦେଇ କୋଲକାତାକୁ ପରିବହନ କରୁଛନ୍ତି ଏବଂ ଜଗନ୍ନାଥ ପ୍ରସାଦ ଅଞ୍ଚଳର ଧର୍ମେନ୍ଦ୍ର ପଟ୍ଟନାୟକ ତାଙ୍କୁ ଉକ୍ତ ବସ୍ ର ସହାୟକ ହୋଇଥିବାରୁ ବସ୍ରେ ପରିବହନରେ ସହାୟତା କରୁଛନ୍ତି। ଚାରି ଅଭିଯୁକ୍ତଙ୍କୁ ଗିରଫ କରାଯାଇ ଆଜି ଅର୍ଥାତ୍ ୨୩.୦୫.୨୦୨୫ ଶୁକ୍ରବାର ଦିନ କୋର୍ଟକୁ ପଠାଯାଇଛି। ଉକ୍ତ ସ୍ଥଳରେ ମାଜିଷ୍ଟ୍ରେଟ ଦାୟିତ୍ବରେ ଭଞ୍ଜନଗର ତହସିଲଦାର ଅବିନାଶ ମହାର ଉପସ୍ଥିତ ଥିଲେ।