ଶ୍ରୀକୃଷ୍ଣଚନ୍ଦ୍ର ଗଜପତି ସ୍ୱୟଂଶାସିତ ମହାବିଦ୍ୟାଳୟରେ ଜାତୀୟ ସେମିନାର ଅନୁଷ୍ଠିତ

ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଶ୍ରୀକୃଷ୍ଣଚନ୍ଦ୍ର ଗଜପତି ସ୍ୱୟଂଶାସିତ ମହାବିଦ୍ୟାଳୟରେ ଦୁଇଦିନିଆ ସେମିନାର ଅନୁଷ୍ଠିତ ହୋଇଯାଇଛି। ଓଡିଆ , ତେଲୁଗୁ , ହିନ୍ଦି , ଇଂରାଜୀ , ସଂସ୍କୃତ ଭାଷାରେ ବିଭିନ୍ନ ଲୋକ ସଂସ୍କୃତି ସ୍ଥିତି ସଂପର୍କରେ ଅବଗତ କରାଇଥିଲେ। ଉପରୋକ୍ତ ଦୁଇ ଦିନରେ ୧୨୫ଗୋଟି ପ୍ରବନ୍ଧ ଉପସ୍ଥାପନ କରାଯାଇଥିଲା।
ପ୍ରଥମ ଦିବସରେ ମହାବିଦ୍ୟାଳୟର ଅଧ୍ୟକ୍ଷ ଡ. ଅଜୟ କୁମାର ତ୍ରିପାଠୀ ସଭାପତିତ୍ୱରେ ବିଶିଷ୍ଟ ଗବେଷକ ପୂର୍ଣ୍ଣଚନ୍ଦ୍ର ମହାପାତ୍ର ଓ ଡ. ଜୀତେନ୍ଦ୍ର ନାଥ ପଟ୍ଟନାୟକ ଯଥାକ୍ରମେ ମୁଖ୍ୟଅତିଥି ଓ ସମ୍ମାନିତ ଅତିଥି ରୂପେ ଯୋଗଦାନ କରିଥିଲେ। ଡ.ବ୍ରଜସୁନ୍ଦର ମିଶ୍ର , ଡ.ଶରତ କୁମାର ଜେନା , ଡି.ଶବରାମକ୍ରିଷ୍ଣା , ରାଜେନ୍ଦ୍ର ତ୍ରିପାଠୀ ସମୀକ୍ଷକ ରହିଥିଲେ।
ଦ୍ୱିତୀୟ ଦିବସରେ ଡ. ସିଦ୍ଦାର୍ଥ ଶଙ୍କର ପାଢୀ ମୁଖ୍ୟବକ୍ତା , ତଥା ସମ୍ମାନିତ ଅତିଥି ରୂପେ ଜିଲ୍ଲା ସଂସ୍କୃତି ଅଧକାରୀ ସୁଶ୍ରୀ ଅର୍ଚ୍ଚନା କୁମାରୀ ମଙ୍ଗରାଜ , ଡ. ରାଧାକାନ୍ତ ଭୂୟାଂ ଯୋଗଦାନ କରିଥିଲେ। ସମସ୍ତ କାର୍ଯ୍ୟକ୍ରମକୁ ଡ. ଚନ୍ଦ୍ରଶେଖର ଦାସ , ଡ. ସ୍ନେହପ୍ରଭା ପଣ୍ଡା , ଡ.ବିଘ୍ନରାଜ ମିଶ୍ର ପରିଚାଳନା କରିଥିଲେ। ଦିପ୍ତୀମୟୀ ପାଣିଗ୍ରାହୀ ଶେଷରେ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
ବିଭିନ୍ନ ଭାଷା ଓ ଅସ୍ମିତା ଉପରେ ଆଲୋକପାତ କରାଯାଇଥିଲା। ଓଡିଶା , ଆନ୍ଧ୍ରପ୍ରଦେଶ ତଥା ସୁଦୂର ଶାନ୍ତିନିକେତନ ବିଶ୍ୱବିଦ୍ୟାଳୟରୁ ପ୍ରଫେସର ତଥା ଅବସରପ୍ରାପ୍ତ ପ୍ରଫେସର ମାନଙ୍କ ଉପସ୍ଥିତି ଏହି କାର୍ଯ୍ୟକ୍ରମକୁ ରୁଦ୍ଧିମନ୍ତ କରିଥିଲା। ଏହିଭଳି ଏକ ବିରଳ କାର୍ଯ୍ୟକ୍ରମକୁ ସାର୍ବଜନୀନ କରିବାରେ ମହାବିଦ୍ୟାଳୟର ଅଧ୍ୟକ୍ଷ ତଥା ଅଧ୍ୟାପିକା ମାନଙ୍କ ଶ୍ରେଷ୍ଠ ଭୂମିକା ରହିଥିଲା।