ଇଚ୍ଛାପୁରରେ “ବେଟି ପଢାଓ ବେଟି ବଚାଓ” ଅଭିଯାନ

ସୁବର୍ଣ୍ଣପୁର ଶାସକ ପ୍ରଶାସକ (ପ୍ରକାଶ କୁମାର ହାତୀ) ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ଇଚ୍ଛାପୁର ଚୈତନ୍ଯ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ତରଫରୁ ବେଟି ପଢାଓ ବେଟି ବଚାଓ ଅଭିଯାନ ପାଳନ ହୋଇଯାଇଛି। ବିଦ୍ୟାଳୟର ଛାତ୍ରୀ ଓ ତାଙ୍କ ମାଆ ମାନଙ୍କ ଦ୍ବାରା ଗ୍ରାମ୍ଯ ପରିକ୍ରମା କରାଯାଇଥିଲା। ଛାତ୍ରୀ ରଶ୍ମି ବରିହା,ଗ୍ରେସିରାଣୀ ସେଠ୍,ଆଲିସା ସେଠ୍,ପୂଜା ଭୁଏ ଓ ସ୍ନେହା ନାଏକଙ୍କ ଦ୍ବାରା ବାଲ୍ଯ ବିବାହ ଉପରେ ସଚେତନ ଧର୍ମୀ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ପ୍ରଧାନ ଶିକ୍ଷକ ସହଦେବ ଭୁଏ ତତ୍ତ୍ବାବଧାନ ରେ କାର୍ଯ୍ୟକ୍ରମଟିକୁ ପରିଚାଳନା କରିଥିବେଳେ ଶିକ୍ଷକ ଧିରେନ୍ଦ୍ର ନାରାୟଣ ବାରିକ, ଜୀବର୍ଦ୍ଧନ ସାମନୀ, ପ୍ରମୋଦ କୁମାର ସାହୁ ଓ ନରେନ୍ଦ୍ର ପ୍ରଧାନ ସହଯୋଗ କରିଥିଲେ। ଏଥିରେ ଶତାଧିକ ଗ୍ରାମବାସୀ ଉପସ୍ଥିତ ରହିଥିଲେ ।